နောက်ပစ်အနက်၊ ၃-ပါးထွက်၊ မိန့်မြွက် ဖြေတော်မူ။ ။ ပဲနှင့်စလယ်၊ ပယ်၌၀ယ်၊ တင့်တယ် နောက်ပစ်မှ။ ဟူသော ပရိဘာသာ အရ။
(၁) ငွေ တပဲ, နှစ်ပဲ, ဟူသော အနက်၊
(၂) ဆန် တစလယ်, ဟူသောအနက်၊
(၃) မြေ တပယ်, နှစ်ပယ်, ဟူသော အနက်တို့၌ (၁ဲ, ၂ဲ) ဟု နောက်ပစ်နှင့် ရေးရ၏။
နောက်ပစ်မျိုး ၃-ပါး။ ။ မြန်မာသင်ပုန်းကြီးကျမ်းလာ ၃၆-ပါးသော ဌာနတို့တွင်ပါဝင်သည်။စာစီ စာကုံးဥပဒေသ ဝေါဟာရ၊" အဲ, အဲ့, အဲး" တို့ဖြစ်၏၊(နောက်ပစ် ယသတ် သမာနဟော။)
နောင်တ တရားကြီး ၁၀-ပါး။ ။ လွန်ပြီးသော အမှုတို့ကိုပြန်တွေးကာ စိတ်မအေးဘွယ် အကြောင်းတရား ၁၀-ပါး၊ ဒွါဒသနိပါတ် ဇနသန္ဓဇာတ် ပါဠိတော်မှ။
(၁) ငယ်ရွယ်စဉ်အခါ ပစ္စည်းဥစ္စာ မရှာ မဆည်းပူးခဲ့လျှင် အိုမင်းသော နောင်အခါ၌ မရှိဆင်းရဲ မွဲပြာကျသောကြောင့် နောင်တ ရတတ်သည်။
(၂) ငယ်ရွယ်စဉ်အခါ ပညာသင်ကြားရန် အခွင့်အရေး ရပါလျက် ပညာကို မသင်မကြား ဆိုးတေကာ ကျောင်းပြေးလုပ်သောသူသည် ပညာမရှိခြင်းကြောင့် နောင်အသက်မွေးမှုငြိုငြင်ဆင်းရဲ သောအခါ နောင်တ ရတတ်သည်။
(၃) ကောက်ကျစ်စဉ်းလဲခြင်း၊ ကုန်းချောစကားပြောကြား ရန်တိုက်ခြင်းများ ပြုမိခဲ့လျှင် နောင်သေရာညောင်စေါင်း၌ လျှောင်းစက်ရသောအခါ နောင်တတရား ရတတ်သည်။
(၄) သူ၏အသက်ကိုသတ်ခြင်း၊ ကြမ်းကြုတ်ခြင်း၊ ယုတ်မာ ညစ်ညမ်းသော အမှုတို့ကိုပြုခြင်း၊ သတ္တ၀ါများအား သနားမဖက် ရက်စက်သည်ကို ဉပမိခြင်းတို့ကြောင့်လည်း နောင်သောအခါ နောင်တရတတ်သည်။
(၅) အဂမနိယ မသွားလာအပ်သော သူ့မယား ခင်ပွန်းနှင့်သားသမီးများကို သွားလာပေါင်းသင်း မှီဝဲဖျက်ဆီးမိခြင်းကြောင့်လည်း နောင်တ တဖန် ပူပန်ရတတ်သည်။
(၆) များစွာသော ပစ္စည်းဥစ္စာ ထမင်း အဖျော်တို့ ရှိပါလျက် ထိုစဉ်အခါက ဒါနမပြုမိလျှင် နောင်သောအခါ နောင်တ ရတတ်သည်။
(၇) ဥစ္စာအား, ကိုယ်အား, ဥာဏ်အား များစွာရှိပါလျက် အိုမင်းသော မိဘတို့ကို အသက်ရှင်စဉ်အခါက မလုပ်ကျွေး မမွေးမြူ မိခဲ့လျှင် နောင်သောအခါ နောင်တ ရတတ်သည်။
(၈) ပုဗ္ဗာစရိယ ဖြစ်၍ အဖန်တလဲလဲ ဆိုဆုံးမတတ်သော အလုံးစုံသော ၀တ္ထုကာမ အရသာတို့ကို ရှာကြံဆောင်ယူ၍ ကျွေးမွေး ပေးတတ်သော မိခင် ဘခင်မြတ် တို့ကို အထေမဲ့ပြုမိလျှင် နောင်သောအခါ နောင်တ ရတတ်သည်။
(၉) သီလ, သမာဓိ, ပညာ ဗဟုသုတသခင် ရဟန်းတော်အရှင် သူတော်စင်များ ထင်ရှားရှိပါလျက် မဆည်းကပ် မကိုးကွယ် မပေးလှူမိသူသည်လည်း နောင်သောအခါ နောင်တ ရတတ်သည်။
(၁၀) ငြိမ်သက်တည်ကြည်သောအကျင့် ခြိုးခြံသော အကျင့်သည် ကောင်းမြတ်၏ဟု သူတော်ကောင်းတို့ ဟောကြားခဲ့ပြီ၊ ဤသို့သော အကျင့်မြတ်တို့ကို ငါလည်း ရှေးက မကျင့်ခဲ့မိဟု နောင်သောအခါ နောင်တ ရတတ်သည်။
နောင်ပြင်ရန်ခက်၊ မျိုး ၅-ချက်၊ မိန့်မြွက် ပညာရှင်။ ။ ဤ၌ စလေဆရာကား ရှေ့သုံးပါးဖြစ်သော အိမ်ထောင်ဉပ၊ ဘုရားတည်၊ ဆေးမင်ကြောင်ထိုးမှုတို့ကို ပြသွား၏။ ကျောင်းလှူ ကျောင်းထိုင်ပင့် ကိစ္စနှင့် စာချုပ်ရေးကိစ္စ ထည့်၍ ၅-ပါးဖြစ်လာသည်၊ ကျောင်းလှူမှားလျှင် ဘုန်းကြီးနှင့်စကားများ နှင်ချလို့လည်း မသွား၊ အပါယ်သို့သာ လားတတ်ကြသည်၊ စာချုပ်မှု ကိစ္စကား သာ၍ပင် ဆိုးချေ၏၊ ထို့ကြောင့် "အိမ်ထောင်မှု၊ ဘုရားတည်၊ ဆေးမင်ရည် စုတ်ထိုး၊ ကျောင်းထိုင်ပင့် မြတ်သံဃာ၊ စာချုပ်ရာ ခက်တဲ့အမျိုး။ ဤ ၅-ခု သမ္ပဇဉ်၊ ဥာဏ်ယှဉ်ကာ ပြုကြမြှော်ကိုး" ဟုဆိုရိုးပြုကြသည်။
« နို »
နို့အရသာမျိုး ၅-ပါး။ ။ နွားနို့ စသည်မှ ဖြစ်ပေါ်သော အရသာ ဓာတ်များ။
(၁) ခီရ- နို့စိမ်း နို့ကျက်၊
(၂) ဒဓိ- ဓိန်ခဲ၊
(၃) ဋက္က- ရက်တက်ရည်၊
(၄) န၀နီတ- ထောပေး၊ ဆီဦး၊
(၅) သပ္ပိ- ထောပတ်။
နို့ထိန်း အင်္ဂါ ၉-ပါး။ ။ ဗုဒ္ဓ၀င် အဋ္ဌကထာမှ၊ ရှေးအခါက ယခုကဲ့သို့ တိရစ္ဆာန်နို့မျိုးဖြင့် မိမိတို့သားသမီးတို့ကို မမွေးမြူ၊ လူလူချင်း နို့ဖြင့်သာ မွေးမြူစေကြ၏။ ထို့ကြောင့် မိမိကလေးအား နို့ထိန်း တိုက်ကျွေးမည့် သူမသည်
" မမြင့်လွန်း, မနိမ့်လွန်း, မကြုံလွန်း, မဆူလွန်း, မမည်းလွန်း, မဖြူလွန်း, ရင်သားမရှည်လွန်း, မတိုလွန်း, ချောင်းဆိုးပန်းနာ မရှိ,သူ" ဖြစ်စေရသည် ဟူ၏။
နိုင်ငံတော် ကျယ်ပြန့်မှု အကြောင်းကြီး ၈-ပါး။ ။ တိုင်းပကား ပြည်နယ် တိုးကျယ် ပြန့်ပွားခြင်း အကြောင်း အင်အား ရှစ်ပါး။ ရာဇနီတိ သျှတြ။
(၁) စစ်၏ဦးခေါင်းခေါ် စစ်သူကြီး ဗိုလ်ချုပ်ရှိရခြင်း၊
(၂) စစ်၏မျက်စိ ခေါ် ဟူရားတတ်နှင့် ဆရာဝန်များရှိရခြင်း၊
(၃) စစ်၏နားခေါ် သူလျှိုကောင်းများရှိရခြင်း၊
(၄) စစ်၏အား ခေါ် ရဲမက် စစ်သည်ကောင်းများစွာ ရှိရခြင်း၊
(၅) စစ်၏ခံတွင်းခေါ် တမန်လိမ္မာများ ရှိရခြင်း၊
(၆) စစ်၏အစွယ်ခေါ် ဗိုလ်မှူး တပ်မှူး ရှိရခြင်း၊
(၇) စစ်၏ခြေခေါ် ကြည်း, ရေ, လေယာဉ်နှင့် ယာဉ်မောင်း သူရဲကောင်းများ ရှိရခြင်း၊
(၈) စစ်၏ လက် ခေါ် လက်နက်ခဲယမ်း ရိက္ခာ များစွာ ရှိရခြင်း။
နိုင်လိုသူများ၊ ကျင့်ဆောင်ထား၊ ၅-ပါး မြတ်ဓမ္မာ။ ။ ၎င်းင်းကို (အောင်နိုင်ခြင်း တရား ၅-ပါး) ဟူသော သရုပ်၌ ဆိုခဲ့ပြီ။
« နွ »
နွားလားကြီးမျိုး ၃-ပါး။ ။
(၁) နွားကောင်ရေ တရာတို့၏ အကြီးအမှူးသည် နွားလား "ဥသဘ" မည်၏၊
(၂) နွားကောင်ရေ တထောင်တို့၏ အကြီးအမှူးသည် နွားလား "နိသဘ" မည်၏၊
(၃) အားလုံးသောနွားအပေါင်းတို့၏ အကြီးအမှူးသည် နွားလား "အာသဘ" မည်၏၊
မူလပဏ္ဏာသ ။ ပါ။ ၉၉ ။ဋ္ဌ။ ပ-အုပ်၊ ၃၃၂-၌ အကျယ်ရှုပါ။
« နှ »
နှစ် အမျိုးအစား ၃-ပါး။ ။ နက္ခတ် ဗေဒင်ကျမ်းတို့မှ၊
(၁) မဏ္ဍုက ဂတိကနှစ်- ရက်ပေါင်း ၃၆၄-ရက်ကျမှ မိဿရာသီသို့ တနင်္ဂနွေ ရောက်လျှင် နေသည် အသွားနှေးသောကြောင့် မဏ္ဍုက ဂတိကနှစ်ခေါ်သည်၊ လဆန်း တိထီ ၁-ရက်, ၂-ရက် မှာ လမြင်ရ၏၊
(၂) သီဟ ဂတိကနှစ်- ရက်ပေါင်း ၃၅၄-ရက်နှင့် မိဿရာသီသို့ တနင်္ဂနွေ ရောက်လျှင် နေသည် ခုန်ကျော်၍ အသွားမြန်သောကြောင့် သီဟ ဂတိကနှစ်ခေါ်သည်၊ လဆန်း တိထီ ၄-ရက်, ၅-ရက် မှ လမြင်ရ၏၊
(၃) ယထာ ဂတိကနှစ်-ရက်ပေါင်း ၃၆၀-အပြည့်မှာ မိဿရာသီသို့ တနင်္ဂနွေ ရောက်လျှင် နေသည် မနှေးမမြန် အဖြောင့်သွားသောကြောင့် ယထာ ဂတိကနှစ်ခေါ်သည်၊ လဆန်း တိထီ ၃-ရက်မှာ လမြင်ရ၏၊ ဆေးသြဇာရှိသော နှစ်မည်၏။ မှတ်ချက်။ ။ တလ၏ အင်္သာ ရက်ပေါင်း-၃၀၊ မိဿ, စသော ဆယ့်နှစ်ရာသီလျှင် အင်္သာရက်ပေါင်း ၃၆၀-ကို အမြဲထား၍ နှစ်မျိုး ၃-ပါး ပိုင်းခြား၍ ပြသည်။
နှစ် အမျိုးအစား ၅-ပါး။ ။ သုတေသီတုိ့အတွက် အချက်ကျ သိစေရန် တွက်နည်း လင်္ကင်္ာပါ ဖေါ်ပြထားသည်။ ။ လင်္ကာသံပိုင်ကား။ ကမ္ဘာကပ္ပ,၊ သာသန, သံဝစ်၊ တိထီ,နှစ်နှင့်။ သစ်သစ်သင်္ချာ၊ အင်္သာမည်ထုတ်၊ သုဒ္ဓဒိန်သွား၊ နှစ်ငါးပါးတွင်၊ ပျက်ပွားတည်ထ၊ တပေါင်းစ၍၊ တိံသဒိဝ၊ လဖြင့် ရေတွက်၊ အရက်ခြောက်ဆယ်၊ သုံးရာကြွယ်သား၊ ထိုဝယ်နှစ်ကို၊ ကပ္ပဆို၏။ ထိုလည်းတကြောင်း၊ တပေါင်းကွယ်ပြည့်၊ ပါဋိပဒ၊ တန်ခူးစ၍၊ ခြောက်လ ခြောက်လ၊ ၀ိသမနှင့်၊ သမဖြင့်အား၊ ငါးဆယ့်လေးခါ၊ ရက်သုံးရာကား၊ သာသနာနှစ်၊ ဖြစ်၏၎င်းင်း၊ တပေါင်းလပြည့်၊ တန်ခူးပြည့်နှင့်၊ ဆယ်နှစ်လှည့်လည်၊ တိထီမည်၏၊ တလီဆိုဘွယ်၊ သုံးဆယ်အင်္သာ၊ ဆယ့်နှစ်ခါ၌၊ အင်္သာသံဝစ်၊ ခေါ်မြဲနှစ်တည်း။ သက္ကရာဇ်ဦး၊ တန်ခူးတာတက်၊ ရက်၏အပ၊ ကြုံခဲ့ကြ၍၊ သုံးရာ့ရက်ပါး၊ ခြောက်ဆယ့်ငါးနှင့်၊ ဆယ့်ငါးနာရီ၊ နှစ်ပါဒ်ချီလျက်၊ တဗီဇနာ၊ သုံးပြန်ကျတွင်၊ သုဒ္ဓဒိန္န၊ သံဝစ္ဆရဟု။ သဒ္ဓမ္မပုည၊ ရွှေဝဆီမီး၊ စွယ်စုံကြီးတို့၊ ရှေးတီးတင့်နှိုင်း၊ ဆက်စဉ်လှိုင်း၍၊ သံပိုင်းမင်္ဂလာ၊ တင်ပြန်ရာသည်၊ မင်းသာပိုင်သ၊ စိုးမြန်းတည်း။
နှစ် အမျိုးအစား ၁၂-ပါး။ ။ ခုနှစ်သက္ကရာဇ် အမည် ၁၂-မျိုး၊ ၎င်းင်းတို့ကိုပင် "သင်္ကြန်မျိုး ၁၂-ပါး" ဟုလည်းခေါ်ကြသည်၊ သင်္ကြန်လက်ရိုးကျမ်းတို့မှ နည်းရရုံ ပြလိုက်၏၊
ရောက်ဆဲ သက္ကရာဇ်ကိုတည်၊ ၂-ခုနုတ်၊ ၁၂-ခုစား၊
၁-ကြွင်းမူ ဇေယျနှစ်၊
၂-ကြွင်းမူ ၀ိသာခါနှစ်၊
၃-ကြွင်းမူ ဇေဋ္ဌနှစ်၊
၎-ကြွင်းမူ အာသဠှီနှစ်၊
၅-ကြွင်းမူ သရ၀ဏ်နှစ်၊
၆-ကြွင်းမူ အဒြနှစ်၊
၇-ကြွင်းမူ အဿယုတ္တနှစ်၊
၈-ကြွင်းမူ ကြတ္တိကာနှစ်၊
၉-ကြွင်းမူ မိဂသီနှစ်၊
၁၀-ကြွင်းမူ ဖုသျှနှစ်၊
၁၁-ကြွင်းမူ မာဃနှစ်၊
၁၂-ကြွင်းမူ ဖဂ္ဂုဏနှစ်။
နှစ်ကျိပ်ရှစ်ဆူ ဘုရား။ ။ ဂေါတမ ဘုရားလောင်း ဗျာဒိတ် ခံယူသော ကမ္ဘာမှစ၍ ပွင့်တော်မူသော ဘုရားရှင်များ၏ အမည်တော်တို့ဖြစ်သည်။
(၁) တဏှင်္ကရာဘုရား-ဒုက္ကရစရိယာ ၇-ရက်၊ စရီးပင် (တောင်မရိုးပင်) ဗောဓိ၊ သက်တော် တသိန်း နေတော်မူ၏။
(၂) မေဓင်္ကရာဘုရား-ဒုက္ကရစရိယာ ၁၅-ရက်၊ ပေါက်ပင် ဗောဓိ၊ သက်တော် ကိုးသောင်း။
(၃) သရဏင်္ကရာဘုရား-ဒုက္ကရစရိယာ တလ၊ သခွတ်ပင် ဗောဓိ၊ သက်တော် ရှစ်သောင်း။
(၄) ဒီပင်္ကရာဘုရား-ဒုက္ကရစရိယာ ၇-ရက်၊ ညောင်ကြပ်ပင် ဗောဓိ၊ သက်တော် တသိန်း။
(၅) ကောဏ္ဍညဘုရား-ဒုက္ကရစရိယာ ဆယ်လ၊ ကြောင်လျှာပင် ဗောဓိ၊ သက်တော် တသိန်း။
(၆) မင်္ဂလဘုရား-ဒုက္ကရစရိယာ ရှစ်လ၊ ကံ့ကော်ပင် ဗောဓိ၊ သက်တော် ကိုးသောင်း။
(၇) သုမနဘုရား-ဒုက္ကရစရိယာ ဆယ်လ၊ ကံ့ကော်ပင် ဗောဓိ၊ သက်တော် ကိုးသောင်း။
(၈) ရေ၀တဘုရား-ဒုက္ကရစရိယာ ၇-လ၊ ကံ့ကော်ပင် ဗောဓိ၊ သက်တော် ခြောက်သောင်း။
(၉) သောဘိတဘုရား-ဒုက္ကရစရိယာ ၇-ရက်၊ ကံ့ကော်ပင် ဗောဓိ၊ သက်တော် ကိုးသောင်း။
(၁၀) အနောမဒဿီဘုရား-ဒုက္ကရစရိယာ ဆယ်လ၊ ဖောက်ကြံ့ပင် ဗောဓိ၊ သက်တော် တသိန်း။
(၁၁) ပဒုမဘုရား-ဒုက္ကရစရိယာ ရှစ်လ၊ ကြောင်လျာပင် ဗောဓိ၊ သက်တော် တသိန်း။
(၁၂) နာရဒဘုရား-ဒုက္ကရစရိယာ ၇-ရက်၊ ကြောင်လျာပင် ဗောဓိ၊ သက်တော် ကိုးသောင်း။
(၁၃) ပဒုမုတ္တရဘုရား-ဒုက္ကရစရိယာ ၇-ရက်၊ ထင်းရူးပင် ဗောဓိ၊ သက်တော် တသိန်း။
(၁၄) သုမေဓာဘုရား-ဒုက္ကရစရိယာ ၁၅-ရက်၊ ထိန်ပင် ဗောဓိ၊ သက်တော် ကိုးသောင်း။
(၁၅) သုဇာတဘုရား-ဒုက္ကရစရိယာ ကိုးလ ၊ ၀ါးပင် ဗောဓိ၊ သက်တော် ကိုးသောင်း။
(၁၆) ပီယဒဿီဘုရား-ဒုက္ကရစရိယာ ခြောက်လ၊ ရေခတက်ပင် ဗောဓိ၊ သက်တော် ကိုးသောင်း။
(၁၇) အတ္တဒဿီဘုရား-ဒုက္ကရစရိယာ ရှစ်လ၊ စကားပင် ဗောဓိ၊ သက်တော် တသိန်း။
(၁၈) ဓမ္မဒဿီဘုရား-ဒုက္ကရစရိယာ ၇-ရက်၊ လိပ်ဆူးရွှေပင် ဗောဓိ၊ သက်တော် တသိန်း။
(၁၉) သိဒ္ဓတ္ထဘုရား-ဒုက္ကရစရိယာ ဆယ်လ၊ မဟာလှေကားပင် ဗောဓိ၊ သက်တော် တသိန်း။
(၂၀) တိဿဘုရား-ဒုက္ကရစရိယာ ရှစ်လ၊ ပိတောက်ပင် ဗောဓိ၊ သက်တော် တသိန်း။
(၂၁) ဖုဿဘုရား-ဒုက္ကရစရိယာ ခြောက်လ၊ သျှိသျှားပင် ဗောဓိ၊ သက်တော် ကိုးသောင်း။
(၂၂) ၀ိပဿီဘုရား-ဒုက္ကရစရိယာ ရှစ်လ၊ သခွတ်ပင် ဗောဓိ၊ သက်တော် ရှစ်သောင်း။
(၂၃) သိခီဘုရား-ဒုက္ကရစရိယာ ရှစ်လ၊ သရက်ဖြူပင် ဗောဓိ၊ သက်တော် ခုနစ်သောင်း။
(၂၄) ဝေဿဘူဘုရား-ဒုက္ကရစရိယာ ခြောက်လ၊ အင်ကြင်းပင်ဗောဓိ၊ သက်တော် ခြောက်သောင်း။
(၂၅) ကကုသန်ဘုရား-ဒုက္ကရစရိယာ ရှစ်လ၊ ကုက္ကိုပင် ဗောဓိ၊ သက်တော် လေးသောင်း။
(၂၆) ကောဏဂုံဘုရား-ဒုက္ကရစရိယာ ခြောက်လ၊ ရေသဖန်းပင် ဗောဓိ၊ သက်တော် သုံးသောင်း။
(၂၇) ကဿပဘုရား-ဒုက္ကရစရိယာ ၇-ရက်၊ ပညောင်ပင် ဗောဓိ၊ သက်တော် နှစ်သောင်း။
(၂၈) ဂေါတမမြတ်စွာဘုရား-ဒုက္ကရစရိယာ ခြောက်နှစ်ကြာ၊ ညောင်ဗုဒ္ဓဟေပင်ရင်း၌ ပွင့်တော်မူသည်၊ သက်တော် ရှစ်ဆယ် နေတော်မူသည်။ ၎င်းင်း အကျယ်ကို ဗုဒ္ဓ၀ံသ။ ပါ။ ၃၈၁။ဋ္ဌ။ ၃၄၈၊ အပဒါန်။ ဋ္ဌ။ ပ-အုပ်။ ၅၄။ စရိယာပိဋက ။ဋ္ဌ။ ၁၄-တို့၌ ရှုပါလေ။
နှစ်ဆယ့်ငါးပါး၊ ဘေးကြီးများ၊ ဖြေကြား မြတ်အရှင်။ ။ ၎င်းင်း သရုပ်ကို (ဘေးကြီး ၂၅-ပါး)၌ ရှုပါ။
နှစ်ဆယ့်ရှစ်ရုပ်၊ စင်ဆွဲထုတ်၊ ဉပလုပ် ရုပ်သေး သဘင်သော်။ ။ ၎င်းင်းသရုပ်ကို (ရုပ်သေးကပွဲ၊ ပါစမြဲ၊ ထုတ်ဆွဲ ၂၈-ရုပ် အဘယ်နည်း?) ဟူသော သုတေသန၌ ရှုပါ။
နှစ်ဆယ့်လေးပစ္စည်း။ ။ ၎င်းင်းသည် ပဋ္ဌာန်းတရားတော်ဖြစ်၍ အာဂုံဆောင်ဉပပြီး နေ့စဉ်စည်းချ ရွတ်ဖတ်ပါက ရန်သူမျိုးငါးပါးမှ ကင်းလွတ်သည်။
ဟေတု ပစ္စယော၊ အာရမ္မဏ ပစ္စယော၊ အဓိပတိ ပစ္စယော၊ အနန္တရ ပစ္စယော၊ သမနန္တရ ပစ္စယော၊ သဟဇာတ ပစ္စယော၊
အညမည ပစ္စယော၊ နိဿယ ပစ္စယော၊ ဥပနိဿယ ပစ္စယော၊ ပုရေဇာတ ပစ္စယော၊ ပစ္ဆာဇာတ ပစ္စယော၊ အာသေ၀န ပစ္စယော၊
ကမ္မ ပစ္စယော၊ ၀ိပါက ပစ္စယော၊ အာဟာရ ပစ္စယော၊ ဣန္ဒြိယ ပစ္စယော၊ ဈာန ပစ္စယော၊ မဂ္ဂ ပစ္စယော၊
သမ္ပယုတ္တ ပစ္စယော၊ ၀ိပ္ပယုတ္တ ပစ္စယော၊ အတ္ထိ ပစ္စယော၊ နတ္ထိ ပစ္စယော၊ ၀ိဂတ ပစ္စယော၊ အ၀ိဂတ ပစ္စယော တိ။
နှလုံးသွေးရောင်မျိုး ၆-ပါး။ ။ လူ၏ စိတ္တုပ္ပါဒ်ကို လိုက်၍ဖြစ်ပေါ်သော သွေးရောင် ခြောက်ပါး။
(၁) ရာဂစရိုက် ထူပြောသူ၏နှလုံးသွေးသည် ချိပ်ရည်ကဲ့သို့ နီမောင်းသော အဆင်းရှိ၏၊
(၂) ဒေါသစရိုက် ထူပြောသူ၏နှလုံးသွေးသည် ထောက်ရှာသီးမှည်ကဲ့သို့ မည်းနက်သော အဆင်းရှိ၏၊
(၃) မောဟစရိုက် ထူပြောသူ၏နှလုံးသွေးသည် သားဟင်းလျာဆေးရည်ကဲ့သို့ ဖြော့တော့သော အဆင်းရှိ၏၊
(၄) ၀ိတက်စရိုက် ထူပြောသူ၏နှလုံးသွေးသည် မဖြူမညို ပဲစဉ်းငုံအဆင်းကဲ့သို့ ဖြော့တော့သော အဆင်းရှိ၏၊
(၅) သဒ္ဓါစရိုက် ထူပြောသူ၏နှလုံးသွေးသည် မဟာလှေကားပန်းအဆင်းကဲ့သို့ ၀ါဝင်းကြည်လင်သော အဆင်းရှိ၏၊
(၆) ပညာစရိုက် ထူပြောသူ၏နှလုံးသွေးသည် ပွတ်သစ်စပတ္တမြားကဲ့သို့ သန့်ရှင်းစင်ကြယ်သော ရောင်ဆင်းရှိ၏။(အဘိဓမ္မာနည်း)
နှုတ်ခမ်းရပ်မှာ၊ ဖြစ်ပေါ်လာ၊ မြန်မာအက္ခရာ ၇-လုံး။ ။ ၎င်းင်းသရုပ် (သြဋ္ဌဇ အက္ခရာ ၇-လုံး) ၌ဆိုခဲ့ပြီ။
နှုတ်မလုံသူမျိုး ၉-ယောက်။ ။ လျှို့ဝှက်ဘွယ်တို့ကို မတိုင်ပင် မပြောကြားအပ်သူ ၉-ယောက်၊ ဟိတောပဒေသမှ။ (၁) ရာဂ စရိတ-ရာဂထူပြောသူ၊
(၂) ဒေါသ စရိတ-ဒေါသကြီးသူ၊
(၃) မောဟ စရိတ- တွေဝေထိုင်းမှိုင်းသူ၊
(၄) ဘီရုက-ကြောက်တတ်သူ၊ သတ္တိနည်းသူ၊
(၅) အာမိသ ဂရုက-လာဘ်လာဘ တပ်မက်သူ၊
(၆) ဣတ္ထိ-မိန်းမ၊
(၇) သောဏ္ဍ-သေသောက်ကြူး ယစ်ထုပ်၊
(၈) ပဏ္ဍက- ပဏ္ဍုက်၊
(၉) ဒါရက- ကလေးသူငယ်။
Sunday, December 21, 2008
နော-နို-နွ-နှ---နောက်ပစ်အနက်၊ မှ နှုတ်မလုံသူမျိုး
နိ-နီ-နု-နူ-နေ---နိက္ခမပါရမီ မှ နေ့၌ အိပ်သင့်သောသူ
နိက္ခမပါရမီ၏ နှောင်ကြိုး ၁၀-ဖွဲ့။ ။ ၎င်းင်းသရုပ်ကား (အနှောင်အဖွဲ့ကြီး ၁၀-ပါး)နှင့်တူ၏။
နိကာယ် ၅-ရပ်၊ ပိဋကတ်၊ ကျမ်းမြတ် ထုတ်ဘော်ဖြေ။ ။ အပေါင်းအစု ပေါင်းစုထားသော ကျမ်းစာ ငါးခု။
«က» ဒီဃနိကာယ် ၃-ကျမ်း, သုတ္တန်မျိုး ပါဠိတော်များ။
(၁) သုတ်သီလက္ခန်
(၂) သုတ်မဟာဝါ၊
(၃) သုတ်ပါထေယျ၊
«ခ» မဇ္ဈိမ နိကာယ် ၃-ကျမ်း, သုတ္တန်မျိုး ပါဠိတော်များ။
(၁) မူလ ပဏ္ဏာသ၊
(၂) မဇ္ဈိမ ပဏ္ဏာသ၊
(၃)ဥပရိ ပဏ္ဏာသ၊
«ဂ» သံယုတ္တနိကာယ် ၅-ကျမ်း, သုတ္တန်မျိုး ပါဠိတော်များ။
(၁) သဂါထာဝဂ္ဂ သံယုတ်၊
(၂) နိဒါန၀ဂ္ဂ သံယုတ်၊
(၃) ခန္ဓ၀ဂ္ဂ သံယုတ်၊
(၄) သဠာယတန၀ဂ္ဂ သံယုတ်၊
(၅) မဟာဝဂ္ဂ သံယုတ်၊
«ဃ» အင်္ဂုတ္တရ နိကာယ် ၁၁-ကျမ်း, သုတ္တန်မျိုး ပါဠိတော်များ။
(၁)ဧကင်္ဂုတ္တရ ၊
(၂) ဒုကင်္ဂုတ္တရ ၊
(၃) တိကင်္ဂုတ္တရ ၊
(၄) စတုကင်္ဂုတ္တရ ၊
(၅) ပဉ္စင်္ဂုတ္တရ ၊
(၆) ဆက္ကင်္ဂုတ္တရ ၊
(၇) သတ္တင်္ဂုတ္တရ ၊
(၈) အဋ္ဌင်္ဂုတ္တရ ၊
(၉) န၀င်္ဂုတ္တရ ၊
(၁၀) ဒသင်္ဂုတ္တရ ၊
(၁၁) ဧကာဒသင်္ဂုတ္တရ ။
«င» ခုဒ္ဒကနိကာယ် သုတ္တန်မျိုး ၁၅-ကျမ်းနှင့် ၀ိနည်း ၅-ကျမ်း၊ အဘိဓမ္မာ ၇-ကျမ်း ပါဠိတော်များ။
(၁) ခုဒ္ဒက ပါဌ၊
(၂) ဓမ္မပဒ၊
(၃) ဥဒါန၊
(၄) ဣတိ ၀ုတ္တက၊
(၅) သုတ္တ နိပါတ၊
(၆) ၀ိမာန ၀တ္ထု၊
(၇) ပေတ ၀တ္ထု၊
(၈) ထေရ ဂါထာ၊
(၉) ထေရီ ဂါထာ၊
(၁၀) ပါဌ ဇာတက၊
(၁၁) မဟာ နိဒ္ဒေသ၊
(၁၂) ပဋိသမ္ဘီဒါမဂ်၊
(၁၃) အပဒါန်၊
(၁၄) ဗုဒ္ဓ၀င်၊
(၁၅) စရိယာ ပိဋက၊
ဝိနည်း ၅-ကျမ်း ပါဠိတော်များ။
(၁) ပါရာဇိကဏ်၊
(၂) ပါစိတ်၊
(၃) မဟာဝါ၊
(၄) စူဠ၀ါ၊
(၅) ပရိဝါ၊
အဘိဓမ္မာ ၇-ကျမ်း ပါဠိတော်များ။
(၁) ဓမ္မသင်္ဂဏီ၊
(၂) ၀ိဘင်း၊
(၃) ပုဂ္ဂလပညတ်၊
(၄) ဓာတုကထာ၊
(၅) ကထာဝတ္ထု၊
(၆) ယမိုက်၊
(၇) ပဋ္ဌာန်း။
နိစ္စလ ရောင်ခြည်တော်မျိုး ၃-ပါး။ ။ ဗုဒ္ဓ ဘုရားကိုယ်တော်မြတ်မှ အမြဲမပြတ်ထွက်နေသော ရောင်ခြည်တော် ၃-ပါး၊ ၎င်းင်းအဓိပ္ပါယ်"ဗုဒ္ဓကိုယ်တော်ရောင် ၇-ပါး"၌ကြည့်ပါ။
(၁) အင်္ဂီရသ ရောင်ခြည်တော်၊
(၂) ဗျာမပ္ပဘာ ရောင်ခြည်တော်၊
(၃) အသီတိပ္ပဘာ ရောင်ခြည်တော်။
နိစ္စသီလမျိုး ၂-ပါး။ ။ ရသေ့, ယောဂီနှင့် လူသူတော်တို့ အမြဲတစေ စောင့်သုံး၍နေနိုင်သော သီလမျိုး ၂-ပါး ဟူ၏။ (၁) ငါးပါးသီလ၊
(၂) ဆယ်ပါးသီလ။
နိပါတ်တော် ၂၂-ပါး။ ။ ဘုရားဟော ဇာတ်နိပါတ်တော်၏ အမည် ၂၂ပါး၊
၎င်းင်း သရုပ်ကို (ငါးရာ့ငါးဆယ်)ဟူသော သုတေသနပုဒ်၌ ရှုပါ။
နိဗ္ဗာန်မျိုးပြား၊ ၇-ပါး၊ ဖြေကြား မြတ်အရှင်။ ။ တဏှာမှ ထွက်မြောက်ရာ အရပ်မျိုး ၇-ပါး။
(၁)ဒိဋ္ဌဓမ္မနိဗ္ဗာန်-ဘုရား ရဟန္တာတို့ အသက်ထင်ရှားရှိစဉ် ခံစားအပ်သော နိဗ္ဗာန်၊
(၂) သမ္ပရာယိက နိဗ္ဗာန်- ပရိနိဗ္ဗာန် စံပြီးနောက် နိဗ္ဗာန်၊
(၃) သ ဥပါဒိသေသ နိဗ္ဗာန်- ဒိဋ္ဌဓမ္မနိဗ္ဗာန်၏ပရိယာယ်၊
(၄) အနုပါဒိသေသ နိဗ္ဗာန်-သမ္ပရာယိက နိဗ္ဗာန်၏ ပရိယာယ်၊
(၅) သုညတ နိဗ္ဗာန်-သင်္ခါရတို့မှ ကင်းဆိတ်သော နိဗ္ဗာန်၊
(၆) အနိမိတ္တ နိဗ္ဗာန်-သင်္ခါရနိမိတ်တို့မှ ကင်းစင်သော နိဗ္ဗာန်၊
(၇) အပ္ပဏိဟိတ နိဗ္ဗာန်- တဏှာတောင့်တခြင်း ကင်းစင်သော နိဗ္ဗာန်။
မှတ်ချက်။ ။ထိုမှတပါးလည်း အမည်နာမ များစွာရှိသေး၏။
နိမ့်သံအပြား၊ ၁၈-ပါး၊ စပ်ငြား ကဗျာပြ။ ။ သံရှည်ကို မစွန့်လွှတ်ဘဲ တင်းမာပြတ်သားစွာ ရွတ်ဖတ်သီဆိုရသော အသံများ။ ၎င်းင်းကိုပင်'သံဖို, ညာသံငယ်, ၀ိသဇ္ဇနီသံ, စသည်ဖြင့် ခေါ်ဆိုကြသေး၏၊ 'အကျယ် ကဗျာဖွဲ့နည်း နိသျည်းကျမ်း'၌ရှုလေ။ (အား, အီး, ဦး, အေး, သြး, အင်း, အဉ်း, အည်း, အန်း, အမ်း, အိန်း, အိမ်း, အုန်း, အုမ်း, အဲး, အောင်း, အိုင်း, အိုဝ်း)တို့ ဖြစ်ကြ၏။
နိမိတ် ၃-ပါး၊ သေသူများ၊ ထင်ရှားဖြစ်ပေါ်လာ။ ။ သေခါနီး၌ မိမိလားရာ ဂတိအတွက် အချက်ပြပေးသော အာရုံနိမိတ်များ။
(၁) ကံနိမိတ်၊
(၂) ကမ္မနိမိတ်၊
(၃) ဂတိနိမိတ်၊
အဘိဓမ္မာဝိဘင်းပါဠိတော်။ ၁၄၂။ဋ္ဌ။၁၄၈-၌ အကျယ်ရှု။
နိမိတ် ၃-ပါး၊ ခွဲသိထား၊ တရား ကမ္မဋ္ဌာန်း။ ။ ဘာဝနာ၏ အကြောင်းဖြစ်သော အာရုံ ၃-မျိုးကို ခေါ်ဆိုသော ဝေါဟာရ။
(၁) ပရိကမ္မ နိမိတ်-ပရိကမ္မဘာဝနာ၏ အာရုံကို ပရိကမ္မ နိမိတ်၊ "မူလစီးဖြန်းသော အာရုံကိုခေါ်ဆိုသည်"။
(၂) ဥဂ္ဂဟ နိမိတ်-ကမ္မဋ္ဌာန်းစီးဖြန်း၍ စိတ်ထည်း၌ အတော်တည်ကြည်လာသည့်အခါ၊သို့မဟုတ် မူလ ပထ၀ီကသိုဏ်း စသည်ကို မျက်စိဖြင့် မကြည့်တော့ဘဲ စိတ်ဖြင့်မှန်း၍ တန်းတန်းဖြောင့်ဖြောင့် ထင်ရှားပေါ်လွင်စွာ အာရုံကိုယူနိုင်သည့်အခါ ထိုစိတ်ဖြင့် ယူနိုင်သော အာရုံကိုပင် ဥဂ္ဂဟနိမိတ်ဟူခေါ်ဆိုသည်။
(၃) ပဋိဘာဂ နိမိတ်-ပဋိဘာဂ သဒ္ဒါကား အတုçအတူ ဟူသော အနက်ကို ဟော၏၊ မူလစီစဉ်ထားသည်မှ တပါး အခြားသော အတုအပ အာရုံ၊ သို့မဟုတ် မူလကသိုဏ်းဝန်းနှင့် တူစွာ စိတ်ထည်းမှာ ထင်ပေါ်လာသော အာရုံကို ပဋိဘာဂနိမိတ် ခေါ်ဆိုသည်။
နိမိတ်ကြီး ၄-ပါး။ ။ သုတ်မဟာဝါ ။ပါ။ ၁၈။ ဋ္ဌ။ ၄၆-၌ အကျယ်ရှု။ နိက္ခမပါရမီ၏ အကြောင်းဖြစ်သော။
(၁) သူအို၊
(၂) သူနာ၊
(၃) သူသေ၊
(၄) ရဟန်း
တို့ကို ခေါ်ဆိုသည့် ဗုဒ္ဓ၀င် ဝေါဟာရ။
နိမိတ်ခေါ်လာ၊ မျိုး ၃-ဖြာ၊ မြို့ရွာ ဆည်းလည်းဆို။ ။ ၎င်းင်း သရုပ်ကို (ဆည်းလည်း ၃-လုံး) သုတေသန၌ ဆိုခဲ့ပြီ။
နိမိတ်ဖတ် ပုဏ္ဏားတော် ၈-ယောက်။ ။ အလောင်းတော်မင်းသား ဖွားမြင်ရာ၌ လက္ခဏာတော် နိမိတ်ဖတ် အထူးရွေးချယ်ခံ ပညာရှိပုဏ္ဏား ရှစ်ယောက်။
(၁) ရာမပုဏ္ဏား၊
(၂) ဓဇ၊
(၃) လက္ခဏ၊
(၄) မန္တိ၊
(၅) ကောဏ္ဍည၊
(၆) ဘောဇ၊
(၇) သုယာမ၊
(၈) သုဒတ္တပုဏ္ဏား
တို့ဖြစ်ကြ၏။ ဗုဒ္ဓ၀ံသ အဋ္ဌကထာ။
နိယာတ ဗျာဒိတ် ရကြောင်း အင်္ဂါ ၈-ပါး။ ။ ၎င်းင်းသရုပ် အဓိပ္ပါယ်ကို (ဗျာဒိတ်ရကြောင်း အင်္ဂါ ၈-ပါး)၌ ကြည့်ပါ။
နိယာတ ဗျာဒိတ်ရ အလောင်းတော်တို့ မဖြစ်ကောင်းသော အရပ်ဌာန ၁၈-ပါး။ ။ ၎င်းင်းသရုပ်ကို (ဗျာဒိတ်ရ အလောင်းတော်တို့ မဖြစ်ရာသော အရပ်ဌာန ၁၈-ပါး)၌ ကြည့်ပါ။
နိယာမတရား ၅-ပါး၊ တနည်း ၁၅-ပါး။ ။ အမှတ် ၁-မှ ၅-အထိçကို သုတ်မဟာဝါ အဋ္ဌကထာ မဟာပဒါနသုတ်မှ ယူပြသည်။ အဋ္ဌသာလိနီ။ ဋ္ဌ။၃၁၂-၌လည်းရှုပါ။ မြဲသော အလေ့အကျင့် သဘောတရားတို့ကို ခေါ်ဆိုသည်၊ ဤ၌ ပညာရှိကြီးများ ထုတ်ဆိုရေးသားချက် တဆယ့် ငါးပါးကိုသာ ပြသော်လည်း အတိအကျ မမှတ်အပ်၊ ထိုထက်ပို၍လည်း ကြံဆ ယူငင်နိုင်သေး၏၊ ၎င်းင်းကိုပင် "ကမ္ဘာ့နိယာမ တရားကြီး ငါးပါး"ဟုလည်း ခေါ်ဆိုကြ၏။
(၁) စိတ္တ နိယာမ-စိတ်တို့၏ အစဉ်အတိုင်း ရှေ့စိတ် နောက်စိတ် ဖြစ်ပွားသော သဘောတရား။
(၂) ကမ္မ နိယာမ-ကုသိုလ်ကံ အကုသိုလ်ကံတို့၏ ကံနှင့်အလားတူစွာ ကမ္မ၀ိပါက်တရား ချမ်းသာçဆင်းရဲတို့ဖြစ်ပွားခြင်းသဘော။
(၃) ဗီဇ နိယာမ-သစ်စေ့ သစ်ညွန့် စသည်တို့၏ မူလမျိုးရိုးပင်ရင်းနှင့် အလားတူစွာ ပေါက်ခြင်းသဘော။
(၄) ဥတု နိယာမ-ဆောင်း, နွေ, မိုယ်းဥတုတို့၌ နှင်းကျခြင်း, ပူအိုက်ခြင်း, မိုယ်းရွာခြင်း စသော အစဉ်မပြတ် အလားတူ ဖြစ်ခြင်းသဘော။
(၅) ဓမ္မ နိယာမ-ရေတို့၏ နိမ့်ရာသို့ စီးဆင်းခြင်း, သစ်ညွန့်တို့၏ ကောင်းကင်သို့ထိုးတက်ခြင်း, နေ လ ကြယ်တာရာ တို့၏ ထွန်းလင်းတောက်ပ လှည့်လည်ခြင်း စသော သဘောတရားစု။
(၆) ကပ္ပ နိယာမ- ကမ္ဘာ၏ ပဌမတည်ထောင် ဖြစ်ပေါ် ပျက်စီးပြုပြင် ပြောင်းလဲနေခြင်းသဘော။
(ရ) လိင်္ဂ နိယာမ- ထီး, မ သတ္တ၀ါတို့၏ အချင်းချင်း မတူ ထူးခြားသော အသွင်, အသံ သဘော။
(၈) ပထ၀ီ နိယာမ-မြေ၏ တည်ရာ မှီရာဖြစ်ခြင်း ခက်မာ ခိုင်ခန့်ခြင်း သဘော။
(၉) အာပေါ နိယာမ-ရေ၏ နိမ့်ရာသို့စီးဆင်းခြင်း, အေးမြခြင်း, ပျော့ပျောင်းခြင်း သဘော။
(၁၀) တေဇော နိယာမ-မီး၏ ပူလောင်ခြင်း, မြိုက်ကျွမ်းခြင်း, ကြေညက်စေခြင်း, ရင့်ရော် ဆွေးမြေ့စေခြင်းနှင့် ချမ်းအေးခြင်း သဘော။
(၁၁) ၀ါယော နိယာမ-လေ၏တွန်းကန် ထကြွ လှုပ်ရှား တောင့်ခိုင်ခြင်း သဘော။
(၁၂) အာကာသ နိယာမ-ကောင်းကင်၏ ဟင်းလင်းပွင့်ခြင်း, ရေးခြစ်၍ မရခြင်း, အဆင်းအရောင် ရုပ်သွင် ကင်းခြင်း သဘော။
(၁၃) သူရိယ နိယာမ-နေမင်း၏ အရောင်အဆင်းကိုပေးခြင်း, လက်ျာရစ် အမြဲလှည့်လည်ခြင်း, အရှေ့မှထွက်၍ အနောက်သို့ ၀င်ခြင်း သဘော။
(၁၄) စန္ဒ တာရက နိယာမ-လနှင့် ကြယ်တာရာတို့၏ အလင်းရောင်ကိုပေးခြင်း, အမြဲလက်ျာရစ် လှည့်လည်၍သွားခြင်း, အရှေ့မှထွက်ပြီး အနောက်သို့ ၀င်ခြင်း သဘော။
(၁၅) ပဋိစ္စ သမုပ္ပါဒ နိယာမ-ကုသိုလ် အကုသိုလ် တရားတို့၏ တခုဖြစ်လျှင် အခြားတခုဖြစ်ပေါ်လာခြင်း, သဘောတရားတခုချုပ်လျှင် အခြားတခု ချုပ်ငြိမ်းသွားသော သဘောတရားစုမျိုး။
နိရောဓသစ္စာ၏ အနက်သဘော ၄-ချက်။ ။ ၎င်းင်းသရုပ်ကို (သစ္စာအနက် ၁၆-ချက်)၌ ရှုပါ။
နိရောဓ သမာပတ်၏ ပုဗ္ဗ ကရဏကြီး ၄-ပါး။ ။ နိရောဓသမာပတ် မ၀င်စားမီ ရှေးဦးစွာ အမြဲပြုလုပ် ဓိဋ္ဌာန်ရသော ပြုဘွယ်ကြီး လေးပါး ဟူ၏။
(၁) သတ္ထု ပက္ကောသန-မြတ်စွာဘုရားခေါ်လျှင်သိနိုင်ခြင်း၊
(၂) သံဃပဋိမာနန-သံဃာ တောင့်တလျှင် သိနိုင်ခြင်း၊
(၃) နာနာဗဒ္ဓ အ၀ိကောပန-မိမိနှင့် စပ်သော သင်္ကန်းပရိက္ခရာတို့ကို ရေçမီး စသော ရန်သူများ မဖျက်ဆီးနိုင်ခြင်း၊
(၄) အဒ္ဓါန ပရိစ္ဆေဒ-၀င်စားနေမည့် နေ့ရက်အချိန်ကို ပိုင်းခြားသတ်မှတ်ခြင်း။
နိရောဓသမာပတ် ၀င်စားနိုင်သူ ၂-မျိုး။ ။ စိတ်, စေတသိက်, စိတ္တဇရုပ် တို့ကို အခိုက်အတန့်အားဖြင့် ချုပ်စေကာ ချမ်းသာမှုကို ခံစားနိုင်သူ ပုဂ္ဂိုလ်နှစ်ယောက်ကို ဆိုသည်။
(၁) ဈာနလာဘီ အနာဂါမ် ပုဂ္ဂိုလ် တယောက်၊
(၂) ဈာနလာဘီ ရဟန္တာ ပုဂ္ဂိုလ် တယောက်။
မှတ်ချက်။ ။သောတာပန်, သကဒါဂါမ်နှင့် ပုထုဇဉ် ဈာန်ရ ပုဂ္ဂိုလ်တို့ကား နုသော သမာဓိရှိ၍ မ၀င်စားနိုင်ဟူ၏၊ ဈာန်သမာပတ် မရသူ အနာဂါမ် ရဟန္တာတို့လည်း မ၀င်စားနိုင်ချေ။
နိသဇ္ဇ ဒေါသမျိုး ၈-ပါး။ ။ မြတ်စွာဘုရားနှင့် သံဃာတော်များထံ ကပ်ရောက်ခစားသောခါ မနေအပ်သော အရပ်နေရာမျိုး ရှစ်ပါး၊ မသင့်တင့်သော အပြစ်သင့်သည် ဟူ၏၊ သုတ္တနိပါတ် မင်္ဂလသုတ် အဋ္ဌကထာမှ သုတေသနဉပသည်။
(၁) အတိဒူရ-ဝေးလွန်းသော နေရာ၊
(၂) အစ္စာသန္န-နီးလွန်းသော နေရာ၊
(၃) ဥပရိ ၀ါတ-လေညာလေတင်အရပ်၊
(၄) ဥန္နတ ပဒေသ-မြင့်လွန်းသော နေရာ၊
(၅) အတိသမ္မုခ-မျက်နှာနှင့် တည့်တည့်အရပ်၊
(၆) အတိ ပစ္ဆာ-နောက်ကျောတည့်တည့်အရပ်၊
(၇) သြနတ-နိမ့်ကျလွန်းသော နေရာ၊
(၈) ပဿ-ဘေးတိုက် တည့်တည့်နေရာ။
« နီ »
နီလာအပြား၊ မျိုး ၄-ပါး၊ ခွဲခြား မဏိသျှတ်။ ။ မဏိသျှတ္တရကျမ်းလာ နီလာမျိုးလေးပါးကို တန်ဘိုးနှင့်တကွ ၎င်းင်းကျမ်းရင်း လင်္ကာအတိုင်း ခွဲခြား၍ ထုတ်ပြလိုက်၏၊
"လေးသွယ်နီလာ၊ ပြားကြရာတွင်၊
(၁)'နီလာ'ခေါ်ဆို၊ အောက်မဲညိုပွင့်၊ ပန်းသို့ တင့်၏၊
(၂) ထပ်ဆင့် ဒုတိယ၊ 'နီလ ကဏ္ဍီ'၊ ရှု ဤလက္ခဏာ၊ အပြာတွင်ဖက်၊ ညိုညိုစွက်၏၊
အမျက်နှစ်ပါး၊ ဤကျောက်များကား၊ ကျပ်သားရွှေတိ၊ တင်လောက်ဘိမူ၊ သိင်္ဂိပဉ္စ၊ ကျပ်ထိုက်စွတည့်၊
(၃) 'ဣန္ဒနီလာ'၊ လက္ခဏာကား၊ သူရိယာနေခြည်၊ ရောင်သို့တည်၏၊
ရွှေရည် တကျပ်၊ တင်လောက်လပ်မူ၊ သုံးကျပ်ရွှေကောင်း၊ ထိုက်ပေရှောင်း၏၊
(၄) တကြောင်း 'ဥပ နီလာ'၊ သညာခေါ်ဆို၊ ကြာညိုပွင့်ရောင်၊ တကျပ်ခေါင်မှာ၊
စီမြှောင်သင့်စွာ၊ ထားလောက်ပါမူ၊ ရွှေသား နှစ်ကျပ်၊ အဘိုးပြတ်သည်၊ မချွတ်မှန်ဖြောင့် လှည့်သတည်း"။
နီဝရဏတရား ၆-ပါး။ ။ ဈာန် မဂ်ဖိုလ် စသော ကုသိုလ်တရားတို့ကို ပိတ်ပင်တားဆီး ကန့်ကွက်တတ်သော တရား ၆-ပါး။
(၁) ကာမစ္ဆန္ဒ နီဝရဏ-အာရုံငါးပါး ကာမဂုဏ်တရားတို့ကိုသာ ခံစားလိုခြင်း လောဘ၊
(၂) ဗျာပါဒ နီဝရဏ-အမျက်ဒေါသ ပြစ်မှား ကြမ်းတမ်းခြင်း၊
(၃) ထိနမိဒ္ဓ နီဝရဏ-ထိုင်းမှိုင်း ငိုက်မျည်းခြင်း၊
(၄) ဥဒ္ဓစ္စ ကုက္ကုစ္စ နီဝရဏ-မတည်ကြည်သောစိတ်, ပျံ့လွင့်ခြင်း, ပူပန်ခြင်း၊
(၅) ၀ိစိကိစ္ဆာ နီဝရဏ-ရတနာသုံးပါး၏ ဂုဏ်ကျေးဇူးနှင့် မိမိတို့ပြုလုပ်ရမည့် အကျိုးခံစားခွင့်
ဈာန် မဂ်ဖိုလ်တရားတို့ကို သို့လော သို့လော ယုံမှားတွေးတောခြင်း၊
(၆) အ၀ိဇ္ဇာ နီဝရဏ-အမှန်ကိုမသိတတ်ခြင်း မောဟ။
« နု »
နုမှာ ၅၀၀၊ ဘုရားလျာ၊ သညာ အမည်ထုတ်။ ။
ကျမ်းကြီး ကျမ်းခိုင်တို့၌ ၎င်းင်းတို့၏ အမည်နာမများကို မတွေ့ဘူးသေးပါ၊
ရင့်မာ တကျိပ်ကား အနာဂတ၀င်ကျမ်း၌ အမည်များနှင့်တကွ လာရှိ၏၊
"ရင့်မာတကျိပ်၊ နုငါးရာ၊ နောင်လာရှစ်သောင်း၊ ဘုရားပေါင်း။ ဘုရားပေါင်းနောက်၊
တို့နှစ်ယောက်၊ တို့နှစ်ယောက်နောက်၊ ခင်ကြီးပေါက်" ဟု အရက်သမား စကားမျိုးလောက်ကိုသာ ကျွန်ုပ်တို့ ကြားမှတ်ရဘူး၏။
နုဿတိ ၁၀-ပါး။ ။ ၎င်းင်း၏ သရုပ်အဓိပ္ပါယ်(အနုဿတိ ဆယ်ပါး)မှာ ပြခဲ့ပြီ။ ဤဝေါဟာရကား ကဗျာလင်္ကာအစပ်နှင့် စာပေ၀ါး မ၀သူတို့မှဖြစ်လာ၏၊ အမှန်မှာ "အနုဿတိ"သာဖြစ်သည်။
« နူ »
နူနာမျိုး ၁၈-ပါး။ ။ ကုဋ္ဌနူနာမျိုး ၁၈-ပါး၊ အမတသာဂရ ဆေးကျမ်းမှ အကျဉ်းယူပြသည်။
အကျယ် ၎င်းင်း၌ရှုပါလေ။
(၁) ကာပါလိက-ကိုယ်ရေ နီ, ညို, အဖုပေါက်, ကြမ်းခြောက်၍ အလွန်နာကျင်ခြင်း ဖြစ်၏၊
(၂) သြဒုမ္ဗုရ-ကိုယ်ရေနီ, သဖန်းသီးဖုထ, အလွန်ယား, ဆံပင်အမွေး ဖြော့တော့သော အဆင်းရှိ၏၊
(၃) မဏ္ဍလ- ကိုယ်ရေဖြူ, နီ, စေးထန်းထန်းအဖုအကွက်ထ၏၊
(၄) ဣက္ခ ဇိဝှါ- အနာဖြစ်ရာ၌ လျှာကဲ့သို့ရှိ၏၊ အတွင်း၌ ၀ါညိုရှိ၏၊ နာကျင်၏၊
(၅) ပုဏ္ဍရိက-အရေသည် ကြာရွက်နုကဲ့သို့ စဉ်းငယ်နီ၍ဖြူ၏၊
(၆) သီဓမ- အရေ ကြေးနီ အဆင်းကဲ့သို့ရှိ၏၊ ယား၏၊ ခြောက်၏၊ တစ တစ ပြန့်နှံ့၍တက်၏၊
(၇) ကာက-အရေ ချင်ရွေးကဲ့သို့ရှိ၏၊ အတွင်း၌ညို၏၊ ဘေးနားနီ၏၊ ခြောက်သွေ့ ကိုက်ခဲ နာကျင်၏၊
(၈) ဧကကုဋ္ဌ- ချွေးမထွက် ငါးတစ်ငါးတုံးကဲ့သို့ ကြီးစွာဖြစ်ပေါ်လာတတ်၏၊
(၉) ဂဇစမ္မ- အရေသည်ဆင်ရေကဲ့သို့ထူ၏၊
(၁၀) ဒမ္မဒလ- ယား၏၊ နီရောင်ရှိ၏၊ အဖုတို့ဖြင့်ပြည့်၏၊ အဖုပေါက်ကွဲလျက် အ၀တ် ပုဆိုးတို့ဖြင့် အထိမခံနိုင်အောင် နာကျင်၏၊
(၁၁) ကိဋိဘ- ခြောက်သောအရောင်ရှိ၏၊ ညိုမည်း၏၊ ကြမ်းထော်၏၊
(၁၂) ဝေပါဒိက-လက်ခြေတို့၏ အရေသည် ကွဲပျက်ပေါက်ပဲ့ခြင်းသို့ ရောက်၏၊ အလွန် နာကျင်၏၊
(၁၃) အလသ-အရေ၌ များစွာယား၍ အဖုကြီးတွေပေါ်ပေါက်လာတတ်၏၊
(၁၄) ဒဒ္ဒု- အရေနီလျက် ယားပြီး အဖုတို့ ထတတ်၏၊
(၁၅) ပါမာ- ပူလောင်၏၊ ယား၏၊ သေးငယ်သော အနီဖု ကလေးများ ပေါ်ပေါက်လာတတ်၏၊
(၁၆) ၀ိပ္ဖေါဋက- အရေ၌ ညိုညိုနီနီ သေးငယ်သော အဖုကလေးတွေ ဖြစ်လာတတ်၏၊
(၁၇) သတာရု- အရေ၌ နီိနီညိုညို အဖုကြီးတွေ ထတတ်၏၊
(၁၈) ၀ိဓစ္စိကာ- အရိုးအဆစ်တို့ကို ဆွေးမြေ့ပြုတ်ပြတ်စေ၏။
« နေ »
နေထွက်နာရီ၊ ၁၂-လီ၊ မြန်ပြည် ဘယ်လ ဘယ်ချိန်နည်း?။ ။ မြန်မာပြည်၌ နေထွက် နေ၀င် အချိန်များကို အောက်ပါ လင်္ကာသွားအတိုင်း ပညာရှိများ စီစဉ်ထားခဲ့ကြ၏၊ ဤ၌ စနေနံကို သုည ယူလေ။
လင်္ကာသွား -----------------------လအမည်----------- နာရီ မိနစ်
ကူး, သောင်း, နေထွက် ------------ တာကူး------------- ၆ ၀၀
ဆုန်, ဖက်, မေနှင်း----------------- ကဆုန်-------------- ၅ ၅၀
ယုန်, မင်း, လှထွေ----------------- နယုန်--------------- -- ၅ ၄၀
ဆို, ပေ, ဆယ်ထပ်----------------- ၀ါဆို ------------------ ၅ ၃၀
ခေါင်, မတ်, လည်တို -------------- ၀ါခေါင်-----------------၅ ၄၀
လင်း, ပျို, ပျိုထွေး----------------- တော်သလင်း -----------၅ ၅၀
ကျွတ်, သွေး, ထွက်ထွက် ---------သီတင်းကျွတ် -----------၆ ၀၀
မုန်း, သက်, အော်နေ -------------တန်ဆောင်မုန်း ----------၆ ၁၀
နတ်, သေ, ချန်ထား----------------နတ်တော် ---- ------- ၆ ၂၀
ပြာ, သား, စုတ်တံ ----------------ပြာသို ------------------- ၆ ၃၀
တွဲ, ဟန်, ခေါ်ထု---------------- တပို့တွဲ ---------------- ၆ ၂၀
ပေါင်း, ဟု, အတင်း------------- တပေါင်း --------------- ၆ ၁၀
နေထွက်လင်းသည်၊ မြန်တွင်းပြည်သူ၊ မှတ်ယူသော်။
နေပြည်တော်မှာ၊ ငြိမ့်ညောင်းသာ၊ ကျမ်းလာ သံ ၁၀-မျိုး။ ။ ၎င်းင်းသရုပ်
(မြို့တော်သာယာ၊ ငြိမ့်ညောင်းငြာ၊ ၁၀-ဖြာ အသံမျိုး) ဟူသော သုတေသန၌ ရှုပါလေ။
နေမင်း၏ ရန်သူမျိုး ၄-ပါး။ ။ ၀ိနည်း စူဠ၀ါ။ပါ။ ၄၉၂။ ဋ္ဌ။ ၃၁၂-တို့၌ရှုပါ၊ နေ၏ အန္တရာယ်ကြီး လေးပါး။
(၁) ဆီးနှင်းမြူခိုး၊
(၂) မီးခိုး၊
(၃) မိုယ်းတိမ်၊
(၄) အသူရိန်
တို့ဖြစ်ကြ၏။
နေမင်း၏ ရန်သူမျိုး ၅-ပါး၊ တနည်း။ ။ နေ, လ, တို့၏အန္တရာယ် အညစ်အကြေး ၅-ပါး ဟူ၏။ သုတ်သီလက္ခန်။ ဋ္ဌ။ ၁၂၉။
(၁) မိုယ်းတိမ်တိုက်၊
(၂) ဆီးနှင်း၊
(၃) မီးခိုး၊
(၄) မြူ၊
(၅) ရာဟု အသူရိန်။
နေရာ ၅-သွယ်၊ နန်းတော်ဝယ်၊ ဘယ့်နှယ် ဘယ့်နှယ် ဘယ်သို့နည်း?။ ။ နန်းတော်တွင်းရှိ မှူးမတ်တို့၏ နေရာ ၅-သွယ် ဟူလို၊ ၎င်းင်းတို့ကို တော်, ဒူး, စနည်း, ကဝေါ, ဟု သိရာသည်၊ ဤ အခေါ်အဝေါ်တို့မှာ ရာမညတိုင်းသားတို့ ဘာသာ ဖြစ်၏။
(၁) တော် နေရာ- ကွန်းစင်နေရာ၊
(၂) ဒူး နေရာ-သေဉ် မ နေရာ၊
(၃) စနည်းနေရာ၊
(၄) သေဉ်ရံ နေရာ၊
(၅) ဘဝေါ နေရာ- သေဉ်ထွေးနေရာ၊ 'အတွင်းဘဝေါ, အပြင်ဘဝေါ' အားဖြင့် နေရာ ငါးသွယ် ရှိ၏။
ထို့ကြောင့် "အမတ်ကြီးဟု၊ သီးသီးကျော်ထင်၊ တော်ဟုတွင်သား၊ ကွန်းစင်လုံးညီ၊ ရွှေတိုင်မှီလျက်၊
နောက်ပြီနောက်တည်၊ ဒူး, စနည်က၊ နှစ်မည်ဘဝေါ၊ နတ်လော တွေးဘွယ်၊ မတ်ငါးသွယ်နှင့်၊" ဟု ပညာရှိတို့ စပ်ဆိုထား၏။
နေရောင်ခြည် ၇-မျိုး။ ။ နေရောင်ခြည် ဓာတ်တွင်ပါသော အဆင်းရောင်ခြည် ၇-မျိုး။
(၁) အနီရောင်၊
(၂) အဖြူရောင်၊
(၃) ညိုစိမ်းရောင်၊
(၄) အ၀ါရောင်၊
(၅) မောင်းမှိုင်းရောင်၊
(၆) ခရမ်းရောင်၊
(၇) ပြိုးပြက်ရောင်။
နေ၀င်နာရီ၊ ၁၂-လီ၊ မြန်ပြည် ဘယ်လ ဘယ်ချိန်နည်း?။ ။ ၎င်းင်းအဖြေကား ၁၂-နာရီကိုတည်၊ ထိုလ၏ နေထွက်နာရီနှင့် နုတ်၊ အကြွင်း နေ၀င်နာရီဖြစ်၏။
နေ့ နံမျိုး ၈-ပါး။ ။ တနင်္ဂနွေ နေ့နံ အစ-ရာဟု နေ့နံ အဆုံး, ၎င်းင်းရှစ်ပါးကို ခေါ်သည်။
နေ့၌ အိပ်သင့်သောသူ ၁၇-ဦး။ ။ ဥတုဘောဇနကျမ်းမှ ဤသူများကား ကျန်းမာရေးအတွက် နေ့ကိုအိပ်ရမည်။ (၁) အပင်ပန်းခံသူ၊
(၂) မေထုန်မှီဝဲပြီးစသူ၊
(၃) ခရီးပြင်းသွားသူ၊
(၄) ဆင်မြင်းတို့ ပန်းအောင်စီးသူ၊
(၅) ကိုယ်လက်နွမ်းနယ်သူ၊
(၆) ၀မ်းသက်သူ၊
(၇) ရင်ကျပ် ရင်ဘတ်နာရှိသူ၊
(၈) ပန်းနာရှိသူ၊
(၉) ရေငတ်နာရှိသူ၊
(၁၀) သက်လုံပျက်သူ၊
(၁၁) လေနာရှိသူ၊
(၁၂) ဓာတ် အားခွန် ကုန်ခန်းသူ၊
(၁၃) သလိပ် ကုန်ခန်းသူ၊
(၁၄) သူအို၊
(၁၅) သေအရက် များစွာ ယစ်သူ၊
(၁၆) အဇိဏ္ဏနာ ရှိသူ၊
(၁၇) ညဥ့်ကို မအိပ်ရသူ။
န-နာ---နံသင့် အက္ခရာမျိုး မှ နာရီ ၂-ပါး၊
နံသင့် အက္ခရာမျိုး ၃၃-လုံး။ ။
အ-တနင်္ဂနွေနံ၊
က, ခ, ဂ, ဃ, င-တနင်းလာနံ၊
စ, ဆ, ဇ, ဈ, ည-အင်္ဂါနံ၊
ဋ, ဌ, ဍ, ဎ, ဏ၊ တ, ထ, ဒ, ဓ, န-စနေနံ၊
ပ, ဖ, ဗ, ဘ, မ-ကြာသပတေးနံ၊
သ, ဟ- သောကြာနံ၊
လ, ၀, ဠ- ဗုဒ္ဓဟူးနံ၊
ယ, ရ- ရာဟုနံ။
နံသင့်လူမျိုး ၁၀၁-ပါး ။ ။ ဗေဒင်ကျမ်းလာ နေ့နံနှင့် လူမျိုးယူပုံဖြစ်၏။
(၁) တနင်္ဂနွေနံ-ယွန်း၊
(၂) တနင်းလာနံ-ရှမ်း၊
(၃) အင်္ဂါနံ- မွန်, တလိုင်း၊
(၄) ဗုဒ္ဓဟူးနံ-ကတူး၊
(၅) ကြာသပတေးနံ-မြန်မာ၊
(၆) သောကြာနံ-သက်၊
(၇) စနေနံ-ကုလား၊
(၈) ရာဟုနံ-တရုပ်လူမျိုး။
နံ့သာမျိုး ၄ပါး။ ။
(၁) ကုံကုမံ၊
(၂) လေးညှင်း၊
(၃) ကမျဉ်း၊
(၄) တောင်ဇလပ်၊
ဤကား မဂဓအဘိဓာန် အလိုတည်း။
နံ့သာမျိုး ၅ပါး။ ။
(၁) နံ့သာဖြူ၊
(၂) နံ့သာနီ၊
(၃) ကရမက်၊
(၄) အကျော်၊
(၅) စမ္ပါ၊
ပိဏ္ဍောဆေးကျမ်းတုိ့၌ သွေး, လေ, သလိပ်, သည်းခြေတို့ကိုနိုင်၏၊ အပူကို ငြိမ်းစေတတ်၏ဟု ဆိုသည်။
နံ့သာမျိုး ၁၀ပါး။ ။ သာရတ္ထ သင်္ဂဟကျမ်းမှ။
(၁) ကာလာနုသာရီ စသော အမြစ်နံ့သာ၊
(၂) စန္ဒကူး စသော အနှစ်နံ့သာ၊
(၃) ထင်းရူးစသော အကာနံ့သာ၊
(၄) သစ်ကြံပိုး စသော အခေါက်နံ့သာ၊
(၅) သီး, စသော အလွှာနံ့သာ၊
(၆) ပွဲလျှက် စသော အရည်နံ့သာ၊
(၇) ကွမ်းရွက် စသော အရွက်နံ့သာ၊
(၈) ကံ့ကော် မာလာကျီကျု စသော အပွင့်နံ့သာ၊
(၉) ဇာဒိပ္ဖိုလ် စသော အသီးနံ့သာ၊
(၁၀) အလုံးစုံအနံ့နှင့် ပြည့်စုံသော သင်္ကန်းစသော ပင်စည်နံ့သာ။
နက္ခတ် ၂၈-လုံး။ ။ နက္ခတ္တာနီတိ ကတ္တိကာဒီဟိ အဋ္ဌ၀ီသတိ နက္ခတ္တာနိ-ဟု မဟာနိဒ္ဒေသ။ပါ။၂၉၈။ဋ္ဌ။၃၆၆-၌ဖွင့်ဆိုသည်။ ဤ၌ လုံးရေ ပုံသဏ္ဍာန်ပါ နက္ခတ္တသျှတြကျမ်းမှ ၂၇-လုံး ယူပြလိုက်သည်၊ လုံးရေ သဏ္ဍာန်အစုံနှင့် ကျမ်းစာမူရင်းအတိုင်း ပြလိုက်သည်။
(၁)၊ အဿဝဏီ၊ ခြောက်လုံးညီ၊ တူပြီ မြင်းခေါင်းဆို၊
(၂) ဘရဏီမှာ၊ သုံးလုံးသာ၊ ပမာခုံလောက်လို၊
(၃) ကြတ္တိကာကြယ်၊ ခုနစ်သွယ်၊ ကြယ်ငယ်စုသလို၊
ဖျောက်ဆိတ်ကြယ်ခေါ်၊ ၇-ဖေါ်၊ ယူသော် ကြိတ္တိကာ၊
(ဤနက္ခတ်သုံးလုံးကား၊ ကျီးတာရာနှင့် ယှဉ်၍ သွား၏၊)
(၄) ဆယ်လုံးအညီ၊ ရောဟဏီ၊ တူ့ပြီငါးကြင်းဆို၊
(၅) မိဂသီမှာ၊ သုံးလုံးသာ၊ ဝေါဟာ လိပ်ခေါင်းဆို၊
(၆) လိပ်လက်ခေါ်ကြ၊ အဒ္ဒရ၊ ဧက တလုံးဆို၊
(၇) ပုဏ္ဏဖုသျှု၊ ငါးလုံးပြု၊ နှိုင်းတုသင်္ဘောလို၊
(၈) ငှက်ချေးခံသွင်၊ ဆယ်လုံးမြင်၊ ခေါ်တွင် ဖုသျှဆို၊
(၉) အသလိဿ၊ လေးလုံးရ၊ တူမျှ ခက်ရင်းဆို၊
(ဤနက္ခတ် သုံးလုံးကား ပုဇွန်တာရာနှင့် ယှဉ်၍သွား၏။ )
(၁၀) ကြယ်မာဃမှာ၊ လေးလုံးသာ၊ တူစွာသံကောက်ဆို၊
(၁၁) ပြုပ္ပါ ဘရဂုဏ္ဏီ၊ (၁၂) ဥတြာဘရဂုဏ္ဏီ၊ နှစ်လုံးစီ၊ တူညီညောင်စောင်းလို၊
(ဤနက္ခတ် ၃-လုံးကား ချိန်တာရာနှင့်ယှဉ်၍ သွား၏)
(၁၃) ဟဿဒမှာ၊ ငါးလုံးသာ၊ ပမာ လက်ဝါးလို၊
(၁၄) စိတြမှာ၊ တလုံးသာ၊ ပမာပုလဲလို၊
(၁၅) သွာဒိကားနှစ်၊ သဏ္ဍာန်စစ်၊ ကသစ်ပွင့်လိုလို၊
(ဤနက္ခတ် ၃-လုံးကား ဆံကျင် တာရာနှင့်ယှဉ်၍ သွား၏ )
(၁၆) ဆယ့်လေးလုံးသာ၊ ၀ိသာခါ၊ ပမာပတ်ဝိုင်းလို၊
(၁၇)ဆယ့်ငါးလုံးရ၊ နုရာဓ၊ နဂါးလည်ဆစ်လို၊
(၁၈) ငါးလုံးမှန်လှ၊ ကြယ်ဇေဋ္ဌ၊ နဂါးချက်ခေါ်ဆို၊
(ဤနက္ခတ် သုံးလုံးကား တံငါတာရာနှင့် ယှဉ်၍သွား၏။ )
(၁၉) လေးလုံးမှန်လှ၊ ကြယ်မူလ၊ နဂါးမြီးဖျားဆို၊
(၂၀) ပြုပ္ပါသဠ်၊ (၂၁) ဥတြာသဠ်၊ လေးလုံးမှန်၊ လှမ်းဟန် ဆင်မလို၊
(ဤနက္ခတ် ၃-လုံးကား ဆင် တာရာနှင့်ယှဉ်၍ သွား၏၊ )
(၂၂) မောင်ရင်ဆိုင်းထမ်း၊ သုံးလုံးတန်း၊ ရောင်ရွှန်း သရ၀ဏ်၊
သုံးလုံးမြှားဟန်၊ သရ၀ဏ်၊ ရောင်လျှံရွှန်းစိုစို၊
(၂၃) အင်ကြင်းသီးသွင်၊ လေးလုံးမြင်၊ မည်တွင် ဓနသိဒ္ဓိဆို၊
(၂၄) သတ္တဘိသျှ၊ ခြောက်လုံးရ၊ တူမျှဆုံကြီးလို၊
(ဤနက္ခတ် ၃-လုံးကား မြင်း တာရာနှင့်ယှဉ်၍ သွား၏ )
(၂၅) ဉပပ္ပါဘဒြပိုက်၊ (၂၆)ဥတ္တရာဘဒြပိုက်၊ ခေါ်သမိုက်၊ မှတ်ပိုက် အင်းပျဉ်လို၊
(၂၇) ကိုးလုံးအညီ၊ ရေ၀တီ၊ တူပြီမြှုံးလိုလို၊
ဤ ၃-လုံးမှာ၊ ဗျိုင်းတာရာ၊ သွားရာယှဉ်မြဲကို။
နက္ခတ်တာရာ၊ ယှဉ်သွားလာ၊ ရံခါမကွဲပြို။
ကျမ်းသျှတ္တရာ၊ ဤသို့လာ၊ မှတ်ပါ များလူဗိုလ်။
နက်နဲခက်စွာ၊ ဂမ္ဘီရာ၊ ၄-ဖြာ တရားမြတ်။ ။ ၎င်းင်းသရုပ်ကို(ဂန္ဘီရတရားကြီး၎-ပါး ဟူသော သုတေသန၌ ဆိုခဲ့ပြီ။
နဂါးတို့၏ ပင်ကိုယ်အသွင် မစွန့်နိုင်ခြင်း ဒုက္ခမျိုး၅-ပါး။ ။ ဓမ္မပဒ ဒုအုပ်။ ၁၅၂၊ ၁၅၃။ ၀ိနည်းမဟာဝါ ။ပါ။ ၁၂၁ ။ဋ္ဌ။ ၃၀၄။ သုတ္တနိပါတ်။ပါ။ ၂၇၉ ။ဋ္ဌ။ ပ-အုပ်၊ ၁၂-၁၃။
(၁) နဂါးအချင်းချင်း မေထုန်မှုပြုသောအခါ၊
(၂) လုံးဝ အိပ်ပျော်သွားသောအခါ၊
(၃) ပဋိသန္ဓေယူစဉ်အခါ၊
(၄) အရေဟောင်းစွန့်သောအခါ၊
(၅) သေလွန်သောအခါတို့၌ မူလနဂါး၏ ကိုယ်ခန္ဓာပင် ဖြစ်၏။
နဂါးမျိုး ၇-ပါး။ ။ ၎င်းင်း အကျယ်ကို ခန္ဓ၀ဂ္ဂသံယုတ် ။ပါ။ ၂၀၂ ။ဋ္ဌ။၃၁၉။ အပဒါန် ။ဋ္ဌ။ ပ-အုပ် ၂၆၇။ သုတ္တနိပါတ် ။ပါ။ ၂၇၉ ။ဋ္ဌ။ ပ-အုပ်။၁၂-တို့၌ ရှုပါ။ ဂဠုန်ငှက်ဘေးမှ ကင်းဝေးသော နဂါးများဟူလို။
(၁) ပဏီတ တရာ-ဇလာဗုဇ, ဂဗ္ဘသေယျက, ဥပပါတိက, ဟုဆိုအပ်သော မိမိတို့ဇာတ်သဘောအားဖြင့် မြတ်သော နဂါးတို့လည်း တမျိုး၊ (၂) ကမ္ဗလဿ တရာ-နဂါးစစ်သူကြီး, စစ်ဗိုလ်မှူး, စစ်ဘုရင်များဖြစ်ကြသော ကမ္ဗလနဂါး, အဿတရ နဂါးတို့လည်းတမျိုး၊
(၃) ဓတရဋ္ဌာ-ဓတရဋ္ဌမည်သော နဂါးဘုရင်တို့လည်းတမျိုး၊
(၄) သတ္တ သိဒန္တရ ၀ါသိနော- တောင်စဉ်သီဒါ မဟာသမုဒ္ဒရာ၌ နေကြကုန်သော နဂါးတို့လည်းတမျိုး၊
(၅) ပထ၀ိဋ္ဌကာ-မြေအတွင်း၌ မှီတင်းပုန်းအောင်းကာ နေလေ့ရှိကြကုန်သော မြေအောင်းနဂါးတို့လည်းတမျိုး၊
(၆) ပဗ္ဗတဋ္ဌကာ-တောင်ခေါင်း တောင်တွင်း၌ မှီတင်း နေထိုင်ကြကုန်သော တောင်တွင်းနဂါးတို့လည်းတမျိုး၊
(၇) ၀ိမာနဋ္ဌကာ-ဘောဂ၀တီ နဂါးပြည်၌ ရွှေငွေဗိမာန် စံအိမ်ပျံဖြင့် ဇိမ်ခံပျော်ပါး၍ နေကြကုန်သော နတ်နဂါးတို့လည်းတမျိုး။
နဂါးမျိုး ၁၁၂၄-ပါး၊ တနည်း။ ။ အကျယ်ကို သာရတ္ထသင်္ဂဟကျမ်းနှင့် ပကိဏ္ဏက ၀ိသဇ္ဇနာ ဒု-တွဲ၌ ရှုပါကုန်။ ကဋ္ဌမုခ, ပုတိမုခ, အဂ္ဂိမုခ, သတ္ထမုခ, ခေါ် နဂါး လေးပါးကိုတည်၊
ဒဋ္ဌ၀ိသ, ဒိဋ္ဌ၀ိသ, ဖုဋ္ဌ၀ိသ, ၀ါတ၀ိသ, ခေါ် အဆိပ်မျိုး ၄-ပါးနှင့်မြှောက် ၁၆-ပါးရ၏၊
၎င်းင်းကိုတည်၊ အာဂဒ၀ိသနောဃောရ၀ိသ, နောအာဂဒ၀ိသ ဃောရ၀ိသ,
အာဂဒ၀ိသစဃောရ၀ိသ, နောအာဂဒ၀ိသစ နဃောရ၀ိသ, ခေါ် အဆိပ်မျိုး ၄-ပါးနှင့် ထပ်မြှောက် ၆၄-ပါးရ၏၊
၎င်းင်းကိုတည် ယောနိမျိုး ၄ပါးနှင့်မြှောက် ၂၅၆-ပါးရ၏၊ ၎င်းင်းကိုတည် ရေနေ, ကြည်းနေ ၂-ပါးနှင့်မြှောက် ၅၁၂-ပါးရ၏၊
၎င်းင်းကိုတည် ၊ ကာမရူပီ, အကာမရူပီ ခေါ် စည်းစိမ်ရှိမဲ့ ၂-ပါးနှင့်မြှောက်သော် နဂါးမျိုးပေါင်း ၁၀၂၄-ပါးရ၏။
နဂိုရ်ဂြိုဟ် ၄လုံး။ ။ "မိ, နီ, ဧ, လှ ၊ နဂိုရ်ကျ" ဟူသော ဗေဒင်လင်္ကာအရ "ကြာသပတေး, စနေ, တနင်္ဂနွေ, ဗုဒ္ဓဟူး" ၎င်းင်းဂြိုဟ်များ၌ သက်ရောက်ဂြိုဟ်စားမူ ယာယီမရှိ ပကတိဟု ဟောကြကုန်၏။
နတ် ၃-ပါး။ ။ အဘိဓမ္ဓာဝိဘင်း ။ပါ။ ၄၃၇။၎င်းင်း။ဋ္ဌ။ ၅၀၀-၌ အကျယ်ရှု။ ကမ္ဘာသားတို့ ကိုးကွယ်အားထားရာ နတ်မျိုးအပြား ၃-ပါးဟူလို။
(၁) ၀ိသုဒ္ဓိနတ်-ကိလေသာတို့မှ စင်ကြယ်ပြီးသော ဘုရားç ရဟန္တာနှင့် သံဃာတို့ကို ခေါ်သည်။
(၂) ဥပပတ္တိ နတ်- နတ်ပြည် ဗြဟ္မာပြည်တို့၌ ကိုယ်ထင်ရှားဖြစ်သော နတ်ဗြဟ္မာတို့ကို ခေါ်သည်။
(၃) သမ္မုတိ နတ်- လူအပေါင်းတို့အပေါ်၌ အုပ်ချုပ်၍ မင်းလုပ်နေသော ဘုရင် ဧကရာဇ်တို့ကို ခေါ်သည်၊
အကျယ်လိုမူ ဒီဃနိကာယ် သက္ကပဥှာသုတ် အဋ္ဌကထာ။ ဣတိဝုတ် အဋ္ဌကထာ ကျမ်းတို့၌ ရှုကြကုန်။
နတ် ၃-ပါး၊ တနည်း။ ။ ၎င်းင်းသရုပ်ကို (ဇိုဝ်းမျိုး ၃-ပါး) ဟူသော သုတေသန၌ ပြန်ရှုပါ။
နတ် ၄-ပါး။ ။ ၎င်းင်းသရုပ် အဓိပ္ပါယ်ကို (နတ်မင်းကြီး ၄-ပါး) ၌ရှုပါ။
နတ်ကြီး ၅-ပါး။ ။ လောကီ မှော်ဆရာတို့ ပြောကြားရွတ်ဆိုလေ့ရှိကြသော နတ်ကြီး ၅ပါး၊
၎င်းင်းကို မ, ကာရလောပ ဥာဏာလင်္ကာရ ရာဇဂုရုဆရာတော် ခင်ကြီးပျော်ရေး "ကဝေသာရ ကျမ်းရင်း" မှ ယူသည်။
(၁) မဟာကပ္ပိန္န နတ်-အရှေ့ကျွန်း အရပ်နေ၊
(၂) ကပ္ပစိန္တာနတ်- အနောက်ကျွန်း အရပ်နေ၊
(၃) ကပ္ပနန္ဒာနတ်-တောင်ကျွန်း အရပ်နေ၊
(၄) ဇေယျာကပ္ပ နတ်- မြောက်ကျွန်း အရပ်နေ၊
(၅) ရုဇေယျကပ္ပ နတ်-လေးကျွန်း ထိပ်ဗွေ လယ်မဇ္ဈေနေ။
နတ်စစ်သူကြီး ၄-ယောက်။ ။ မြင့်မိုရ်တောင်ထိပ် ၄-မျက်နှာရှိ "စတုမဟာရာဇ် နတ်မင်းကြီး ၄-ပါး" ကိုပင် သိကြားမင်း၏ နတ်စစ်သူကြီး ၄-ယောက်ဟု ခေါ်ဆိုကြ၏။
နတ်တမန်ခေါ်၊ တရားတော်၊ ၅-ဘော် သံဝေဂ။ ။ ၎င်းင်းသရုပ်ကို (ဒေ၀ဒူတ တရား ၅-ပါး)၌ဆိုခဲ့ပြီ။
နတ်တို့စည်းဝေးခြင်း အကြောင်း၎-ပါး။ ။ သုဓမ္မာ သဘင်ကြီး၌ နတ်တို့စည်းဝေးခြင်း အကြောင်း၎-ပါးကို ဆိုသည်၊ ၎င်းင်းအဖြေ( တာဝတိံသာ၊ သုဓမ္မာ၊ ၄-ဖြာ စည်းဝေးကြောင်း) ဟူသော သုတေသနရပ်၌ကြည့်ပါ။
နတ်တို့ စုတေကြောင်း နိမိတ် ၅-ပါး။ ။ သုတ်မဟာဝါ ။ဋ္ဌ။ ၂၀။ အဋ္ဌသာလိနီ အဋ္ဌကထာ ၇၅-တို့၌ ရှုပါ။ နတ်များ စုတေခါနီး၌ ၎င်းင်းနိမိတ် ၅-ပါးထင်လာတတ်သည်။
(၁) နတ်ပန်း ညှိုးနွမ်းခြင်း၊
(၂) နတ်ဝတ်တန်ဆာ ညှိုးနွမ်းခြင်း၊ ကိုယ်အဆင်းမလှခြင်း၊
(၃) လက်ကတီးကြားမှ ချွေးထွက်ခြင်း၊
(၄) နေရာ ဘုံဗိမာန်၌ မပျော်မွေ့ခြင်း၊
(၅) မျက်တောင်ခတ်ခြင်း။
နတ်တို့စုတေခြင်းမျိုး ၄-ပါး။ ။ နတ်တို့သေရခြင်း အကြောင်း ၄-ပါး။
(၁)အာယုက္ခယ-သက်တမ်းစေ့၍ သေရခြင်း၊
(၂)ကမ္မက္ခယ-သက်တမ်းမစေ့မီ ကံကုန်၍ သေရခြင်း၊
(၃)အာဟာရက္ခယ-စားချိန် မစားမိ၍ အာဟာရ ကုန်ပြတ်ပြီး သေရခြင်း၊
(၄) ကောပ- အမျက်ဒေါသထွက်လွန်းအားကြီး၍ သေရခြင်း။
နတ်နက္ခတ် ၉-လုံး ဗေဒင်။ ။ မိမိတို့ ဇာတာခွင်၌ စန်းယှဉ်နက္ခတ်သည် ဤဖေါ်ပြပါ နက္ခတ် ၉-လုံးတို့တွင် ပါဝင်နေပါက နတ်နက္ခတ် ဟုမှတ်လေ၊ စန်းယှဉ်နက္ခတ်သည် ပါဋ် ဃတီ ပါရှိနေက ရှေ့သို့တလုံးတိုးယူရမည်ဟူ၏၊ လက်ထပ်ထိမ်းမြားရေး၌ မိမိတို့ အချင်းချင်းသော်၎င်းင်း၊ လူနှင့် နတ်သော်၎င်းင်း၊ လက်ထပ်ထိမ်းမြားနိုင်၏၊ လူယောက်ျားသည် ဘီလူးနက္ခတ် မိန်းမနှင့် လက်မထပ်ရ သေတတ်သည်၊ နတ်, လူ, နက္ခတ်ပါသော မိန်းမသည် ဘီလူးနက္ခတ်ပါသော ယောက်ျားနှင့် လက်ထပ်နိုင်သည်၊ အပြစ်မရှိ ကောင်း၏၊ နတ်နက္ခတ် ယောက်ျားသည် ဘီလူးနက္ခတ် မိန်းမနှင့် လက်ထပ်နိုင်၏၊ အပြစ်မရှိချေ၊
(၁) အဿဝဏီ၊
(၂) မိဂသီ
(၃) ပုဏ္ဏဖုသျှ၊
(၄) ဖုသျှ၊
(၅) အဿဒ၊
(၆) သွာဒိ၊
(၇) အနုရာဓ၊
(၈) သရ၀ဏ်၊
(၉) ရေ၀တီ နက္ခတ်တို့ ဖြစ်၏။
နတ်ပြည် ၆-ထပ်။ ။ နတ်တို့ နေရာ ဌာန ခြောက်ပါး၊
(၁) စတုမဟာရာဇ် နတ်ပြည်၊
(၂) တာဝတိံသာ၊
(၃) ယာမာ၊
(၄) တုသိတာ၊
(၅) နိမ္မာနရတိ၊
(၆) ပရနိမ္မိတ ၀သ၀တ္တီ။
နတ်ပြည် ရောက်ဘူးသော လူသား ၄-ယောက်။ ။ ၎င်းင်းသရုပ်(လူစင်စစ်က နတ်ပြည်ရောက်ဘူးသူ ၄-ယောက်) ဟူသော သုတေသန၌ကြည့်ပါ။
နတ်ပြည်၌ မရကောင်းသော ကမ္မဋ္ဌာန်း ၁၂-ပါး။ ။ ၀ိသုဒ္ဓိမဂ် ပ-အုပ်။ ၁၁၀။
အသုဘ ၁၀-ပါး၊
ကာယဂတာသတိ၊
အာဟာရေ ပဋိကူလသညာ၊ တို့ ဖြစ်၏၊
နတ်ပြည်၌ အာရုံငါးပါး ကာမဂုဏ်တရားတို့ လွှမ်းမိုးထားရကား ထိုကမ္မဋ္ဌာန်းများကို မရနိုင်ဟူ၏။
နတ်ဖြစ်ခြင်း အကြောင်း ၃-ပါး။ ။ နတ်ပြည်ရောက်လိုသူများ ကျင့်ကြံရန် တရားသုံးပါး။
(၁) သစ္စံ ဘဏေ-အမှန်ကိုသာ ဆိုပြောရာ၏၊
(၂) န ကုဇ္ဈေယျ-အမျက်မထွက် စိတ်မဆိုးရ၊
(၃) အပ္ပမ္ပိ ဒဇ္ဇာ-တောင်းခံလာက နည်းနည်းဖြစ်ဖြစ် ပေးလှူရာ၏။
နတ်မင်းကြီး ၄-ပါး။ ။ စတုမဟာရာဇ် နတ်မင်းကြီး ၄-ပါးကိုဆိုလိုသည်။
(၁) အရှေ့အရပ်ကို အစိုးရသော ဓတရဋ္ဌ နတ်မင်းကြီး၊
(၂) အနောက်အရပ်ကို အစိုးရသော ၀ိရူပက္ခ နတ်မင်းကြီး၊
(၃) တောင်အရပ်ကို အစိုးရသော ၀ိရူဠက နတ်မင်းကြီး၊
(၄) မြောက်အရပ်ကို အစိုးရသော ကုဝေရ နတ်မင်းကြီး။
မှတ်ချက်။ ။၎င်းင်းတို့ကိုပင် "နတ်စစ်သူကြီး ၄-ယောက်" ဟုလည်းခေါ်သေး၏။
နတ်မျိုး ၂-ပါး။ ။ အတုလ ၀ိဇ္ဇာမယ သိဒ္ဓိကျမ်းမှ။
(၁) ကမ္မသကနတ်-ဒါန, သီလ, ဈာန်, ဘာဝနာ ကုသိုလ်တို့ကြောင့်ဖြစ်သော နတ်, ဗြဟ္မာများ၊
(၂) ဂန္ဓာရီနတ်-ဆေး, အင်း, မန္တာန်, ပြဒါး, သံ, ကျောက်မျက် ရတနာ စသည်တို့ တန်ခိုးဖြင့် မြေလျှိုးမိုးပျံ နေကြသော ၀ိဇ္ဇာဓိုရ်များ။
နန်းမ ၃-ဆောင်။ ။ ဗုဒ္ဓ၀င်၌ ထင်ရှားသော အလောင်းမြတ် သိဒ္ဓတ်ဘုရင်၏ ရွှေနန်း ၃-ဆောင်ဟူ၏။
(၁) ရမ္မ ခေါ် ဘုံ ၉-ဆောင်ရှိသော ရွှေနန်းပြာဿဒ်တော်၊
(၂) သုဘ ခေါ် ဘုံ ၇-ဆောင်ရှိသော ရွှေနန်းပြာဿဒ်တော်၊
(၃) သုရမ္မ ခေါ် ဘုံ ၅-ဆောင်ရှိသော ရွှေနန်းပြာဿဒ်တော်။
နန်းမတော်ကြီး ၄-ဆောင်။ ။ နန်းရ မိဖုရားကြီး ၄-ပါးကို အစွဲထား၍ နန်းမတော် ၄-ဆောင်ဟု ဝေါဟာရဉပကြကုန်၏၊ အကျယ် (နန်းရ မိဖုရားမျိုး ၄-ပါး)၌ ရှုလေ။
နန်းရ မိဖုရား၊ မျိုး ၄-ပါး၊ ခွဲခြား ရွှေနန်းတော်။ ။ မြန်မာဘုရင်တို့ ထုံးတမ်းစဉ်လာမှာ နန်းရမိဖုရားကြီး ၄-ပါးနှင့် အဆောင်ရ မိဖုရား ၄-ပါးဟု ထားရိုးရှိသည်။
(၁) တောင်ညာစံဒေ၀ီ မဟေသီ မိဖုရားခေါင်ကြီး၊ တောင်နန်းမတော် မိဖုရားခေါင်ကြီး၊
(၂) မြောက်နန်းမတော် မိဖုရား၊
(၃) အလယ်နန်းမတော် မိဖုရား၊
(၄) အနောက်နန်းမတော် မိဖုရား။
နဘေစပ်ရိုး၊ နည်း ၈-မျိုး၊ ကျမ်းကိုး ပြပါလေ။ ။ အောက်ပါ နဘေစပ်နည်း ရှစ်ပါးကို ကဗျာဖွဲ့နည်း နိသျည်းကျမ်း၌ ပြယုဂ်ဥဒါဟရုဏ်နှင့် အစုံအလင်ပြဆို၏။
(၁) ရိုးရိုးနဘေစပ်နည်း၊
(၂) ပြန်ဂဟတ် နဘေစပ်၊
(၃) ကတ္တရာ နဘေစပ်၊
(၄) ရွက်ချပ် နဘေစပ်၊
(၅) ချိန်ခွင်ညှာ နဘေစပ်၊
(၆) ခြင်္သေ့လည်ပြန် နဘေစပ်၊
(၇) တေ့ဆက် နဘေစပ်၊
(၈) နဘေပြန်စပ်နည်း။
နမော တဿ၊ ရှိခိုးကြ၊ ပုဂ္ဂလ ၈-ယောက်။ ။ ပိဋကတ်တော် ကျမ်းလာ
"နမော တဿ ဘဂ၀တော အရဟတော သမ္မာသမ္ဗုဒ္ဓဿ"ဟု ဆို၍ ရှိခိုးသော ပုဂ္ဂိုလ် ၈-ယောက် ဟူလို။
(၁) သိကြားမင်း။ သုတ်မဟာဝါ။ ပါ။ ၂၃၀။ဋ္ဌ။ ၃၃၃။
(၂) ကောသလမင်းကြီး။ မဇ္ဈိမပဏ္ဏာသ။ ပါ။ ၃၁၄။ဋ္ဌ။ ၂၃၈။
(၃) ဇာဏုသောဏိ ပုဏ္ဏားကြီး။ မူလပဏ္ဏာသ။ ပါ။ ၂၃၅။ဋ္ဌ။ ဒုအုပ်။ ၁၀၂။
(၄) ဗြဟ္မာယု ပုဏ္ဏားကြီး။ မဇ္ဈိမပဏ္ဏာသ။ ပါ။ ၃၁၄။ဋ္ဌ။ ၂၄၉။
(၅) ဓနဉ္ဇာနီ ပုဏ္ဏေးမ။ မဇ္ဈိမပဏ္ဏာသ။ ပါ။ ၄၂၄။ဋ္ဌ။ ၃၀၇။
(၆) အာရာမဒဏ္ဍ ပုဏ္ဏား။ ဒုကင်္ဂုတ္တရ။ ပါ။ ၆၈။
(၇) ကာရဏပါလီ ပုဏ္ဏား။ ပဉ္စင်္ဂုတ္တရ။ ပါ။ ၂၀၆-၂၀၈။ ဋ္ဌ။ ၆၈။
(၈) မဟိန္ဒမင်းကြီး။ ဓမ္မပဒ-ဋ္ဌ။ ပ-အုပ်။ ၆၄-တို့၌ အကျယ်ရှု။ ။
ကျမ်းငယ်တစောင်၌ကား နတ်ကြီး ၅-ပါးက နမော, တပုဒ်၊ တဿ, တပုဒ်၊ စသည်ဖြင့်ရှိခိုးကြောင်းနှင့် လာသေး၏၊ သာသနာဝင်ကျမ်းတို့နှင့်မကိုက်ညီ။
နယ်ချဲ့တရား၊ မျိုး ၃-ပါး၊ ရှောင်ရှားသူတော်စင်။ ။ "ပပဉ္စတရား ၃-ပါး" ကိုပင် နည်းပရိယာယ်ဖြင့် နယ်ချဲ့တရားဟု ခေါ်ကြ၏၊ သရုပ်အတူတူပင်။
နယ်ခြားမြို့များ လုံခြုံရေးအင်္ဂါ ၇-ပါး။ ။ တိုင်းတပါးသား ရန်သူများ မ၀င်နိုင်ရန် ၎င်းင်းအကျယ် သတ္တင်္ဂုတ္တရ။ ပါ။ ၄၇၈။ ဋ္ဌ။ ၁၈၁-၌ ရှုပါ။ သရုပ်မှာ(ဉမိ့တော်အင်္ဂါ ၇-ပါး)နှင့် ဆင်ဆင်တူ၏။ စက္ကူ ရှားပါးသောကြောင့် အကျယ်မပြနိုင်။
နယ ၃-ထွေ၊ မြန်စာပေ၊ ယူလေ ရှေးထုံးမှီး။ ။ ကြိယာသုံးစွဲနည်း ဥပဒေသ၌ လာသော သဒ္ဒါဝေါဟာရ
(၁)ဥဒ္ဒိဿ နယ-ကြိယာတွင်တိုက်ရိုက်ညွှန်ပြသော နည်းမျိုး။
ပုံ- ဥဇနာပြောင်၊ ရွှေနန်းတောင်ထက်၊ ထွန်းပြောင် သုံးလဟူသော ပလိပ်စား ဧချင်း၌
'ထွန်းပြောင်' ဟူသော ကြိယာပုဒ်သည် ဥဒ္ဒိဿ နယ မည်၏၊
(၂) သံသယ နယ-ကြိယာတွင် စိတ်၌သာ ထင်မှတ်၍ ယုံမှားဘွယ်ရာ သုံးသော နည်းမျိုး၊
ပုံ-မဖြစ်လျှင်ကြေ၊ ဖြစ်လျှင်သေ၊ လူလေ အတတ်၊ အဂ္ဂိရတ် ဟူသော ဓာတ်ပြလင်္ကာ၌
'မဖြစ်လျှင်, ဖြစ်လျှင်'ဟူသောကြိယာပုဒ်တို့သည် သံသယ နယမည်၊
(၃) အာဏတ္တိ နယ-ကြိယာတွင် စေခိုင်းခြင်း, တောင့်တခြင်း, အလိုရှိခြင်း, တောင်းပန်ခြင်းတို့ဖြင့်သုံးသောနည်းမျိုး၊
ပုံ-ကောင်းသောဆန္ဒ၊ ဥဿဟဖြင့်၊ နိစ္စမပျင်း၊ကြိုးကုန်မင်း ဟူသော ဘူရိဒတ်ဇာတ်ပေါင်း၌ ပါသည့် 'ကြိုးကုန်' ဟူသောပုဒ်မျိုးသည် အာဏတ္တိ နယမည်၏၊ ဤသို့လျှင် ကဗျာလင်္ကာ ရေးစပ်ရာ၌ နည်း ၃-ထွေကို သိရာ၏။
နရည်း စရာ၊ တူရိယာ၊ ၆-ဖြာ မျိုးအပြား။ ။ နရည်းစရာခေါ် တီးမျိုး၌ ပါဝင်သော တူရိယာ ၆-မျိုး၊
'ပတ်သာ, ပုံ, မောင်း, နှဲ, ကြေးနင်း, လင်းကွင်း'။
န၀င်္ဂသီလ။ ။ အင်္ဂါ ၉-ပါးရှိသော သီလ-ဆောက်တည်ပုံ အကျယ်ကို န၀င်္ဂုတ္တရ။ ပါ။ ၁၉၂။ ဋ္ဌ။ ၂၆၆-၌ရှုပါ။ အင်္ဂါ ၉-ပါးရှိသောသီလ, ရှစ်ပါးသီလထဲ၌ "မေတ္တာ သဟဂတေန စေတသာ သဗ္ဗ ပါဏ ဘူတေသု ဖရိတွာ ၀ိဟရနံ သမာဒိယာမိ" အလုံးစုံသော သတ္တ၀ါတို့ အပေါ်၌ မေတ္တာနှင့်ယှဉ်သောစိတ်ဖြင့် ပြန့်နှံ့၍ နေထိုင်ခြင်းကို ဆောက်တည်ပါ၏ ဟူသော သိက္ခာပုဒ် တပါးကိုထည့်၍ ၉-ပါးသီလဟု ခေါ်သည်။ မှတ်ချက်။ ။မေတ္တာ၏ ဆန့်ကျင်ဖက် ဒေါသမထွက်ရ၊ ဒေါသစိတ်ဖြစ်က သိက္ခာပုဒ်ပျက်၏၊ အမြဲမေတ္တာပွားနေရမည်ဟု မမှတ်လင့်၊ ကာယကံမေတ္တာ, ၀စီကံမေတ္တာလည်း မေတ္တာပင်။
န၀င်းအပြား ၁၀၈-ပါး။ ။ ၎င်းင်းသရုပ်ကို (တရာ့ရှစ်န၀င်း)၌ ဆိုခဲ့ပြီ။
န၀င်းချော်, န၀င်းဆေးမျိုး ၉-ပါး။ ။ အဂ္ဂိရတ် ဝေါဟာရ၊ ဓာတ်ကိုးပါးဖြင့် ပြီးသော ဆေးဟူလို၊
ကန့်, ကျောက်ချဉ်, ဆား ၃-ပါး တလုံချက်၊
ယမ်း, လက်ချား, ဇ၀က်သာ ၃-ပါး တလုံချက်၊
ပရုပ်, ထုံး, ဆပ်ပြာ ၃-ပါး တလုံချက်၊
ယင်း ၃-ပါး ၃လီကိုပင် "န၀င်းဆေး, န၀င်းချော်" ဟုအဂ္ဂိရတ်သမားတို့ ခေါ်ဝေါ်သုံးကြကုန်၏။
န၀ဒေးကြီး၊ ဘွဲ့ဂုဏ်မှီး၊ ကျော်ဟီး ၃-နာမာ။ ။ ပထမ န၀ဒေးကြီး၏
"စစ်ကိုင်းထောင်သင်း၊ စလင်းလက်ျာ၊ ပြည်မှာန၀ဒေး" ဟူသော ဘွဲ့ထူးဂုဏ်ထူးများ၏ အမည်တော် ၃-ပါးကိုဆိုသည်။
န၀ဒေးခေါ်၊ ဘွဲ့အကျော်၊ ၄-ဘော် အင်္ဂါရပ်။ ။
န ၀ဒေ-ပါဠိ "န-မရှိ။ ၀ဒေ-ဆိုဘွယ်ရာအပြစ်" ၎င်းင်းဘွဲ့တံဆိပ် ခံရသူများကား အောက်ပါ အင်္ဂါ ၄-ပါးနှင့်ပြည့်စုံရမည်ဟူ၏
(၁) နိုင်ငံတော် အုပ်ချုပ်ကွပ်ကဲရေး၌ လိမ်မာရခြင်း၊
(၂) တရားဥပဒေ စီရင်ဆုံးဖြတ်ရေး၌ ကျွမ်းကျင်ရခြင်း၊
(၃) စစ်တိုက် စစ်ဆင် စစ်ဆုတ်ရေး၌ လိမ်မာပါးနပ် ရဲရင့်ရခြင်း၊
(၄) ဆေး ဗေဒင်နှင့် ကဗျာလင်္ကာ သဒ္ဒါစာပေတို့၌ ပြောင်မြောက်ရခြင်း။
န၀ရတ် ၉-ပါး၊ ဂုဏ်စွမ်းအား။ ။ ၎င်းင်းသရုပ်အဓိပ္ပါယ်ကို အောက်ပါလင်္ကာဖြင့်သိရာ၏၊
"နီလာ စိန် ကြောင်၊ ထိန်ပြောင်ပတ္တမြား၊ မြသား,ဂေါမုတ်၊ ဥဿဖယား,သန္တာ၊ ရတနာပုလဲ၊
ထူးကဲမွန်မြတ်၊ န၀ရတ် ၉-ပါး၊ ကျော်ထင်ရှားသည်၊ မှတ်သားအစဉ်၊ ခေါ်ရိုးတည်း"။
န၀ရတ် ၉-ပါး၊ ဂုဏ်စွမ်းအားကား၊ ပတ္တမြား ဘုန်းတောက်၊ မြကျောက် အေးချမ်း၊ စိန်စွမ်း ဂုဏ်ရောင်၊
ကြောင်ကား သိဒ္ဓိ၊ မဏိ နီလာ၊ မေတ္တာကဲချုပ်၊ ဂေါ်မုတ် ခွန်အား၊ ဥဿဖယား ကျန်းမာ၊ သန္တာ ကြီးကဲ၊
ပုလဲ ကျက်သရေ၊ ကွန့်ကွန့်ဝေသည်၊ ကိုးထွေန၀ရတ် စွမ်းရည်တည်း။
န၀ရတ်ထား၊ ရပ် ၉-ပါး၊ ကွင်းငြား လက်စွပ်ဝတ်။ ။ အထက်ပါ န၀ရတ်ကျောက် ၉-ပါးကို လက်စွပ် ကွင်းလိုသောသူသည် ပတ္တမြားကို အလယ်ထား၍ စိန်ကိုရှေ့တည့်တည့်က ထားပြီးလျှင်၊ ကြွင်းသော ရတနာ ၇-ပါးကို အစဉ်အတိုင်း လက်ျာရစ်လှည့်၍ ကွင်းလေ၊ ၀တ်ဆင်သူအား ဘေးဥပါဒ်ကင်းရှင်း၍ ရန်အပေါင်းတို့ကို နိုင်နင်းမည်။ ဘုန်းကျက်သရေ တက်နေပမာ မင်္ဂလာရှိမည်၊ လာဘ်သပ္ပကာ ပေါများမည် ဟူ၏။
န၀ရူပါ၊ သတ္တ၀ါ၊ ၉-ဖြာ ရုပ်ပုံ အဘယ်နည်း?။ ။ ရွှေဘုံ နိဒါန်းလာ 'န၀ရူပဖေါင်' ပုံမှယူဖြေသည်။
(၁) ကရ၀က် နှုတ်သီးနှင့် လည်ဆံ၊
(၂) နွားလဘို့၊
(၃) ငါးကြင်းမြီး၊
(၄) ဆင်စွယ် နှစ်ချောင်း၊
(၅) မကန်း နှာမောင်း၊
(၆) သမင်ချို နှစ်ဖက်၊
(၇) ကြက်တူရွေးအတောင်နှစ်ဖက်၊
(၈) တိုး လက်တဖက်, ခြေတဖက် အမြီး၊
(၉) မြင်းနားနှစ်ဖက်, လက်တဖက်, ခြေတဖက်။
နသတ်ကာရန်၊ ရေးထုံးမှန်၊ ၉-တန် မြန်မာ့နည်း။ ။ မြန်မာ သင်ပုန်းကြီးကျမ်းလာ စာစီစာကုံး ၃၆-ပါးသော ဌာနနှင့် ၆၄-ပါးသော ကာရန်ငယ် အသံတို့တွင် ပါဝင်သည့် ဝေါဟာရ။
"အန့်, အန်, အန်း, အိန့်, အိန်, အိန်း, အုန့်, အုန်, အုန်း" တို့ဖြစ်ကြ၏။
« နာ »
နာနာဘဏ္ဍာ၊ ခိုးနည်းလာ၊ ၅-ဖြာ အဘယ်နည်း? ။ ။၎င်းင်းသရုပ်ကို (ခိုးခြင်း ၂၅-ပါး)၌ ကြည့်ပါကုန်။
နာမ် ၁၀-ပါး ဆေး။ ။ အဂ္ဂိရတ် ဝေါဟာရ။
'ယမ်း, ဆား, ဆပ်ပြာ, ဇ၀က်သာ, ပရုပ်, ထုံး, ကျောက်ချဉ်, ကန့်, ဒုဋ္ဌာ, လက်ချား'
ယင်းဆယ်ပါး လေးတူချက်သည့် ဆေးကို ဆို၏၊ လုပ်ရတ်သမားတို့ သုံးကြကုန်၏။
နာမ်စားမျိုး ၄-ပါး။ ။ ၀ါကျတခု၌ နာမ်ပုဒ်တို့ကို ထပ်ခါထပ်ခါ မသုံးရအောင် နာမ်၏အစား သုံးသောပုဒ်မျိုးကိုဆိုသည်။
(၁) ပုဂ္ဂလ နာမ်စား- လူ, နတ်, ဗြဟ္မာ စသောပုဂ္ဂိုလ်တို့၏အစား သုံးသောပုဒ်မျိုး၊
ပုံ- 'ယောက်ျားတဆူ၊ ထိုသ သူလျှင်၊ လူ၌သော်လဲ၊ လွန်ရခဲ၏'၊ ဟူသော စတုဓမ္မသာရပျို့၌
'သူ' ဟူသောပုဒ်သည် ပုဂ္ဂလ နာမ်စား မည်၏။
(၂) သ ပစ္စာဂမ နာမ်စား- မိမိကိုယ်ကို တဖန်ပြန်၍ သုံးစွဲသောပုဒ်မျိုး၊
ပုံ-'နင့် ကိုယ်ကို ပင်၊ နင်ဆင်ခြင်၊ ကြောခြင် လျှော့ပါးစွာ'၊ ဟူသော ခွဲထားသံပေါက်၌၊ 'ကိုယ်ကို'ဟူသော ပုဒ်သည် မိမိသို့တဖန်ပြန်လာသောကြောင့် 'သ ပစ္စာဂမ နာမ်စား' မည်၏။
(၃) နိဒဿန နာမ်စား-နာမ်ပုဒ်တို့၏ အစား ညွှန်းပြ သုံးစွဲသော ပုဒ်မျိုး။
ပုံ-'ဤကား မကောင်း၊ ထိုကား ကောင်း၏၊ နောက်နှောင်းသောခါ၊ သိရစ်ပါလိမ့်' ဟူသော ကုသပျို့၌ 'ဤကား' 'ထိုကား' ဟူသောပုဒ်တို့သည် တစုံတခုသော နာမ်ပုဒ်တို့၏အစား ညွှန်းပြသောနည်းအားဖြင့် သုံးရကား 'နိဒဿန နာမ်စား' မည်၏။
(၄) ပုစ္ဆာ နာမ်စား-နာမ်ကို အမေးနည်းအားဖြင့် သုံးသောပုဒ်မျိုး။
ပုံ-'မည်သူဆိုညွှန်း၊ မတိုက်တွန်း၊ လိုထွန်းကျမ်းလင်္ကာ' ဟူသော ဘူရိဒတ်ပျို့ နိဂုံး၌၊ 'မည်သူ' ဟူသော ပုဒ်သည် မေးခွန်းအရာ၌ တည်သောကြောင့် 'ပုစ္ဆာ နာမ်စား'မည်၏။
မှတ်ချက်။ ။ နာမ်စားကား ကဗျာလင်္ကာ၌ ၆-ပါးလည်း ရှိသေး၏။
နာမ် တေပညာ၊ ဘိဓမ္မာ၊ ၅၃-ဖြာသိ။ ။ အဘိဓမ္မာသဘော နာမ် ၅၃-ပါးဟူ၏။
(က) စိတ် ၈၉-ခုကို အာရမ္မဏ ၀ိဇာနန သဘောတခုသာ ရသောကြောင့် နာမ်တပါး၊
(ခ) စေတသိက် ၅၂-ပါး၊
ပေါင်း ၅၃-ပါးဖြစ်၏။
နာမျိုး ၅-ပါး။ ။ နာမျိုးအ၀င် ဆေးပင်မျိုး ငါးပါးဟူလို။
(၁) နာဂမောက်၊
(၂) နာဂသိန်၊
(၃) နာဂမ
(၄) နာဂမှိုင်း၊
(၅) နာဂထ။
မှတ်ချက်။ ။ နာဂမောက်ကို၊ 'နာဂဆက်' ဟူ၍လည်း ခေါ်ကြသည်။
နာယကဂုဏ် ၆-ပါး။ ။ နာယက ဉပလုပ်သူတို့ လိုက်နာရမည့် ဂုဏ် ၆-ပါးဟူ၏။
(၁) ခမာ-သည်းခံခြင်းခေါ် ခန္တီတရားများ ထားရှိရခြင်း၊
(၂) ဇာဂရိယ-အစစအရာရာမှာ သတိထပ်ကြပ်ပါခြင်း နိုးကြားခြင်း၊
(၃) ဥဋ္ဌာန-ငယ်သားတို့ထက် ဆထက်များစွာ လွန်သာသော လုံ့လ ရှိခြင်း၊
(၄) သံဝိဘာဂ-လျောက်ပတ် လျော်ကန် တော်တန်သလို ခွဲစိတ် ချီးမြှောက် ထောက်ပံ့ရခြင်း၊
(၅) ဒယာ-သူတပါးအား ကိုယ်နှင့်မခြား သနားကြင်နာရခြင်း၊
(၆) ဣက္ခနာ-အလုံးစုံသော အခွင့်အရေးကို တွေးတောမြော်မြင် ဆင်ခြင်ဥာဏ်နှင့် ပြည့်စုံရခြင်း, စုံစမ်းခြင်း။
နာယကပုဂ္ဂိုလ်၏ အသိဥာဏ် ၅-ပါး။ ။ နာယက ရှေ့ဆောင်လုပ်သူသည် ဤပညာငါးပါးနှင့် ပြည့်စုံရမည်ဟူ၏။ (၁) အတ္ထညူ-အကျိုးစီးပွား ရှိမဲ့ကို သိရမည်။
(၂) ဓမ္မညူ-တရားကောင်းနှင့် ညီ, မညီကို သိရမည်၊
(၃) မတ္တညူ-အတိုင်းအရှည်ကို သိရမည်၊
(၄) ကာလညူ-အချိန်အခါ သင့် မသင့်ကို သိရမည်။
(၅) ပရိသညူ-ပရိသတ် လူထု၏ စိတ်ထားကိုသိရမည်။
နာရီ ၂-ပါး၊ အချိန်များ၊ ခြားနားမည်သို့သိ။ ။ ဤ၌ စက်နာရီနှင့် မြန်မာနာရီ ယှဉ်ပုံကို သိနိုင်ရန် ပြသည်။
(၁) တမောင်းခေါ် မြန်မာ တနာရီသည် စက် ၂၄-မိနစ် နှင့် ညီမျှ၏၊
(၂) မြန်မာ ၂-နာရီ ဗီဇနာ ၃၀-သည် စက် တနာရီနှင့် ညီမျှ၏၊
(၃) မြန်မာ တဗီဇနာသည် စက် ၂၄-စက္ကန့်နှင့် ညီမျှ၏၊
(၄) မြန်မာ ၅-ခရာ သည် စက် ၂-စက္ကန့်နှင့် ညီမျှ၏။
ဓ---ဓမ္မကထိက မှ ဓူရ ၂ပါး
ဓနိတ အက္ခရာ ၁၀-လုံး။ ။ ကမ္မ၀ါစာဖတ်ရာ၌ အသံတင်းတင်း ပြင်းပြင်းထန်ထန်
ရွတ်ဖတ်ရသော အက္ခရာမျိုး ၁၀-လုံး။ "ခ ဃ ဆ ဈ ဋ္ဌ ဎ ထ ဓ ဖ ဘ" တို့တည်း။
ဓမ္မကထိက အင်္ဂါ ၅-ပါး။ ။ ပဉ္စင်္ဂုတ္တရ။ ပါ။ ၁၆၂။ ဋ္ဌ။ ၅၅-၌ အကျယ်ရှုပါ။ တရားဟောတိုင်း ဓမ္မကထိက မမည်နိုင်ချေ။
ဓမ္မကထိကမျိုး ၄-ပါးနှင့် ပရိသတ် ၄-စား။ ။ အဘိဓမ္မာ ပုဂ္ဂလပညတ်။ ပါ။ ၁၄၈။ ဋ္ဌ။ ၇၄-၌အကျယ်ရှု။ တရားဟောဆရာ ၄-မျိုးနှင့် တရားနာပရိတ်သတ် ၄-ပါး၊ ပညာရှိ မရှိ ခွဲခြားချက်။
(၁) ဗာလ ဓမ္မကထိက, ဗာလ ပရိသတ်- အနည်းငယ်မျှလည်းဟောကြားသေး၏၊ အကျိုးစီးပွားနှင့်လည်းမယှဉ်၊ တရားနာပရိတ်သတ်ကလည်း နာကားနာယူ၏၊ အကျိုးရှိ မရှိ ဘာမျှမသိချေ။
(၂) သဘာဝ ဓမ္မကထိက, ပဏ္ဍိတ ပရိတ်သတ်- အနည်းငယ်သာဟောကြား၏၊ အကျိုးစီးပွားနှင့်ကားယှဉ်၏၊ တရားနာပရိတ်သတ်ကလည်း အကျိုးရှိ မရှိ သိလိမ္မာ၏။
(၃) ဗာလ ဓမ္မကထိက, ဗာလ ပရိသတ်- ရှည်ရှည်လျားလျား များများလည်းဟောကြား၏၊ အကျိုးစီးပွားနှင့်လည်းမယှဉ်၊ သူ့ပရိတ်သတ်ကလည်း အကြောင်းအကျိုး ဘာမျှမသိ၊ စီးပွားရှိမဲ့လည်းနားမလည်။
(၄) ပဏ္ဍိတဓမ္မကထိက, ပဏ္ဍိတပရိတ်သတ်- အကျိုးစီးပွားနှင့်စပ်ယှဉ်သောတရားတို့ကို ရှည်ရှည်လျားလျား များများလည်းဟောကြား၏။ ပရိတ်သတ်ကလည်း ကြောင်းကျိုးဆင်ခြင် ဥာဏ်ပညာနှင့်ယှဉ်၍နာတတ်၏။
ဓမ္မကထိကတို့၊ အသံဆွဲချွဲ၊ ရှည်ငင်ဟောခြင်းအပြစ် ၅-ပါး။ ။
(၁) မိမိအသံ၌မိမိ သာယာနှစ်သက်ခြင်း၊
(၂) သူတစ်ပါးတို့ကလည်း တရားမမက် အသံကိုသာ သာယာတပ်မက်ကြခြင်း၊
(၃) ပညာရှိသူတို့ ကဲ့ရဲပြစ်တင်မှုကို ခံရတတ်ခြင်း၊
(၄) အသံကောင်းမှု လုံ့လပြုရ၍ သမာဓိပျက်စီးခြင်း၊
(၅) နောက်နောက်ပုဂ္ဂိုလ်တို့ အတုလိုက် ဟောကြားမှုကြောင့် သာသနာပျက်လွယ်ခြင်း၊ ပဉ္စင်္ဂုတ္တရပါဠိတော်။ ၂၁၉။ ဋ္ဌ။ ၇၈-၌ အကျယ်ရှုပါ။ ဤသို့ အသံရှည်စွာ ဆွဲငင်၍မဟောရဟု ၀ိနည်းသိက္ခာပုဒ်ကလည်း ပညတ်ထားသည်။
ဓမ္မခန္ဓာ ၄-ပါးလာ၊ ဝေဖြာခြားနားသိ။ ။ တရားတော်၏ ဂုဏ်အပေါင်းအစု ၄-ခု။
(၁) သီလက္ခန္ဓာ- သီလ တည်းဟူသောဂုဏ်အပေါင်း၊
(၂) သမာဓိက္ခန္ဓာ- သမာဓိတည်းဟူသော ဂုဏ်အပေါင်း၊
(၃) ပညာက္ခန္ဓာ-ပညာတည်းဟူသော ဂုဏ်အပေါင်း၊
(၄) ၀ိမုတ္တိခန္ဓာ- နိဗ္ဗာန်တည်းဟူသော ဂုဏ်အပေါင်း။
ဓမ္မခန္ဓာပေါင်း (၈၄၀၀၀) ရှစ်သောင်းလေးထောင်။ ။ ၀ိနည်းပါရာဇိက အဋ္ဌကထာ။ ပ-အုပ်။ ၂၃ ၌ အကျယ်ရှု။ ပိဋကသုံးပုံး၌ ဘုရာဒဟော ဓမ္မခန္ဓာပေါင်း ရှစ်သောင်းလေးထောင်ရှိသည်ကို ဆိုသည်။
(၁) ၀ိနည်းပိဋကတော်၌ ဓမ္မခန္ဓာပေါင်း ၂၁၀၀၀(နှစ်သောင်းတထောင်)ရှိသည်၊
(၂) သုတ္တန်ပိဋကတော်၌ ဓမ္မခန္ဓာပေါင်း ၂၁၀၀၀(နှစ်သောင်းတထောင်)ရှိသည်၊
(၃) အဘိဓမ္မာပိဋကတော်၌ ဓမ္မခန္ဓာပေါင်း ၄၂၀၀၀(လေးသောင်းနှစ်ထောင်)ရှိသည်၊
ပေါင်း ရှစ်သောင်းလေးထောင်ဖြစ်သည်။
ဓမ္မခန္ဓာ၊ မြတ်အင်္ဂါ၊ ၉-ဖြာ ဝေဘန်သိ။ ။ မူလပဏ္ဏာသ ။ပါ။ ၁၈၆ ။ဋ္ဌ။ဒု-အုပ်၊ ၁၂-၌ရှုပါ။ ပိဋက ၃ပုံ၏အင်္ဂါကိုးပါးကို စိတ်ဖြာ၍သိထားပါဟူ၏။
(၁) သုတ္တ-မင်္ဂလသုတ်ç ရတနသုတ်ç နာလကသုတ်ç စသော သုတ်ဟူ၍ အမည်ရသည့် ဓမ္မခန္ဓာများ။
(၂) ဂေယျ-သ ဂါထာဝဂ္ဂ သံယုတ်çစသော ဂါထာများစွာတို့ပါရှိသည့် သုတ်များ။
(၃) ဝေယျာကရဏ- အဘိဓမ္မာပိဋက စသော ဂါထာ မပါရှိသည့် ဒေသနာတော် ဟူသမျှ။
(၄) ဂါထာ-ဓမ္မပဒç ထေရဂါထာç ထေရီဂါထာç စသော ဂါထာသက်သက်ဖြင့် ဟောတော်မူသည့် တရားဒေသနာတော်များ။
(၅) ဥဒါန-နှစ်သက်ရွှင်ပျသည့် သောမနဿဉာဏ်နှင့် ယှဉ်လျက်ရွတ်ဆိုကျူးရင့်တော်မူသော "အနေက ဇာတိ သံသာရံ" စသည့်နှစ်ဆယ့်ရှစ်သုတ်တို့ကိုခေါ်သည်။
(၆) ဣတိဝုတ်-"၀ုတ္တံ ဟေတံ ဘဂ၀တာ" အစချီ၍ ဟောကြားတော်မူသော တရာ့တစ်ဆယ်ရှစ် (၁၁၈)သုတ်တို့ကိုခေါ်ဆိုသည်။
(၇) ဇာတက-အပဏ္ဏကဇာတ်ç ဝေဿန္တရာဇာတ်çစသော ငါးရာ့ငါးဆယ်ဇာတ်တို့ကိုဆိုသည်။
(၈) အဗ္ဘူတ ဓမ္မ-"စတ္တာရောမေ ဘိက္ခဝေ အဗ္ဘူတဓမ္မာ အာနန္ဒာတိ" အစရှိသော အံ့ချီးဘွယ်ရာနှင့်ယှဉ်၍ ဟောတော်မူသည့် တရာတော်ဟူသမျှ။
(၉) ဝေဒလ္လ-မေးခြင်း ဖြေခြင်းဟူသော အမေးအဖြေ များဖြင့် ၀မ်းမြောက်ရွှင်ပျခြင်းတို့ကိုရကြသည့် စူဠ ဝေဒလ္လသုတ်, မဟာဝေဒလ္လသုတ်, သမ္မာဒိဋ္ဌိသုတ်, စသောတရားတော်များကိုဆိုသည်။
ဓမ္မတာ ၃၀။ ။ ဗုဒ္ဓ၀င်အဋ္ဌကထာလာ ဘုရားရှင်ဟူသမျှတို့၏ ပြီး, ပြည့်စုံမြဲဖြစ်သော သဘောတရား သုံးဆယ်ဟူ၏။၎င်းင်းအကျယ်ကို(ဘုရားရှင်တို့ဓမ္မတာ ၃၀) ဟူသော သုတေသနစကားရပ်၌ ရှုပါလေ။
ဓမ္မာဒါသ တရား ၄ပါး။ ။ ၎င်းင်းအကျယ် သံယုတ် ။ပါ။ တတိယအုပ်။ ၂၉၈-၌ ကြည့်ယူပါ။
(၁) မြတ်စွာဘုရား၊
(၂) တရားတော်မြတ်၊
(၃) သံဃာတော်မြတ်တို့၌ မတုန်မလှုပ် ကြည်ညိုလေးစားခြင်း၊
(၄) အရိယာတို့ နှစ်သက် မြတ်နိုးသော ၅-ပါးသီလကို အသက်ပမာ စောင့်စည်း လုံခြုံစွာ ရှိနေခြင်း။
ဓမ္မပဋိသမ္ဘီဒါမျိုး ၅ပါး။ ။ ၎င်းင်း၏ သရုပ် အဓိပ္ပါယ်ကို ( ပဋိသမ္ဘီဒါ ၄ပါး)၌ကြည့်ပါ။
ဓမ္မိကဒါန အပြား၃ပါး။ ။ ပရိဝါ ။ပါ။ ၂၄၅ ။ဋ္ဌ။၁၈၂-၌ အကျယ်ရှုပါ။ တရားနှင့်လျော်သော အလှူမျိုး ၃ပါး။
(၁) သံဃဿ နိန္နံ သံဃေဿဝ ဒေတိ-သံဃာသို့လှူရန် ညွတ်ပြီးသော ၀တ္ထုကို သံဃာအားပင် ပေးလှူခြင်း၊
(၂) စေတိယဿ နိန္နံ စေတိယဿ စ ဒေတိ-စေတီသို့လှူရန် ညွတ်ပြီးသော ၀တ္ထုကို စေတီအားပင် ပေးလှူခြင်း၊
(၃)ပုဂ္ဂလဿ နိန္နံ ပုဂ္ဂလေဿဝ စ ဒေတိ-ပုဂ္ဂိုလ်သို့လှူရန် ညွတ်ပြီးသော ၀တ္ထုကို ပုဂ္ဂိုလ်အားပင် ပေးလှူခြင်း၊
ဓာတ် ၄ရပ်ခေါ်၊ ဗေဒင်ကျော်၊ မိန့်တော်မူ ဘုရား။ ။ ဗေဒင်အလိုအားဖြင့် ထင်ရှားကျော်စောသော ဓာတ် ၄ရပ်ကား။
(၁) သူရစ္စဓာတ်၊
(၂) ပါပဓာတ်၊
(၃) အမြိတ္တဓာတ်၊
(၄) ကောလီဓာတ် တို့ဖြစ်ကြ၏။
ဓာတ် ၁၈ပါး။ ။ နိဒါန၀ဂ္ဂသံယုတ်။ပါ။၃၅၈-၃၆၀ ။ဋ္ဌ။၁၂၁-၁၂၂-၌ အကျယ်ရှု။ မိမိတို့ဆိုင်ရာသဘောကို ဆောင်ရွက်တတ်သော တရား ၁၈ပါး၊
စက္ခုဓာတ်၊ သောတဓာတ်၊ ဃာနဓာတ်၊ ဇိဝှါဓာတ်၊ ကာယဓာတ်၊ မနောဓာတ်၊
ရူပဓာတ်၊ သဒ္ဒဓာတ်၊ ဂန္ဓဓာတ်၊ ရသဓာတ်၊ (၁၀) ဖေါဋ္ဌဗ္ဗဓာတ်၊ မနောဝိညာဏဓာတ်၊
စက္ခုဝိညာဏဓာတ်၊ သောတ၀ိညာဏဓာတ်၊ ဃာန၀ိညာဏဓာတ်၊ ဇိဝှါဝိညာဏဓာတ်၊ ကာယ၀ိညာဏဓာတ်၊ ဓမ္မဓာတ် (၁၈)။
ဓာတ် ကသိုဏ်းခေါ်၊ မျိုး ၄ဘော်၊ ဖြေတော်မူ ဘုရား။ ။ ပထ၀ီကသိုဏ်း, အာပေါကသိုဏ်း, ၀ါယောကသိုဏ်း, တေဇောကသိုဏ်း တို့ကိုပင် ဓာတုကသိုဏ်းဟုခေါ်၏၊ အကျယ် "ကသိုဏ်း ၁၀ပါး" ၌ဆိုခဲ့ပြီ။
ဓာတ်ကြီး ၄-ပါး။ ။ အဘိဓမ္မာ ကျမ်းလာ အများသုံးထင်ရှား သိလွယ်သော ဓာတ်ကြီးများ။
(၁) ပထ၀ီဓာတ်-မြေ။
(၂) တေဇောဓာတ်-မီး။
(၃) အာပေါဓာတ်-ရေ။
(၄) ၀ါယောဓာတ်-လေ။
ဓာတ်တော် ၂-ပါး။ ။
(၁) မပြိုမကွဲနိုင်သော အသမ္ဘိန္နဓာတ်တော်မျိုး၊
(၂) ပြိုကွဲပျက်စီးကြသော သမ္ဘိန္နဓာတ်တော်မျိုး၊
မဟာပရိနိဗ္ဗာနသုတ်မှ။
ဓာတ်တော် ၃ပါး၊ ရွယ်အစား၊ ခြားနားရောင်ခြည် အဘယ်နည်း?။ ။ ဓာတ်တော်တို့၏ အရွယ်အစားနှင့် အဆင်းအရောင်ကား အောက်ပါအတိုင်းဖြစ်ကြ၏။
(၁) မဟန္တာ မုဂ္ဂမာသာစ- ဓာတ်တော် အကြီးစားကား ပဲနောက်စေ့ ပမာဏရှိ၍၊ သုဝဏ္ဏ ၀ဏ္ဏာ-ရွှေရောင်အဆင်းရှိကုန်၏၊
(၂) မဇ္ဈိမာ ဘိန္န တဏ္ဍုလာ-အလတ်စားကား ဆန်ကျိုးစေ့ ပမာဏရှိ၍၊ ဗကုလ ၀ဏ္ဏာ-မြတ်လေးငုံ အဆင်းရှိကုန်၏၊
(၃) ခုဒ္ဒကာ သာသပ မတ္တာ- အသေးစားကား မုန်ညင်းစေ့မျှပမာဏရှိ၍၊ မုတ္တ ၀ဏ္ဏာ- ပုလဲရောင် အဆင်းရှိကုန်၏။
ဓာတ်တော် ၇ပါး၊ မြတ်ကိုယ်စား၊ ချန်ထား အဘယ်နည်း?။ ။ မြတ်စွာဘုရား၏ သရီရဓာတ်တော်များ အားလုံးကို ရေတွက်သော် ၇ပါးကျန်ရှိနေကြောင်းနှင့် သိရ၏။
(က) စွယ်တော်ဓာတ် ၄ဆူ၊
(ခ) ညှပ်ရိုးတော်ဓာတ် ၂ဆူ၊
(ဂ) ဥဏ္ဏလုံ မွေးရှင်တော်ဓာတ် ၁ဆူ၊ အသမ္ဘိန္နမျိုး ၃ပါး၊
(ဃ) အရိုးတော်ဓာတ်များစွာ၊
(င) အသားတော်ဓာတ်များစွာ၊
(စ) အသွေးတော် ဓာတ်များစွာ၊
(ဆ) ဆံတော်ဓာတ်များစွာ၊ သသမ္ဘိန္နမျိုး ၄ပါး၊ ပေါင်း ၇ပါး။
ဓာတ်ဖို ၁၂-ပါး။ ။ အဂ္ဂိရတ် ဝေါဟာရ ]အာကာသဓာတ် ၁၂-ပါး} ကိုပင် လုပ်ရတ်ဆရာတို့သုံးနှုန်းကြကုန်၏၊ သရုပ်ကို(အာကာသ ၁၂ပါး)၌ပြခဲ့ပြီ။
ဓာတ်မ ၉-ပါး။ ။ လုပ်ရတ်ကျမ်းလာ ဝေါဟာရ ဖြစ်သည်။ အဂ္ဂိရတ်ဆရာတို့ကား ဓာတ်မ ၉ပါးဟုဆိုကာ ၊
(၁) ဘော်၊
(၂) ဘင်၊
(၃) နာ၊
(၄) သံ၊
(၅) ဂျွတ်၊
(၆) သွတ်၊
(၇) ဒန်၊
(၈) ကိတ်၊
(၉) သုတ
ဟုနားလည်ကြကုန်၏၊ အကျယ်ကို 'လောကီသိပ္ပ ၀ိဇ္ဇာဓရကျမ်း'၌ရှုလေ။
ဓားရေး ၃၇မျိုး။ ။ န၀ဒေး လူးတားမှ သုတေသန ပြုသည်။
ဓားချီ, ဓားခင်း, မျက်နှာကာ, ဓားလှ, ဓားလျှိုး, မှောက်ထိုးရပ်, ရင်ခွဲ, အသားလှန်, ဓားခုတ်, ဇင်ယော်သုတ် (၁၀)
တဖက်ထိုး, ရှေ့လှည်း, နောက်လှည်း, ရွှေနှုတ်မြွက်ယာလှ, ရွှေနှုတ်မြွက်ဝဲလှ, စွန်သုတ်,
ပါးကပ်, ပန်းကုံးဖြတ်, ဓားလွှင့်, ပန်းကုံးသီ၊ (၂၀)
ဆက်ရက်ခုန်, မီးတိုင်ပြ, ပိုးချည်လွှား, သက်တင်ရေသောက်, ရွှေဘယက် လည်လျောက်,
ဒေါင်းမြီးကာ, ကျားမြီးဆွဲ, ဓားရွက်, လက်ကောက်ဝတ်, မောင်းကပ်၊ (၃၀)
ရွှေနှုတ်လည်လျောက်, နောက်လည်လျောက်, ဓားသွဲ့, ဓားပြ, တဖက်နှုတ်, နှစ်ဖက်နှုတ်, နောက်လှည့်၊ (၃ရ)။
« ဓု »
ဓုတ္တ ၃ပါး၊ လွန်ကျူးငြား၊ ပျက်ပြားဥစ္စာ ပါယ်လားရာ။ ။ ဓုတ္တမျိုး ၃ပါးကို လိုက်စား လွန်ကျူးသူများ ဥစ္စာဆုံးပါး၍ အပါယ် ၄ပါးသို့ လားရသည် ဟူ၏။
(၁) သုရာ ဓုတ္တ-သေရည် သောက်ကြူးသူ၊
(၂) ဣတ္ထိဓုတ္တ-မိန်းမလိုက်စား ပျော်ပါးကြူးသူ၊
(၃) အက္ခဓုတ္တ-အလောင်းအစား ကစားကြူးသူ။
« ဓူ »
ဓူတင် ၁၃-ပါး။ ။ မိလိန္ဒပဥှာ ၃၄၀-၌ အကျယ်ရှု။ ကိလေသာကို ခါတွက်ကြောင်း ခေါင်းပါးစေခြင်း တရား ၁၃-ပါး။
(၁) ပံ့သုကူ ဓူတင်-ဂဟပတိ စီဝရံ ပဋိက္ခိပ္ပါမိ၊ ပံသုကူလိကင်္ဂံ သမာဒိယာမိ- ဒါယကာတို့ လှူသော သင်္ကန်းကို စွန့်ပါ၏၊ ပံ့သုကူသင်္ကန်းကို ဆောက်တည်ပါ၏။
(၂) တေစီဝရိက် ဓူတင်-စတုတ္ထစီဝရံ ပဋိက္ခိပ္ပါမိ၊ တေစီဝရိကင်္ဂံ သမာဒိယာမ-လေးထည်မြောက် သင်္ကန်းကို စွန့်ပါ၏။ သုံးထည်သောသင်္ကန်းကိုသာ ဆောက်တည်ပါ၏။
(၃) ပိဏ္ဍပါတ် ဓူတင်-အတိရေကလာဘံ ပဋိက္ခိပ္ပါမိ၊ ပိဏ္ဍပါတိကင်္ဂံ သမာဒိယာမိ-လာဘ်ပိုလာဘ်လျှံကို ပယ်ပါ၏။ ဆွမ်းခံလို့ရသော ဆွမ်းကို စားသောက်ပါ၏။
(၄) သ ပဒါန ဓူတင်-လောလုပ္ပစာရံ ပဋိက္ခိပ္ပါမိ၊ သ ပဒါန စာရိကင်္ဂံ သမာဒိယာမိ-လျှပ်ပေါ်လော်လီ အိမ်စဉ်ကျော်၍ ခံယူခြင်းကိုပယ်ပါ၏၊ အိမ်စဉ် မကျော်မလှပ် ရပ်၍ရသောဆွမ်းကို ဆောက်တည်ပါ၏။
(၅) ဧကသနိက် ဓူတင်-နာနာသန ဘောဇနံ ပဋိက္ခိပ္ပါမိ၊ ဧကာသနိကင်္ဂံ သမာဒိယာမိ-နေရာအထူးထူး၌ စားခြင်းကို ပယ်ပါ၏။ တထိုင် တနေရာတည်း၌ စားခြင်းကိုဆောက်တည်ပါ၏။
(၆) ပတ္တပိုင် ဓူတင်-ဒုတိယတာဇနံ ပဋိက္ခိပ္ပါမိ၊ ပတ္တပိဏ္ဍိကင်္ဂံ သမာဒိယာမိ-နှစ်ခွက်မြောက်သောဆွမ်းç ဟင်းç ကိုပယ်ပါ၏။တခွက်တည်းနှင့်သာ ဆောက်တည်ပါ၏။
(၇) ခလုပစ္ဆာ ဓူတင်-အတိရိတ္တ ဘောဇနံ ပဋိက္ခိပ္ပါမိ၊ ခလုပစ္ဆာကင်္ဂံ သမာဒိယာမိ-အတိရိက် ၀ိနည်းကံဆွမ်းကိုပယ်ပါ၏။ ခလုပစ္ဆာဓူတင်ကို ဆောက်တည်ပါ၏။
(၈) အရညကင် ဓူတင်-ဂါမန္တ သေနာသနံ ပဋိက္ခိပ္ပါမိ၊ အရညိကင်္ဂံ သမာဒိယာမိ-ဂါမ၀ါသီ ကျောင်းသင်္ခမ်းကိုပယ်ပါ၏။ တောရကျောင်း၌ နေခြင်းကို ဆောက်တည်ပါ၏။
(၉) ရုက္ခမူ ဓူတင်-ဆန္နံပဋိက္ခိပ္ပါမိ၊ ရုက္ခမူလိကင်္ဂံ သမာဒိယာမိ-အမိုးအကာရှိသောကျောင်းကို
ပယ်ပါ၏။သစ်ပင်ရင်း၌ နေပါ၏။
(၁၀) အဗ္ဘောကာသိက ဓူတင်-ဆန္နဉ္စ ရုက္ခမူလဉ္စ ပဋိက္ခိပ္ပါမိ၊ အဗ္ဘောကာသိကင်္ဂံ သမာဒိယာမိ-အမိုးအကာရှိသောကျောင်းနှင့် သစ်ပင်တို့ကိုပယ်ပါ၏။ လွင်တီးခေါင်၌ နေခြင်းကို ဆောက်တည်ပါ၏။
(၁၁) သုသာန ဓူတင်-န သုသာနံ ပဋိက္ခိပ္ပါမိ၊ သောသာနိကင်္ဂံ သမာဒိယာမိ-သုသာန် မဟုတ်သော နေရာကို ပယ်ပါ၏။ သုသာန်၌ နေပါ၏။
(၁၂) ယထာ သန္တတိ ဓူတင်-သေနာသန လောလုပ္ပံ ပဋိက္ခိပ္ပါမိ၊ ယထာ သန္ထတိကင်္ဂံ သမာဒိယာမိ-နေရာကောင်း ကျောင်းကောင်းရွေးချယ်မှုကို ပယ်ပါ၏။ ဖြစ်စဉ်အတိုင်းနေထိုင်ပါ၏။
(၁၃) နိသဇ် ဓူတင်-ပဋိက္ခိပ္ပါမိ၊ နေသဇ္ဇိကင်္ဂံ သမာဒိယာမိ-အိပ်ခြင်းကိုပယ်ပါ၏။ ထခြင်းç ထိုင်ခြင်းç စင်္ကြံသွားခြင်းကိုဆောက်တည်ပါ၏။
ဓူတင် တရား၏ ကျေးဇူးဂုဏ် ၂၈-ပါး။ ။ မိလိန္ဒာပဥှာ ပါဠိတော်မှ ဓူတင်ကျင့်သူ၏ အကျိုးဂုဏ်များဖြစ်သည်။
(၁) သုဒ္ဓါဇီဝ-အသက်မွေးစင်ကြယ်၏၊
(၂) သုခ ဖလ-ချမ်းသာကျိုးရှိ၏၊
(၃) အန၀ဇ္ဇ-အပြစ်မရှိ၊
(၄) န ပရ ဒုက္ခာပန-သူတပါးတို့အားဒုက္ခမပေး၊
(၅) အ, ဘယ-ဘေးမရှိ၊
(၆) အ, သမ္မီဠန-သူတပါးကိုမနှိပ်စက်၊
(၇) ဧကန္တ၀ဍ္ဎိုက-အမှန်ကြီးပွါး၏။
(၈) အ, ပရိဟာနိယ-ကုသိုလ်တရားမဆုတ်ယုတ်၊
(၉) အ, မာယံ-မာယာစဉ်းလဲခြင်း မရှိ၊
(၁၀) အာရက္ခာ-သေခြင်းကိုစောင့်တတ်၏၊
(၁၁) ပတ္ထိတဒဒ-တောင့်တတိုင်းပေး၏၊
(၁၂) သဗ္ဗသတ္တ ဒမန-သတ္တ၀ါအားလုံးကို ဆုံးမတတ်၏၊
(၁၃) သံဝရဟိတ-စောင့်စည်းသောအကျိုးရှိ၏၊
(၁၄) ပဋိရူပ-လျောက်ပတ်သော အကျင့်ဖြစ်၏၊
(၁၅) အ, နိဿိတ-ကိလေသာတို့ မမှီမကပ်နိုင်၊
(၁၆) ၀ိပ္ပမုတ္တ-ကိလေသာမှ လွတ်၏၊
(၁၇) ရာဂက္ခယ-ရာဂ ကုန်၏၊
(၁၈) ဒေါသက္ခယ-ဒေါသ ကုန်၏၊
(၁၉) မောဟက္ခယ-မောဟ ကုန်၏။
(၂၀) မာနဟာန-မာန်တက်မှုကိုပယ်၏၊
(၂၁) ကု ၀ိတက္ကစ္ဆေဒန-မိစ္ဆာဝိတက်ကိုဖြတ်၏၊
(၂၂) ကင်္ခါဝိတရဏ-ယုံမှားသင်္ကာမှ ကူးမြောက်၏၊
(၂၃) ကောသဇ္ဇ၀ိဒ္ဓံသန-အပျင်းကိုပယ်ဖျောက်၏၊
(၂၄) အရတိ ပဟာန- မမွေ့လျော်ခြင်းကိုဖျောက်၏၊
(၂၅) ခမန-သည်းခံတတ်၏၊
(၂၆) အတုလ-အတုမရှိမြတ်သော အကျင့်တည်း၊
(၂၇) အပ္ပမာဏ-မနှိုင်းယှဉ်အပ်သောဂုဏ်ရှိ၏၊
(၂၈) သဗ္ဗဒုက္ခက္ခယ ဂမန-နိဗ္ဗာန်သို့ရောက်၏။
ဓူရ ၂ပါး။ ။ ဓမ္မပဒ။ဋ္ဌ။ပ-အုပ်။၅။၎င်းင်း။ဒု-အုပ်။၃၂၇။ ရဟန်းတော်များ လိုက်နာပြုကျင့်ရသော တာဝန် ၂-ပါး။
(၁) ဂန္ထဓူရ- စာပေသင်ယူ ပို့ချ ရေးမှတ် ဟောပြောနေမှု၊
(၂) ၀ိပဿနာ ဓူရ- ကမ္မဋ္ဌာန်းဘာဝနာ အားထုတ်နေမှု။
ဓူရ ၂ပါး၊ တနည်း။ ။ လောကုတ္တရာ မဂ်çဖိုလ် ရယူရေး၌ ပြည့်စုံရမည့် တာဝန် ၂-ပါးဟူလို၊
ပုဂ္ဂလပညတ် အဋ္ဌကထာ ၄၄-၌ အကျယ်ရှုပါ။
(၁) သဒ္ဓါဓူရ- ဗုဒ္ဓ၏ ဓမ္မ၌ ယုံကြည်မှုလုံးဝရှိရခြင်း၊
(၂) ပညာဓူရ-နာမရူပ ပရိစ္ဆေဒဥာဏ်၊ ပစ္စယပရိဂ္ဂဟဥာဏ်ပညာနှင့် ပြည့်စုံရမည်။
ဒ---ဒက္ခိဏေယျ မှ ဒွေပဉ္စ၀ိညာဉ်
ဒက္ခိဏေယျ ပုဂ္ဂိုလ် ၈-ယောက်။ ။ မြတ်သောအလှူခံပုဂ္ဂိုလ် ၈-ယောက်။
(၁) သောတာပန်ပုဂ္ဂိုလ် ၂-ယောက်၊
(၂) သကဒါဂါမ်ပုဂ္ဂိုလ် ၂-ယောက်၊
(၃) အနာဂါမ်ပုဂ္ဂိုလ် ၂-ယောက်၊
(၄) အရဟတ္တပုဂ္ဂိုလ် ၂-ယောက်။
ဒဏ် ၁၀-ပါး။ ။ အပါဒါန်။ ဋ္ဌ။ ၂၇၁။ ဓမ္မပဒ။ ဋ္ဌ။ ပ-အုပ်။ ၁၁၅။ ၎င်းင်း။ ဋ္ဌ။ ဒု-အုပ်၊ ၄၄-တို့၌ အကျယ်ရှု။ လောက၌ ခင်ပွန်းကြီး ၁၀-ပါးခေါ် ကျေးဇူးရှင်ကြီးဆယ်ပါးကို ပြစ်မှားခြင်းကြောင့်ရရှိသော အပြစ်ကြီး ၁၀- ပါး။
(၁) ဖရုသ ဝေဒနာ- ကြမ်းတမ်းစွာဦးခေါင်းနာ စသည်ကပ်ရောက်ခြင်း၊
(၂) ဟာနိ- စည်းစိမ်စသည် ဆုတ်ယုတ်ပျက်စီးဆုံးပါးခြင်း၊
(၃) သရီရ ဘေဒန- လက်ခြေပြတ်ခြင်း၊ ကိုယ်အင်္ဂါပျက်စီးခြင်း၊
(၄) ဂရုကာဗာဓ-ဆေးကု၍မရ၊ ကြီးလေးစွာသောအနာ ကပ်ရောက်ခြင်း၊
(၅) စိတ္တက္ခေပ- ရူးသွပ်ခြင်း၊ စိတ်ပျံ့လေလွင့်ခြင်း၊
(၆) ရာဇူပသဂ္ဂ- မင်းဘေး မင်းဒဏ်သင့်ခြင်း၊
(၇) ဒါရုဏဗ္ဘက္ခာန- ရုန့်ကြမ်းစွာ စွပ်စွဲခံရခြင်း၊
(၈) ဥာတိပရိက္ခယ- ဆွေမျိုး ပြုန်းတီးပျက်စီးခြင်း၊
(၉) ဘောဂပတင်္ဂု- စည်းစိမ်အခြွေအရံ ပျက်စီးခြင်း၊
(၁၀) အာဂါရဂ္ဂိ ဒုယှန- နေရာ၊ တိုက်၊ အိမ်၊ အဆောက်အဦကို မီးသင့်လောင်ကျွမ်းခြင်း။
ဒဏ္ဍဥပါယ်၊ မျိုး ၃-သွယ်၊ ကျင့်ဘွယ် မင်းတို့သိ။ ။ အမရ ကောသဋီကာဥပါယ် ၄-ပါး အဖွင့်မှ ယူပြသည်။ အပြစ်ရှိသူကို တစ်ကြိမ်နှင့်ကြောက်အောင် ဒဏ်ခတ်ဆုံးမပါဟု ဆိုလိုသည်။
(၁) အသက်သေအောင်သတ်ဖြတ်ခြင်းဒဏ်၊
(၂) ဥစ္စာဒဏ်၊ ရာထူးမှနှုတ်ပယ်ခြင်းဒဏ်၊
(၃) ထောင်ဒဏ် ကြိမ်ဒဏ်၊ ခြေလက်စသည် ဖြတ်ပစ်ခြင်းဒဏ်။
ဒန္တဇ အက္ခရာ ၈-လုံး။ ။ သွားအရပ်မှ မြည်ထွက်၍လာသော အက္ခရာမျိုး ၈-ပါး။
လျှာဖျားဖြင့် သွားသို့ထောက်၍ ရွတ်ရသော အက္ခရာမျိုးဟူ၏။ "တ ထ ဒ ဓ န လ ၀ သ"။
မှတ်ချက်။ ။ ၀ အက္ခရာကား နှုတ်ခမ်းနှင့်သွား ၂-ပါးထိအက္ခရာမျိုး ဖြစ်၏။
ဒန်ပူစားခြင်းအကျိုး ၅-ပါး။ ။ ၎င်းင်းသရုပ်အဓိပ္ပါယ် (သွားတိုက်ခြင်းကျိုး ၅-ပါး)၌ ဖြေကြားမည်။ စူဠ၀ါပါဠိတော်။
ဒသ ဗလာ၊ အား ၁၀-ဖြာ၊ ထုတ်ခါ ဖြေတော်မူ။ ။ ၎င်းင်းသရုပ်ကို (အားတော် ၁၀-ပါး)၌ ရှုပါလေ။
ဒသမူ ၁၀-ပါး။ ။ ဆေးကျမ်းလာ အပေါင်းဝေါဟာရ၊ ဤ၌ ပဉ္စကူသည် ခုဒ္ဒ ပဉ္စကူ , မဟာပဉ္စကူ ဟု နှစ်မျိုးလာ လေသည်။ "ဆူးလေ, ဆင်ခရမ်း, ကစော့, သာလဗြရဏီ, ပြိဿ ဗြရဏီ" ၎င်းင်းငါးပါးကို ခုဒ္ဒပဉ္စကူဆိုသည်။ မဟာပဉ္စကူကား-
"ဥသျှစ်, ကြောင်လျှာ, တပဆေး, သခွတ်, ရမနေ" ၎င်းင်းဆေးငါးပါးကို ဆိုသည်။
ဤဆေး ဆယ်ပါး အမြစ်အပေါင်းကို ဆေးကျမ်းတို့၌ "ဒသမူ ဆယ်ပါး"ဟု ခေါ်ဝေါ်ညွှန်းဆိုကြကုန်၏။
ဒသရူပါ၊ သတ္တ၀ါ၊ ၁၀-ဖြာရုပ်ပုံ အဘယ်နည်း။ ။ ရွှေဘုံနိဒါန်းလာ ဒသရူပဖောင်တော်ပုံမှ ယူဖြေသည်။
(၁) ခြင်္သေ့နှုတ်သီး၊ အမောက်၊ လည်ဆံ၊
(၂) တိုးအမြီးနှင့် ခြေတစ်ဖက် လက်တစ်ဖက်၊
(၃) နွားလဘို့၊
(၄) ငါးကျင်း အမြီး၊
(၅) မြင်းနား နှစ်ဖက်, ခြေတစ်, လက်တစ်၊
(၆) ဆင်စွယ်နှစ်ချောင်း၊
(၇) မကန်းနှာမောင်၊
(၈) သမင်ချို တစ်ဖက်၊
(၉) ကျွဲချို တစ်ဖက်၊
(၁၀) ကရ၀ိတ် အတောင်နှစ်ဖက်။
ဒသာကြီး ၁၀-ပါး။ ။ ဗေဒင်ကျမ်းလာ ကောင်းဆိုးခွဲခြား သတ်မှတ်တွက်စစ်သော အခိုက်အတန့်ကာလ၏ အစိတ်ကြီး ၁၀-ပါး။
(၁) ကိုယ်ဝန် တည်ခိုက်ကာလ၊
(၂) မွေးဖွားခိုက် ၀ိဇာတ ကာလ၊
(၃) နို့စို့ကလေး အခိုက်ကာလ၊
(၄) ဆယ်နှစ်အတွင်း ဒါရကအရွယ်၊
(၅) ဆယ်နှစ်မှ ဆယ်ငါးနှစ်အထိ ကိသောရအရွယ်၊
(၆) ကုမာရ ပျိုပျိုအရွယ်၊
(၇) ထက်ဝက်အိုအရွယ် လူလတ်ကာလ၊
(၈) မဟလ္လက-အဘိုးအိုအရွယ်၊
(၉) မတကာလ- သေခါနီးအရွယ်၊
(၁၀) မရဏ- သေခြင်းကာလ။
« ဒါ »
ဒါနအတုမျိုး ၅-ပါး။ ။ သူမိုက်တို့ပြုလေ့ရှိသည့် အပယ်လားကြောင်း ဒါနမျိုး ၅-ပါးဟူ၏။ ပရိဝါ။ ပါ။ ၂၃၁။ ဋ္ဌ။ ၁၇၃-၌ရှု။ ၎င်းင်းသရုပ် (မပေးလှူအပ်သော ဒါနမျိုး ၅-ပါး)၌ ပြမည်။
ဒါနဥပါယ်၊ မျိုး ၅-သွယ်၊ မင်းဝယ်ကျင့်ဆောင်သုံး။ ။ အမရကောသဋီကာ ဥပါယ် ၄-ပါး အဖွင့်မှယူပြသည်။
(၁) ဒဗ္ဗဒါန- သူယူသုံးဆောင်သည်ကို ပြန်မတောင်းတော့ဘဲ အပြီးအပိုင်ပေးလိုက်ခြင်း၊
(၂) အနုမောဒါန- မိမိအား ပန်ကြား မပန်ကြားဘဲ ယူငင်သုံးဆောင်သည်ကို ၀မ်းမြောက်ခြင်း၊
(၃) အပုဗ္ဗဒါန- ရှေးကမရစဖူး ထူးမြတ်သော ဥစ္စာရတနာတို့ကို ပေးကမ်းခြင်း၊
(၄) သယံ ဂါဟ ပ၀တ္ထဒါန- မိမိ၌ အခန့်မသင့်မီ သူတစ်ပါးဥစ္စာကို ချေးငှားယူသုံးစေလျက် နောင်ခါ ငါပေးမည်ဟု တာဝန်ဂတိပေးထားခြင်း၊
(၅) ဣဏပ္ပ မောစန ဒါန- ကြွေးမြီနှိပ်စက်ခံနေရသူကို စိုက်ဆပ်ပေးခါ သူ့ကြွေးမှလွတ်စေခြင်း။
ဒါနပြုကြ၊ ကျိုးမဟ၊ သုံးဝအင်္ဂါလာ။ ။ ဒါနပြု အလှူပေးရာ၌ အောက်ပါအင်္ဂါ ၃-ပါးနှင့်ပြည့်စုံမှ မဟမ္ဖလခေါ် ကြီးကျယ်မွန်မြတ်သော အကျိုးမျိုးရနိုင်သည်။
(၁) အလှူပေးသူသည် စင်ဖြူသောသီလဖြင့် လွတ်ကျွတ်စွာ စွန့်ကြဲ လှူဒါန်းနိုင်ခြင်း၊
(၂) အလှူခံပုဂ္ဂိုလ်၏ ကိုယ်ကျင့်သီလ ဖြူစင်ခြင်း၊
(၃) လှူဖွယ်ဝတ္ထု၏ ဓမ္မိယလဒ္ဓခေါ် တရားသဖြင့်ရရှိထားသော ပစ္စည်းများဖြစ်ရခြင်း။
ဒါနပြုရှာ၊ ကြောင်း ၈-ဖြာ၊ ကျမ်းလာအဘယ်နည်း။ ။ အဋ္ဌင်္ဂုတ္တရ။ ပါဠိတော်နှင့် သံဂီတိသုတ် ပါဠိတော်တို့၌ လာသည်၊ အဖြေကို အောက်ပါလင်္ကာဖြင့်သိပါ။
(၁) ရောက်လာ၍လှူ- မိမိတို့ဌာနသို့ ရောက်လာ၍လှူခြင်း၊
(၂) ကြောက်၍လှူနှင့်- ကြောက်သောကြောင့် လှူခြင်း၊
(၃) ပေးလှူ၍ လှူ- သူကပေးလှူ၍ တစ်ဖန်ပြန်လှူခြင်း၊
(၄) ပေးလိမ့်လှူတည့်- လာဘ်ကို မျှော်ကိုး၍ လှူခြင်း၊
(၅) ရှေးသူတို့ငြမ်း- မိရိုးဖလာလှူခြင်းမျိုး၊
(၆) မချက်စွမ်းနှင့်- ရဟန်းတော်များ ချက်မစားကောင်း၍ လှူခြင်း၊
(၇) ချီးမွမ်းရလို- ချီးမွမ်းခံယူလို၍ လှူခြင်း၊
(၈) မဂ်ဖိုလ်လိုသည်- မဂ် ဖိုလ်ကို ရလို၍လှူခြင်း၊
မိန့်ဆိုဒါန ရှစ်မျိုးတည်း။
ဒါနမျိုး ၂-ပါး၊ ၅-နည်း။ ။ ပေးလှူပုံ ကောင်းဆိုးနည်း ၅-မျိုး၊
(၁) ၀ဋ္ဋနိဿိတ ဒါန- လူနတ်စည်းစိမ်ချမ်းသာမျှကိုသာ တောင့်တ၍ပြုသောအလှူမျိုး၊
(၂) ၀ိဝဋ္ဋ နိဿိတဒါန- ၀ဋ်ဒုက္ခမှ လွတ်မြောက်ရာ မဂ် ဖိုလ် နိဗ္ဗာန်ကို ရည်မှန်း၍ပြုသော ဒါနမျိုး။ (ပါရမီဒါနလည်းဟူ။)
၎င်းင်းတစ်နည်း။ ။
(၁) အာမိသ ဒါန- ၀တ္ထုပစ္စည်းမျိုးစုံ အလှူမျိုး၊
(၂) ဓမ္မဒါန- တရားပေစာအလှူတရားဟော တရားနာ တရားအားထုတ် တရားစာသင်ယူပို့ချမှုမျိုး။
၎င်းင်းတစ်နည်း။ ။
(၁) သံဃိက ဒါန- အများဆိုင် အများပိုင်အလှူမျိုး၊
(၂) ပုဂ္ဂိလိကဒါန-တစ်ဦးတည်းပိုင် ပုဂ္ဂိုလ်ကို လှူခြင်း။
၎င်းင်းတစ်နည်း။ ။
(၁) အဂ္ဂဒါန- စားဦး စားဖျား အထွတ်အမြတ်အသစ်ကိုပေးလှူခြင်း၊
(၂) ဥစ္ဆိဋ္ဌဒါန- စားကြွင်းစားကျန် သုံးပြီးများကို ပေးလှူခြင်းမျိုး။
၎င်းင်းတစ်နည်း။ ။
(၁) သက္ကစ္စဒါန- ရိုပေလေးမြတ်စွာပေးလှူခြင်းမျိုး၊
(၂) အသက္ကစ္စ ဒါန-မရိုမသေပေးလှူမှုမျိုး။
ဒါနမျိုး ၃-ပါး။ ။ ပေးကမ်းလှူဒါန်းရာ၌ အယုတ် အလတ် အမြတ် သုံးပါး။
(၁) ဟီနဒါန- ပကာသနမှုလိုလားပြီး စိတ် ဆန္ဒ ၀ီရိယ ပညာတို့ ညံ့ညံ့ဖြင့်ပြုသော ဒါနမျိုး၊
(၂) မဇ္ဈိမ ဒါန- စိတ် ဆန္ဒ စသည် အလတ်စား လောကီစည်းစိမ်ချမ်းသာလောက်သာ အာရုံထားပြီး ပေးလှူသောဒါနမျိုး၊
(၃) ပဏိတဒါန- စိတ် ဆန္ဒ စသည် ထက်မြက်စွာ လောကမှထွက်ရေး နိဗ္ဗာန်သို့မျှော်တွေး၍ ပေးလှူသောဒါနမျိုး။
မှတ်ချက်။ ။ အကျယ်လိုမူ လယ်တီဆရာတော်၏ ဒါနာဒိ ဒီပနီ၌ ရှုပါလေ။
ဒါနမျိုး ၃-ပါး၊ တစ်နည်း။ ။
(၁) ဒါန ဒါသ- ကျွန်ကို ပေးကျွေးသလို ယုတ်ညံ့စွာပေးလှူခြင်းမျိုး၊
(၂) ဒါနသဟာယ- မိတ်ဆွေကို ပေးကျွေးသလို ကိုယ်စားသုံးသည့်အတိုင်း ပေးလှူခြင်းမျိုး၊
(၃) ဒါနသာမိ- အရှင်သခင်ကို ပေးကျွေးသလို အထွတ်အမြတ်ကို ပေးလှူခြင်းမျိုး။
ဒါန၀တ္ထု ၆-ပါး။ ။
လှူဖွယ်ဝတ္ထုမျိုး ၆-ပါး။
ရူပဒါန, သဒ္ဒ, ဂန္ဓ, ရသ, ဖောဋ္ဌဗ္ဗ, ဓမ္မဒါန။
စရိယာပိဋက။ ဋ္ဌ။ ၂၉၉-၌ အကျယ်ရှု။
ဒါန၀တ္ထု ၁၀-ပါး။ ။ သုတ်ပါထေယျ။ ပါ။ ၁၂၁။ ဋ္ဌ။ ၁၀၆။ ပေးလှူစရာ ၀တ္ထုပစ္စည်း ဆယ်ပါး။
(၁) အန္န-ဆွမ်းအလှူ၊
(၂) ပါန- ဖျော်ရည်အလှူ၊
(၃) ဃရ- ကျောင်းဇရပ်အလှူ၊
(၄) ၀တ္ထ- အ၀တ်သင်္ကန်းအလှူ၊
(၅) ယာန- လှေ ရထားစသော ယာဉ်အလှူ၊
(၆) မာလ- ပန်းအလှူ၊
(၇) ၀ိလေပန- နံ့သာပျောင်းရည် အလှူ၊
(၈) သေယျ- အိပ်ရာကော်ဇောအလှူ၊
(၉) ဂန္ဓ- နံ့သာမှုန့် ရေမွှေးအလှူ၊
(၁၀) ပဒီပ- ဆီမီး အလှူ။
ဒါယကာဝတ် ၅-ပါး။ ။ ရဟန်းတို့အား ဒါယကာ ဒါယိကာမများက ပြုရမည့်ဝတ်ငါးပါး၊
(၁) ချစ်ကြည်မြတ်နိုးသောမေတ္တာစိတ်ကိုအမြဲထားရခြင်း၊
(၂) ဆောင်ရွက်ပြုလုပ်ရမည့် ၀တ်ကြီးဝတ်ငယ်တို့ကို အစဉ်မပြတ်ပြုလုပ်ပေးရခြင်း၊
(၃) ရဟန်းတို့နှင့်တွေ့သောအခါ ခင်မင်ချိုသာစွာနှင့် ကျန်းမာချမ်းသာကြောင်းစသော သာရဏီယကထာစကားတို့ကို ပြောကြားနှုတ်ဆက်ရခြင်း၊
(၄) ပစ္စည်းလေးပါးနှင့် ရဟန်းတို့လိုသမျှ တောင်းယူနိုင်အောင်ဝိနည်းကံအားလျော်စွာ ဖိတ်ကြား၍ထားရခြင်း၊
(၅) ထိုသို့ ပစ္စည်းလေးပါး ဒါယကာဖြစ်သည်နှင့်အညီ မိမိတတ်အားသမျှကို ပေးလှူပူဇော်ရခြင်း။
ဒိဋ္ဌဓမ္မ အကျိုး ခံစားရသူ ၆-ယောက်၊ တစ်နည်း ၇-ယောက်။ ။ မိလိန္ဒပဥှာ။ ၁၂၀-၌ ပဏ္ဏမည်သော ကျွန်မကိုထည့်၍ ၇-ယောက်ပြသည်၊ ၎င်းင်း ၂၈၁-၌ ၆-ယောက်ပြသည်။ ဘုရားသခင် ထင်ရှားရှိစဉ်ကာလ မိမိတို့ဒါနကြောင့် မျက်မှောက်ဘ၀၌ပင် အကျိုးခံစားရသူ ၆-ယောက်ဟူ၏၊ အခြားပုဂ္ဂိုလ်များလည်းရှိသေးသည် မှတ်လေ။
(၁) မလ’ိကာ မိဖုရား၊ ဘုရားအား မုယောမုန့် အသိုးလှူ၊ ထိုနေ့၌ပင် ကောသလမင်းကြီး၏ မိဖုရားကြီးဖြစ်၊
(၂) ပုဏ္ဏခေါ် ကျွန်ကူလီ၊ ရှင်သာရိပုတ္တရာအား ဆွမ်းလှူ၊ ထိုနေ့၌ပင် သူဌေးကြီးပုဏ္ဏဖြစ်၏၊
(၃) ဧကသာဋကပုဏ္ဏား၊ ဘုရားအား အပေါ်ရုံပုဆိုးလှူ၊ ထိုနေ့၌ပင် အလုံးစုံ ရှစ်ခု ရှစ်လီသော ဥစ္စာတို့ကို ရ၏၊
(၄) သုမန ပန်းသည်မ၊ မုလေးပန်း ရှစ်ဆုပ်လှူ၊ ထိုနေ့၌ပင် စည်းစိမ်ချမ်းသာတို့နှင့်ပြည့်စုံခြင်းကိုရောက်၏၊
(၅) သုပ္ပိယ ခေါ် ဒါယိကာမ၊ ဂိလာနရဟန်းအား ပေါင်သားလှီးလှူ၊ နှစ်ရက်မြောက်၌ အနာလုံးဝ ပျောက်၊ အမာရွတ်မျှမထင်၊
(၆) ဂေါပါလ မာတာဒေ၀ီ၊ ဆံပင်ဖြတ်ရောင်းရ၊ ရှစ်သပြာငွေမျှကို ရှင်မဟာ ကစ္စည်းထေရ် အားလှူ၊ ထိုနေ့၌ပင် ဥတေနမင်းကြီး၏ မိဖုရားကြီးဖြစ်။
ဒိဋ္ဌဓမ္မနိဗ္ဗာန်မျိုး ၁၉-ပါး။ ။ ဒိဋ္ဌဓမ္မနိဗ္ဗာနသုတ် န၀င်္ဂုတ္တရ။ ပါ။ ၂၄၆။ ဋ္ဌ။ ၂၈၄-၌ အကျယ်ရှုပါ။ ဆိုင်ရာ တရားစုတို့၏ ချုပ်ငြိမ်းမှုချမ်းသာကို ယခုမျက်မှောက်ဘ၀၌ပင် ကောင်းစွာ တွေ့မြင်ခံစားရသော နိဗ္ဗာန်အမျိုးအစား ၁၉- ပါး။
(၁) ၀ိနီဝရဏနိဗ္ဗာန်၊
(၂) ပဌမဈာန်နိဗ္ဗာန်၊
(၃) ဒုတိယဈာန် ၎င်းင်း၊
(၄) တတိယဈာန်၎င်းင်း
(၅) စတုတ္ထဈာန် ၎င်းင်း၊
(၆) ပဉ္စမဈာန် ၎င်းင်း၊
(၇) အာကာသာနဉ္စာယတန နိဗ္ဗာန်၊
(၈) အာကိဉ္စညာယတန ၎င်းင်း၊
(၉) ၀ိညာဏဉ္စယတန ၎င်းင်း၊
(၁၀) နေ၀သညာနာသညာယတန ၎င်းင်း၊
(၁၁) သညာဝေဒယတိနိရောဓ၎င်းင်း၊
(၁၂) သောတာပတ္တိမဂ္ဂ ၎င်းင်း၊
(၁၃) သောတာပတ္တိဖလ ၎င်းင်း၊
(၁၄) သကဒါဂါမိ မဂ္ဂ ၎င်းင်း၊
(၁၅) သကဒါဂါမိဖလ ၎င်းင်း၊
(၁၆) အနာဂါမိ မဂ္ဂ ၎င်းင်း၊
(၁၇) အနာဂါမိ ဖလ ၎င်းင်း၊
(၁၈) အရဟတ္တမဂ္ဂ ၎င်းင်း၊
(၁၉) အရဟတ္တဖလ နိဗ္ဗာန်။
ဒိဋ္ဌဓမ္မ ဝေဒနိယကံ၏ အင်္ဂါ ၄-ပါး။ ။ မျက်မှောက်ဘ၀၌ ကြီးကျယ်စွာအကျိုးပေးနိုင်မှုအတွက် အင်္ဂါ ၄-ပါး၊ ဓမ္မပဒအဋ္ဌကထာ ဒု-မှ။ (၁) အလှူခံပုဂ္ဂိုလ်မှာ ဘုရား ရဟန္တာ ပစ္စေကဗုဒ္ဓါဖြစ်ရခြင်း၊ (၂) နိရောဓသမာပတ်မှ ထခါစ ဖြစ်ရခြင်း၊ (၃) အလှူဝတ္ထု၏ ဓမ္မိယလဒ္ဓ ဖြစ်ရခြင်း၊ (၄) ထူးကဲလွန်မြတ်သော သဒ္ဓါရှိရခြင်း။
ဒိဋ္ဌဓမ္မ ဝေဒနိယကံ၏ အင်္ဂါ ၄-ပါး၊ တစ်နည်း။ ။ ယခုမျက်မှောက်ဘ၀၌ ကြီးကျယ်စွာ အကျိုးအမြတ်ပေးမှု အတွက် ပြုလုပ်သည့်ဒါနကုသိုလ်၏ အင်္ဂါ ၄-ပါး၊ အဋ္ဌသာလိနီ ၂၀၆။ ဓမ္မပဒ၊ ဋ္ဌ၊ ဒု-အုပ်၊ ၅၆။ တို့၌ အကျယ်ရှုပါ။
(၁) ၀တ္ထုသမ္ပဒါ- အလှူခံသူမှာ ဘုရား ပစ္စေကဗုဒ္ဓါ ရဟန္တာများဖြစ်ခြင်း၊
(၂) ပစ္စယသမ္ပဒါ-တရားသဖြင့် သန့်ရှင်းစင်ကြယ်စွာရသော လှူဖွယ်ပစ္စည်းဖြစ်ခြင်း၊
(၃) စေတနာသမ္ပဒါ- စေတနာသုံးတန်နှင့် ပြည့်စုံခြင်း၊
(၄) ဂုဏာတိရေကသပ္ပဒါ- အလှူခံသူသည် နိရောဓသမာပတ်မှ ထပြီးစဂုဏ်နှင့်ပြည့်စုံရခြင်း။
ဒိဋ္ဌိကြီး ၄-ပါး။ ။ သမ္ဗုဒ္ဓ၀ါဒနှင့် ဆန့်ကျင်သောတရား ၄-ပါး။
(၁) အကြိယဒိဋ္ဌိ- ကောင်းမှု မကောင်းမှု၊ ကုသိုလ် အကုသိုလ်ခေါ်သော အကြောင်းတရားစု ပြုမှုတို့ကို ပယ်သောအယူ၊
(၂) နတ္ထိက ဒိဋ္ဌိ- ကောင်းမှု မကောင်းမှုတို့၏ ကောင်းကျိုး မကောင်းကျိုးဟူသည်မရှိ၊ လူသေက လူ့ဘ၀ နတ်ဘ၀ အပါယ်ဘ၀ဟူ၍မရှိ၊ မရောက်၊အပြီးအပြတ်ဟူသော ၀ါဒမျိုး၊
(၃) အဟေတုက ဒိဋ္ဌိ- ကောင်းမှု မကောင်းမှု ပြုချင်ရာပြု၊ ကုသိုလ် အကုသိုလ်အရာသို့မရောက်၊ သူ့အသတ်သတ်နိုင်သည်၊ သူ့ဥစ္စာခိုးနိုင်သည်၊ စသော အကြောင်းအကျိုး နှစ်မျိုးလုံးကိုပယ်သည့်ဝါဒ၊
(၄) နိယတ မိစ္ဆာဒိဋ္ဌိ- "အကိရိယဒိဋ္ဌိ၊ နတ္ထိက ဒိဋ္ဌိ၊ အဟေတုကဒိဋ္ဌိ" ၃-ပါးတို့တွင် တစ်ပါးပါးကိုမြဲမြံစွာ စွဲလမ်းယူထားသော ၀ါဒ။
ဒိဋ္ဌိကြီး ၆၂-ပါး။ ။ ၎င်းင်းသရုပ် အဓိပ္ပါယ်ကို (ခြောက်ဆယ့်နှစ်ပါးသော မိစ္ဆာဒိဋ္ဌိ)မှာ ကြည့်ပါ။
ဒိဋ္ဌိ ဂိုဏ်းဆရာကြီး ၆-ယောက်။ ။ စာပေတို့၌ အများအားဖြင့် "တိတ္ထိဂိုဏ်း တိတ္ထိဘုရား"ဟု လာရှိသည်၊ ၎င်းင်းသရုပ်ကိုလည်း (တိတ္ထိဂိုဏ်း ဆရာကြီး ၆-ယောက်)ဟူသော ပုစ္ဆာ၌ ဆိုခဲ့ပြီ။
ဒိဋ္ဌိဖြစ်ခြင်း အကြောင်း ၂-ပါး။ ။ ဋီကာကျော်မှ။
(၁) အယူသီလ ဖောက်ပြန်မှားယွင်း ပျက်စီးခြင်းရှိနေသူကို မှီဝဲဆည်းကပ်ခြင်း၊
(၂) သဿတအယူ, ဥစ္ဆေဒအယူ ရှိနေခြင်း။
ဒီဃနိကာယ် ၃-ကျမ်း။ ။ ၎င်းင်းသရုပ်ကို (နိကာယ် ၅-ရပ်) ကç ပိုဒ်၌ ကြည့်ပါ။
ဒီဃသရ ၅-လုံး။ ။
၂-မတ္တရာကာလမျှ ရှည်ရှည် ရွတ်ဖတ်ရသော သရငါးလုံး၊
"အာ, ဤ, အူ, ဧ, သြ" တို့ဖြစ်၏။
« ဒု »
ဒုက္ခမျိုး ၃-ပါး။ ။ သုတ်ပါထေယျ။ ပါ။ ၁၈၁။ ဋ္ဌ။ ၁၇၄။ ဆင်းရဲခြင်းအပြား ၃-ပါး။
(၁) ဒုက္ခ ဒုက္ခ-ကာယိကဒုက္ခç စေတသိကဒုက္ခခေါ် ကိုယ်စိတ် ၂-ပါးဆင်းရဲခြင်းမျိုး၊
(၂) သင်္ခါရဒုက္ခ- လောကစည်းစိမ်တွေ မဖြစ်ဖြစ်အောင် ပြုပြင်အားထုတ်မှုဆင်းရဲ၊
(၃) ၀ိပရိနာမဒုက္ခ- သင်္ခါရနယ်ပယ်ဟူသမျှ ဖောက်ပြန်ပျက်စီးရမြဲ ဆင်းရဲ။
ဒုက္ခသစ္စာ၏ အနက်သဘော ၄-ပါး။ ။ ၎င်းင်းသရုပ်ကို (သစ္စာအနက် ၁၆-ချက်)၌ ရှုပါ။
ဒုစရိုက် ၃-ပါး။ ။ ကာယဒုစရိုက်, ၀စီဒုစရိုက် , မနောဒုစရိုက်ကိုခေါ်သည်။ အကျယ် (ဒုစရိုက် ၁၀-ပါး)၌ ရှုပါ။
ဒုစရိုက် ၁၀-ပါး။ ။ မူလပဏ္ဏာသ။ ပါ။ ၃၆၀။ ဋ္ဌ။ ၂၃၄။ နိဒါန၀ဂ္ဂသံယုတ်၊ ပါ။ ၃၇၇။ ဋ္ဌ။ ၁၃၃-၌ရှုပါ။ ငရဲ တိရိစ္ဆာန် ပြိတ္တာ အသူရကာယ် အပါယ်လေးပါးသို့ လားစေတတ်သော ဒုစရိုက်တရား ၁၀-ပါး။
(၁) ပါဏာတိပါတ- သူ့အသတ်ကိုသတ်ခြင်း
(၂) အဒိန္နာဒါနာ- သူ့ဥစ္စာကို ခိုးယူခြင်း၊
(၃) ကာမေသု မိစ္ဆာစာရာ- သူ့မယားကို သွားလာလွန်ကျူးခြင်း၊
ဤသုံးပါးကို မကောင်းမှုကို ကိုယ်ဖြင့်ပြုကျင့်သောကြောင့် ကာယဒုစရိုက် ၃-ပါးမည်၏။
(၄) မုသာဝါဒ- မဟုတ် မမှန်သောစကားကို အမှန်အဟုတ် ပြုလုပ်ပြောဆိုခြင်း၊
(၅) ပိသုဏ၀ါစာ-သူနှစ်ယောက်တို့၏ အချစ်ကိုပျက်အောင် ကုန်းတိုက်ခြင်း၊
(၆) ဖရုသ၀ါစာ- အကြမ်းအတမ်း ငေါက်ငမ်းဆဲရေးခြင်း၊
(၇) သမ္ဖပ္ပလာပ၀ါစာ- အပေါ့အဖျင်း အနှစ်ကင်းသောစကားကို ပြောဆိုခြင်း၊
ဤလေးပါးကား မကောင်းမှုကို နှုတ်ဖြင့်ပြုသောကြောင့် ၀စီဒုစရိုက် လေးပါးမည်၏။
(၈) အဘိဇ္ဈာ- သူ၏ဥစ္စာကို ငါ့ဥစ္စာဖြစ်သော် ကောင်းလေစွဟု စိတ်ကအောက်မေ့ခြင်း၊
(၉) ဗျာပါဒ-သူတစ်ပါးကို ငြိုးထားရန်မက် နှိပ်စက်ရအောင် စိတ်ကကြံဆောင်ခြင်း၊
(၁၀) မိစ္ဆာဒိဋ္ဌိ- ဘုရားဟောမှန်ကျမ်းဓမ္မခန်ကို ပယ်လှန်စိတ်ထား အယူမှားခြင်း၊
ဤသုံးပါးကား မကောင်းမှုကို စိတ်ဖြင့်ကြံစည်သောကြောင့် မနောဒုစရိုက် ၃-ပါးမည်၏။
ဒုစရိုက် ၃၀။ ။ အထက်ပါ ဒုစရိုက် ၁၀-ပါးတို့တွင် တစ်ပါးတစ်ပါးလျှင် စေတနာသုံးပါးစီ ရရကား စေတနာ သုံးတန်ဖြင့်မြှောက်က ဒုစရိုက် ၃၀-ဖြစ်၏။
ဒုစရိုက် ၃၀-ပါး တစ်နည်း။ ။ ဒုစရိုက် ၁၀-ပါးကို လောဘ ဒေါသ မောဟ ၃-ပါးနှင့်မြှောက်ပွားလျှင် ၃၀-ဖြစ်၏။ ဒသင်္ဂုတ္တရ။ ပါ။ ၄၇၀။ ဋ္ဌ။ ၃၃၈။
ဒုစရိုက် ၄၀။ ။
'ကိုယ်တိုင် တိုက်တွန်း၊ ချီးမွမ်း, စိတ်တူ၊ ပွားပြန်မူ၊ မှတ်ယူလေးဆယ်ကံ'
ဟူသော ဆောင်ပုဒ်အရ အထက်ပါဒုစရိုက် ၁၀-ပါးကိုတည်။
(၁) ကိုယ်တိုင်ပြုခြင်း၊
(၂) သူတစ်ပါးအားပြုဖြစ်အောင်တိုက်တွန်းခြင်း၊
(၃) သူတစ်ပါးပြုမှုကို ချီးမွမ်းထောပနာ ၀မ်းသာခြင်း၊
(၄) စိတ်တူခြင်း၊ ၄-ပါးနှင့်မြှောက်ပွားက အပါး၄၀-ဖြစ်သည်၊ ပါဠိ၊ အင်္ဂုတ္တရ ဒသက၌ယူ။
ဒုတိယအက္ခရာ ၅-လုံး။ ။
ဝဂ်ငါးပါးတွင် ပါဝင်သော 'ခ ဆ ဌ ထ ဖ' အက္ခရာငါးလုံးတို့ကို သဒ္ဒါစည်းမျဉ်းအရ ခေါ်ဆိုသည်။
ဒုလ္လဘတရား ၅-ပါး။ ။ သဂါထာဝဂ္ဂသံယုတ်။ ဋ္ဌ။ ၂၂၅-၌ အကျယ်ရှုပါ။ ရခဲလှစွာသော သဘောတရား၅-ပါး ဟူလို။
(၁) ဗုဒ္ဓပ္ပါဒဒုလ္လဘ- ဘုရားအဖြစ်ကို ရခဲခြင်း၊
(၂) မနုဿတ္တဘာဝ ဒုလ္လဘ- လူ့ဘ၀ လူ့အဖြစ်ကို ရခဲခြင်း၊
(၃) သဒ္ဓါ သမ္ပတ္တိ ဒုလ္လဘ- ရတနာသုံးပါး၏ဂုဏ်ကျေးဇူးသတ္တိနှင့် ကံ ကံ၏အကျိုးကိုယုံကြည်ခြင်း စိတ်ဓါတ်ကိုရခဲခြင်း၊
(၄) ပဗ္ဗဇ္ဇိတဘာဝ ဒုလ္လဘ- ဘုရားသာသနာအတွင်း၌ ရှင်သာမဏေ ရဟန်းပဉ္ဇင်းအဖြစ် ရခဲခြင်း၊
(၅) သဒ္ဓမ္မသ၀နအတိ ဒုလ္လဘ- သူတော်ကောင်းတို့၏ တရားစစ်တရားမှန်ကို အလွန်တရာ ကြားနာရခဲခြင်း။
ဒုလ္လဘ ပုဂ္ဂိုလ်ကြီး ၅-ပါး၊ တစ်နည်း။ ။ ရခဲလှစွာသော ပုဂ္ဂိုလ်ကြီးများ။ ပဉ္စင်္ဂုတ္တရ။ ပါ။ ၁၄၈။ ဋ္ဌ။ ၅၂။
(၁) ဗုဒ္ဓဘုရားစစ်စစ်၊
(၂) သစ္စာ ၄-ပါးကို ဟောကြားတတ်သော ဓမ္မကထိက အစစ်၊
(၃) သစ္စာတရားကို သိသော အရိယာအစစ်၊
(၄) မဂ်ဖိုလ်ရရေးကျင့်သော ၀ိပဿနာယောဂီအစစ်၊
(၅) သူ့ကျေးဇူးသိတတ်သူ ကတညုတ ကတဝေဒီပုဂ္ဂိုလ်။
ဒုဿီလရဟန်း၏ ကျေးဇူးဂုဏ် ၁၀-ပါး။ ။ မိလိန္ဒပဥှာ ၂၄၉-၌ အကျယ်ရှု။ လူဒုဿီလထက် ရဟန်းဒုဿီလက အောက်ပါကျေးဇူးဂုဏ် ၁၀-ပါး သာသည်ဟူ၏။
(၁) ဗုဒ္ဓဿ ဂါရ၀ဂုဏ်- ဘုရားရှင်၌ ရိုသေခြင်းရှိသည်၊
(၂) ဓမ္မ ဂါရ၀ဂုဏ်- တရားတော်၌ ရိုသည်၊
(၃) သံဃ ဂါရ၀ဂုဏ်- သံဃာတော်၌ ရိုသေခြင်းရှိသည်၊
(၄) သဗြဟ္မာစာရိက ဂါရ၀ဂုဏ်- သီတင်းသုံးဘော်၌ရိုသေ၍ ပါဠိအဋ္ဌကထာ၌ သင်ယူခြင်းလုံ့လရှိသည်၊
(၅) သ၀ဏ ဗာဟုလဂုဏ်- အကြားအမြင်များသည်၊
(၆) ပရိသဂတ အာကပ္ပ သမ္ပုဏ္ဏဂုဏ်- ဒုဿီလပင် ဖြစ်သော်လည်း ပရိသတ်အလယ်၌ ရဟန်းအသွင်အပြင်ကို ဖြစ်စေသည်၊
(၇) ဂရဟဘယ ကာယ၀ါစာရက္ခဂုဏ်-သူတစ်ပါးကဲ့ရဲ့မည်ဘေးကိုကြောက်၍ ကိုယ်နှုတ်ကိုစောင့်ရှောက်သည်၊
(၈) ပဓာနာဘိမုခဂုဏ်- ကမ္မဋ္ဌာန်း၌ ရှေးရှုစိတ်ရှိသည်။
(၉) ဘိက္ခု သာမညုပဂတဂုဏ်- ရဟန်း၏အဖြစ်သို့ကပ်သည်၊
(၁၀) ပါပစ္ဆန္ဒဂုဏ်-မကောင်းမှု၌ပြုသော်လည်း ဖုံးလွှမ်း၍ပြုကျင့်၏။
« ဒေ »
ဒေ၀ဒူတ တရား ၅-ပါး။ ။ လူတို့ သံဝေဂရမှုအတွက် နတ်တမန်ခေါ် သေမင်းတမန်ငါးပါး။ ဥပရိပဏ္ဏာသပါဠိတော်။
(၁) ဇာတိ- ပဋိသန္ဓေတည်နေ မွေးဖွားရမှု၊
(၂) ဇိဏ္ဏ- အိုမင်းရင့်ရော်ရမှု၊
(၃) အာတုရ-ကျင်နာကိုက်ခဲ ရောဂါသည်းခြင်း၊
(၄) အာဝုဓ- ဓား လှံ သေနတ်စသော လက်နက်မျိုး၊
(၅) မတ- သေသူ, သူသေကောင်။
ဒေ၀ဓံတရား ၂-ပါး။ ။ နတ်များ နှစ်သက်မြတ်နိုးသောတရား၊ ကမ္ဘာစောင့်တရား ၂-ပါးလည်း ခေါ်၏၊ ဓမ္မပဒ။ ဋ္ဌ။ ဒု-အုပ်။ ၄၈-နှင့် ဒေ၀ဓမ္မဇာတ် ဒုကင်္ဂုတ္တရပါဠိတော်၌လာသည်၊
(၁) ဟိရိ- မကောင်းမှုအားလုံးမှ ရှက်ခြင်းသဘော၊
(၂) သြတ္တပ္ပ- မကောင်းမှုအားလုံးမှ ကြောက်ခြင်း၊ မပြုဝံ့ခြင်းသဘော။
ဒေ၀ီ ၅-ပါး။ ။ လောကီသိဒ္ဓိတို့ကို ပေးစွမ်းနိုင်သည့် နတ်သမီးကြီး ၅-ဖေါ်။
(၁) သူရဿတီ၊
(၂) စန္ဒီ၊
(၃) ပရမီသွာ၊
(၄) မဟာပိန္နဲ၊
(၅) ဂေါရ၀ိန္ဒာ၊
၎င်းင်းတို့ကို တောင့်တဖိတ်ခေါ် ကျူးရင့်သည့်ဂါထာကား၊
'သူရဿတီစ မေ မာတာ၊ မာတာစ မေ သူရဿတီ၊ အနုကမ္ပံ ဥပါဒါယ၊ ပိယံဒေတိ၊
လာဘံဒေဟိ၊ ဓနံဒေဟိ၊ သုခံဒေဟိ၊ မိတ္တံဒေဟိ၊ ဥာဏံဒေဟိ သူရဿတီ"။ ။
ကျန် ဒေ၀ီ ၄-ပါးကိုလည်း အမည်သွင်း၍ ဤနည်းဖြင့် ရွတ်ဆိုကျူးရင့်လေ။
ဒေ၀ီ ၇-ပါး၊ တစ်နည်း။ ။
(၁) မိန္နရဒေ၀ီ၊
(၂) သက္ကဒေ၀ီ၊
(၃) မေခလာဒေ၀ီ၊
(၄) ကိန္နရာဒေ၀ီ၊
(၅) ရုက္ခဒေ၀ီ၊
(၆) စန္ဒဒေ၀ီ၊
(၇) စန္ဒီဒေ၀ီ။
၎င်းင်းတို့ကို တောင့်တ ဖိတ်ခေါ် ကျူးရင့်သည့်ဂါထာများကား အထက်ပါ သူရဿတီ ဂါထာအတိုင်း။
ဒေ၀ီ ၉-ပါး၊ တစ်နည်း။ ။ လောကီသိဒ္ဓိအကျိုးကို ထင်ရှားပြီးစေတတ်သော ဒေ၀ီ ၉-ပါးကို မှော်ပညာဆရာများ အထူးလိုက်စားပင့်ဆောင် ပူးကပ်ကြစေသည်။
(၁) မာတာဒေ၀ီ၊
(၂) ဣရန္နသီ၊
(၃) ဣရန္ဒတီ၊
(၄) မဏိမေခလာ၊
(၅) သူရဿတီ၊
(၆) မာယာဒေ၀ီ၊
(၇) ဇာဂြီဒေ၀ီ၊
(၈) ပြာဂြီဒေ၀ီ၊
(၉) ဇာရုဝတီ။
၎င်းင်းတို့ကလည်း သူရဿတီဂါထာအတိုင်း ဤ၌အမည်သွင်း၍ အစောင့်အရှောက်တောင်းရန် ကျူးရင့်ဖိတ်ခေါ်နိုင်သည်။
ဒေ၀ီ တစ်ကျိပ်နှစ်ပါး။ ။
၁ သတ္တဘာဂါ၊
၂ သူရဿတီ၊
၃ မဟာလက္ခီ၊
၎ ဗလိရာဇာ၊
၅ ၀ါမာသူရ၊
၆ ဇလသင်္ချာ၊
၇ ဂရာပါက၊
ဂ ယောဂန္တရာ၊
၉ ကလျာဏင်္ဂါ၊
၁၀ နန္ဒာဒေ၀ီ၊
၁၁ နရိန္ဒာဒေ၀ီ၊
၁၂ မဟာဗိဿနိုး။
၎င်းင်းတို့ကို ကျူးရင့်ဖိတ်ခေါ်အပ်နှင်းသည့် ဂါထာများကား ဆိုင်ရာအမည်သွင်း၍ အထက်နည်းအတိုင်းရွတ်လေ။
ဒေ၀ီ တစ်ကျိပ်နှစ်ပါး၊ တစ်နည်း။ ။ ဤ၌ဖေါ်ပြထားသည့် ဒေ၀ီ ၁၂-ပါးကိုကား လောကစောင့်ဒေ၀ီ တစ်ကျိပ် နှစ်ပါးဟု ထိုဒေ၀ီသျှတ္တရ၌ သီးခြားထုတ်ဆိုပြထားသည်။
၁ သူရဿတီ ဒေ၀ီ၊
၂ စန္ဒီဒေ၀ီ၊
၃ နီတြဒေ၀ီ၊
၎ မနောဟရီ ဒေ၀ီ၊
၅ ဖုဿဝတီ ဒေ၀ီ၊
၆ ရမ္မာ ဒေ၀ီ၊
၇ ကာရဒေ၀ီ၊
၈ ဂန္ဓဗ္ဗီ ဒေ၀ီ၊
၉ ၀ိနတ္ထရီ ဒေ၀ီ၊
၁၀ စန္ဒာဒေ၀ီ၊
၁၁ ပရမေသွာ ဒေ၀ီ၊
၁၂ မဏိမေခလာ ဒေ၀ီ၊
ဤသို့လျှင် ပေါင်းဒေ၀ီ သုံးကျိပ်သုံးပါး။ တစ်နည်း လေးကျိပ်ငါးပါး ဟု ထိုဒေ၀ီသျှတ္တရကျမ်းတွင် အပေါင်းကိုလည်း ပြဆိုထားလေ၏၊ ထို့ကြောင့် ဤနတ်ပင့်လင်္ကာကြီး အဆုံးနားတွင်။ ။
"ဆရာမိန့်ခွန်း၊ ဆိုခဲ့ညွှန်းသည်၊ နှုတ်ခွန်းသံတိုင်း၊ မဆုတ်ဆိုင်းနှင့်၊ အမှိုင်းအမ၊ ကိုယ်ကာယတွင်၊
စောင့်ကြမြဲပင်၊ စွဲထုံလျှင်၊ နတ်ရှင်ဒေ၀ါ၊ သတ္တဘာဂ- သူရဿတီ၊ လက္ခီမဟာ၊ ဗလိရာဇာ၊ ၀ါမာသူရ၊
ဇလသင်္ချာ၊ ဂရာပါက၊ ယောဂတနှင့်၊ ကလျာဏတစ်ဖြာ၊ နန္ဒာဒေ၀ီ၊ နရိန္ဒာဒေ၀ီ၊ မဟာဗိဿနိုး၊
ဆယ့်နှစ်မျိုးနှင့်၊ တန်ခိုးကြီးစွာ၊ ကိန္နရာဇော၊ သက္ကောဒေ၀ီ၊ တစ်လီရောင်ဖြာ၊ မေခလာမည်၊ ကိန္နရီရုက္ခ၊
ထိုမှစန္ဒီ၊ ကျော်သည်စန္ဒာ၊ ခုနစ်ဖြာနှင့်၊ မာတာဒေ၀ီ၊ ဣရန္နသီ၊ ဣရန္ဒတီ၊ မဏိမေခလာ၊ သူရဿတီ၊
မာယာဒေ၀ီ၊ ဇာဂရီ၊ ပြာဂရီ၊ ဇာရုဝတီ၊ ဒေ၀ီကိုးပါး၊ မိမင်းများနှင့်။ ငါးဦးတစ်လီ၊ သူရဿတီ၊ စန္ဓီ ပရမီသွာ၊
မဟာပိန္နဲ၊ လွန်ကဲကျော်ဇော၊ ဂေါရ၀ိန္ဒ၊ ဟူသမျှနှင့်၊ တကွပေါင်းရုံး၊ သုံးကျိပ်သုံးတို့၊ စုရုံးအကုံ၊ ရောက်ကြတုန်လော့။
လုံးစုံစကား၊ ဆိုသည်များကို၊ ထောင်နားနာကြ၊ အချအချီ၊ အမှီအဆွဲ၊ အနွှဲ့အငင်၊ ခုပင်ထက်ကြပ်၊ မရပ်မနေ၊ ပြုကြပေလော" စသည်ဖြင့် ပါရှိလေသည်၊ ကဝေသာရကျမ်းမှာလည်း ၎င်းင်းနတ်ပင့် မန္တာန်ကြီးများ ပါရှိလေသည်။
ဒေသစာရီတော်မျိုး ၂-ပါး။ ။
(၁) တုရိတ စာရိကာ။ ကျွတ်ထိုက်သောသတ္တ၀ါကို မြင်တော်မူသောအခါယူဇနာ ၁၀၀၊ ၂၀၀-ခရီးမျိုးကို တခဏခြင်း လျင်မြန်စွာကြွသွားတော်မူခြင်းမျိုး၊
(၂) အ တုရိတ စာရိကာ၊ မြို့ရွာ နိဂုံး အစဉ်အားဖြင့် တစ်နေ့နည်းနည်း နည်းနည်း တစ်ဂါဝုတ် နှစ်ဂါဝုတ်၊ တစ်ယူဇနာ နှစ်ယူဇနာ စသည်ဖြင့် ဆွမ်းခံလှည့်လည်ခြင်း၊ လူအပေါင်းကို ချီးမြှောက်ခြင်းအလို့ငှာ ဖြည်းဖြည်းနှေးနှေး ကြွချီတော်မူခြင်းမျိုး။
မှတ်ချက်။ ။ ဒေသစာရီတော်မျိုးနှင့်စပ်၍ သုတ်သီလက္ခန်။ ဋ္ဌ။ ၂၁၃- မဇ္ဈိမပဏ္ဏာသ။ ဋ္ဌ။ ၅၅။ သုတ္တနိပါတ်။ ဋ္ဌ။ ဒု။ ၁၆၂။ သံယုတ္တ။ ဋ္ဌ။ တ၊ ၃၁၀။ နေတ္တိ။ ဋ္ဌ။ ၂၂၉၊ စသည့်ကျမ်းတို့၌ အမျိုးပေါင်းများစွာ လာရှိသေး၏။
ဒေသစာရီတော်မျိုး ၃-ပါး။ ။ ဘုရားရှင်တို့၏ ဒေသစာရီကြွချီတော်မူမြဲ ၃-ပါး၊ ၀ိနည်းအဋ္ဌကထာမှ။
(၁) မဟာမဏ္ဍလ ဒေသစာရီ- သီတင်းကျွတ်လပြည့်ကျော် ၁-ရက်နေ့၌ ရဟန်းတော်များခြံရံကာ ထိုထိုမြို့ရွာနိဂုံးတို့သို့ တရားဓမ္မဟောပြဆုံးမတော်မူခြင်း။ ပစ္စည်း ၄-ပါး အလှူခံကာ ချီးမြှောက်တော်မူခြင်းတို့ဖြင့် ၉-လတိုင်တိုင် လှည့်လည်တော်မူ၍ ၀ါဆိုခါနီးလာမှ သင့်လျော်ရာကျောင်း၌ ၀ါကပ်တော် မူခြင်းမျိုး။
(၂) မဇ္ဈိမ မဏ္ဍလ ဒေသစာရီ- တပည့်သာဝကသံဃာတို့ သမထ၀ိပဿနာ ဥာဏ်နုသေးသည်ဖြစ်၍ တန်ဆောင်မုန်းလပြည့်ကျော် ၁-ရက်နေ့ကျမှ အထက်ပါနည်းအတိုင်း ၈-လတိုင်တိုင် လှည့်လည်ကြွချီတော် မူခြင်းမျိုး။
(၃) အန္တိမ မဏ္ဍလ ဒေသစာရီ- ချွတ်ထိုက်သောသတ္တ၀ါတို့ ဣနြေ္ဒနုသေးသည်ဖြစ်အံ့၊ ၀ါဆိုရာဌာန၌ပင်နတ်တော်လပြည့်ထိအောင် ငံ့လင့်တော်မူ၍ အထက်ပါနည်းအတိုင်း နတ်တော်လပြည့်ကျော် ၁-ရက်နေ့မှ စတင်ချီကြွတော်မူရာ ၇-လပတ်လုံးဖြစ်လေသည်။
ဒေသစာရီ ရှည်ရှည်သွားရခြင်း၏ အကျိုး ၅-ပါး။ ။ ၎င်းင်းသရုပ် (ခရီးရှည်ဒေသစာရီသွားရခြင်း အကျိုး ၅-ပါး) ၌ ရှုပါ။
ဒေသနာတော် ၃-ရပ်။ ။ သုတ်သီလက္ခန်။ ဋ္ဌ။ ၁၇-၁၉-၌ အကျယ်ရှုပါ။ ပိဋကတ်သုံးပုံ ဒေသနာအားဖြင့် ၃-ပါးပြား၏။
(၁) အာဏာဒေသနာ- အမိန့်အာဏာတော်ကို အများအားဖြင့် ထည့်သွင်းပညတ်တော်မူသော ၀ိနည်းပိဋကတ်တော်၊
(၂) ဝေါဟာရဒေသနာ- ဝေါဟာရပါရဂူဖြစ်တော်မူသော ဘုရားသခင်သည် ဝေါဟာရကို အများဆုံးသုံး၍ ဟောကြားတော်မူသော သုတ္တန် ပိဋကတ်တော်၊
(၃) ပရမတ္ထ ဒေသနာ- ပရမတ်တရားတို့ကို အဦးထား၍ ဟောကြားတော်မူသော အဘိဓမ္မာပိဋကတ်တော်။
ဒေသနာမျိုး ၂-ပါး။ ။ ဘုရားရှင် ဟောကြားဆုံးမမှု အစဉ် ၂-ပါး။
(၁) ပညတ္တိ ဒေသနာ- လူ နတ် ရဟန်း မိဘ ဆရာ ဘုရားစသော အနက်ဒြပ်နှင့် ၎င်းင်းတို့၌ရှိသော ဂုဏ်ကိုပြ၍ ဟောသောဒေသနာ၊ ၎င်းင်းကိုပင် 'သမုတိ ဒေသနာ'ဟုလည်း ခေါ်သေး၏၊
(၂) ပရမတ္ထ ဒေသနာ- စိတ် စေတသိက် ရုပ် နာမ်တို့ကိုပြ၍ ဟောသောဒေသနာ။
« ဒေါ »
ဒေါမနဿမျိုး ၂-ပါး။ ။ သုတ်မဟာဝါ အဋ္ဌကထာ။ ၃၁၈-၌ အကျယ်ရှုပါ။
(၁) ဂေဟသိတ ဒေါမနဿ-ကာမဂုဏ် ၅-ပါးနှင့်စပ်၍ အလိုမပြည့်သည့်အခါ စိတ်နှလုံးမသာယာမှုဒေါမနဿမျိုးကို ခေါ်ဆိုသည်၊
(၂) နေက္ခမ ဒေါမနဿ- အိုးအိမ် သားမယား စသည်ပစ်ခွဲ၍ ရဟန်းပြုလျက် နေက္ခမလုပ်ငန်း သမထဘာဝနာ ၀ိပဿနာတရားများကို အားထုတ်ပွားများပါသော်လည်း ဈာန် မဂ်ဖိုလ်တရားတို့ကို မရနိုင်ရှိ၍ ငိုကြွေးမြည်တမ်းခြင်း စိတ်နှလုံးမသာယာမှုကို နေက္ခမ ဒေါမနဿဟု ခေါ်ဆိုသည်။
မှတ်ချက်။ ။ နေက္ခမ ဒေါမနဿကား ကောင်းသောဒေါမနဿမျိုးဖြစ်၍ အပါယ်လေးပါးမကျနိုင်ချေ။
ဒေါမာန်ပွားများ၊ ၁၄-ပါး၊ မျိုးစားပုဂ္ဂိုလ်အဘယ်နည်း။ ။ ၎င်းင်းသရုပ်ကို (အမျက်ကြီးငြား ၁၄-ပါး)ဟူသော သုတေသန၌ ပြခဲ့ပြီ။
ဒေါသ ၃-ပါး။ ။ သလိပ် သည်းခြေ လေ ဤသုံးပါးကို သတ္တ၀ါတို့၏ကိုယ်ကို ဖျက်ဆီးတတ်သောကြောင့် ထိုထိုဆေးကျမ်းတို့၌ ဒေါသ ၃-ပါးဟု ခေါ်ဆိုရေးသားကြ၏။
« ဒျ »
ဒျန့် ၃-ပါး၊ ဂီတသွား၊ သီငြားထံတျာ။ ။ သီချင်းကြီး သီချင်းခံ ဘွဲ့ ပတ်ပျိုး ကြိုးစသည် သီဆိုရာ၌
(၁) အာဒျန့်၊
(၂) လျှာဒျန့်၊
(၃) နှာဒျန့်၊
၎င်းင်းဒျန့်သုံးပါးဖြင့် ဂီတသွားတို့၌ အဟိုက် အငင် အသွဲ့ အဖြတ် ထည့်လျက် ကျူးရင့်သီဆိုပုံနည်းကို ဆို၏။
« ဒွ »
ဒွါဒရာသီ၊ ၁၂-လီ၊ ခေါ်မှီလူတို့ထုံး။ ။ ရာသီ ၁၂-ပါးကိုဆိုသည်။ ၎င်းင်းသရုပ်အဓိပ္ပါယ်ကို (ဆယ့်နှစ်ရာသီ)မှာ ကြည့်ပါ။
ဒွါဒသရူပါ၊ သတ္တ၀ါ၊ ၁၂-ဖြာရုပ်ပုံ အဘယ်နည်း။ ။ ရွှေဘုံနိဒါန်းလာ ဒွါဒသရူပ ဖေါင်ပုံမှယူဖြေသည်။
(၁) ခြင်္သေ့နှုတ်သီးနှင့် ၎င်းင်းအမောက်၊
(၂) တိုးမြီးနှင့် ၎င်းင်းလက်တစ်ဖက် ခြေနှစ်ဖက်၊
(၃) ကိန္နရာလက်နှစ်ဖက် ကနေဟန်၊
(၅) မြင်းနားနှစ်ဖက်၊
(၆) ဆယ်စွယ် နှစ်ချောင်း၊
(၇) မကန်းနှာမောင်း၊
(၈) ကရ၀ိတ်အတောင်နှစ်ဖက်၊
(၉) သမင်ချိုနှစ်ဖက်၊
(၁၀) ကျွဲချိုနှစ်ဖက်၊ (ချိုနှစ်ထပ်)
(၁၁) စာမရီလည်ဆံ၊
(၁၂) ငါးကြင်းအမြီး (တိုးမြီးနှင့် ၂-ထပ်)။
ဒွါရ ၃-ပါး။ ။ အကုသိုလ်, ကုသိုလ် ၂-ပါးတို့၏ ၀င်ထွက်ကျရောက်ဖြစ်ပေါ်ရာ ၃-ပါး။
(၁) ကာယဒွါရ၊ ကိုယ်ဖြင့်ပြုသော ကောင်းမှု, မကောင်းမှု ဖြစ်ပေါ်ရာ၊
(၂) ၀စီဒွါရ- ဂုဏ်ကျေးဇူးကို ချီးကျူးပြောဆိုကြောင်း ကဲ့ရဲ့ကြောင်း ဖြစ်သောနှုတ်၊
(၃) မနောဒွါရ-မှန်းဆ၍ အာရုံပြုကြောင်းဖြစ်သောစိတ်။
ဒွါရ ၆-ပါး။ ။ အာရုံတို့၏ ထွက်ဝင်ရာ အပေါက် ၆-ပါးဟူလို။
(၁) စက္ခုဒွါရ- မျက်စိ၊
(၂) သောတ ဒွါရ-နား၊
(၃) ဃာနဒွါရ- နှာခေါင်း၊
(၄) ဇိဝှာ ဒွါရ- လျှာ၊
(၅) ကာယ ဒွါရ- ကိုယ်၊
(၆) မနောဒွါရ- စိတ်။
ဒွါရ ၉-ပေါက်။ ။
ကိုယ်ခန္ဓာ၌ရှိသော
မျက်စိ ၂-ပေါက်၊
နား ၂-ပေါက်၊
နှာခေါင်း ၂-ပေါက်၊
ပါးစပ်၊
ဝစ္စမဂ်၊
ပဿာဝမဂ်
ပေါင်း ၉-ပေါက်ကို ခေါ်သည်။
ဒွါရ ၁၀-ပေါက်။ ။ ၎င်းင်းသရုပ်အဓိပ္ပာယ် (ယောက်ျားဒွါရ ၁၀-ပေါက်)၌ ကြည့်ပါ။
ဒွါရ ၁၃-ပေါက်။ ။ ၎င်းင်းသရုပ်အဓိပ္ပါယ် (မိန်းမ ဒွါရ ၁၃-ပေါက်)၌ ပြမည်။
ဒွေဝါစိက သရဏဂုဏ် ၂-ပါး။ ။
(၁) ဗုဒ္ဓံသရဏံဂစ္ဆာမိ၊
(၂) ဓမ္မံသရဏံ ဂစ္ဆာမိ။ (တဖုဿနှင့် ဘလ’ိကတို့ ဆောက်တည်သည်။
ဒွေပဉ္စ၀ိညာဉ် ၁၀။ ။
ကောင်း မကောင်းမြင် စက္ခုဝိညာဉ်ဒွေး ၂-ခု။
ကောင်း မကောင်းကြား သောတ၀ိညာဉ် ဒွေး ၂-ခု၊
ကောင်း မကောင်းနံ ဃာန၀ိညာဉ် ဒွေး ၂-ခု၊
ကောင်းမကောင်းစား ဇိဝှာဝိညာဉ် ဒွေး ၂-ခု။
ကောင်း မကောင်းထိ၊ ကာယ၀ိညာဉ် ဒွေး ၂-ခု၊
ပေါင်း ၁၀-ခု၊ ဆယ်ပါးဖြစ်၏။
ထ---ထင်ရှားတင့်တယ်သော မှ ထွက်လေ၀င်လေမရှိသူ
ထင်ရှားတင့်တယ်သော အရာမျိုး ၄-ပါး။ ။
(၁) ရထား၌ အလံ၊
(၂) မီး၌ အခိုး၊
(၃) တိုင်းပြည်၌ မင်း၊
(၄) မိန်းမ၌ လင်ရှိ၊
မှတင့်တယ်လျောက်ပတ်သည်ဟူ၏၊ သဂါထာဝဂ္ဂသံယုတ်။ ပါ။ ၃၉။ ဋ္ဌ။ ၉၁။
ထန်းပင်ပရိယာယ်၊ ခေါ်ဆိုဖွယ်၊ ၆-သွယ် အမည်များ။ ။ ထန်းပင်၏အခိုက်အတန့်ကိုစွဲ၍ အမည် ၆-မျိုး ပြားသည်။ (၁) ကျေးမြီး- အညောင့်ပေါက်ပေါ်စ အရွက် ၂-ရွက် ၃-ရွက် ရှိသည့်အခါ၊
(၂) လက်မြှော်-ထန်းလက်ငယ်ပေါ်သည့်အခါ၊
(၃) ဆင်ခြေပေါ်- ဥက္ခောင်းပင်ခြေပေါ်သည့်အခါ၊
(၄) သမီးလှ- ပင်လုံးကို ထန်းပတ်အများ ရံပတ်လျက်ရှိသည့်အခါ၊
(၅) ရည်ရ- ထန်းနို့ထန်းသီး ထွက်သီးသောအခါ၊
(၆) ပင်ထွက်-ထန်းပတ်စင်၍ ပင်လုံးလက်ခတ်သာရှိသော အခါ? မျိုး၌ ခေါ်ဆိုသည်၊ ထို့ကြောင့် "ရတနာဗိမာန်ကျောက်စာ"တွင် "ကျေးမြီး လက်မြှော်၊ ဆင်ခြေပေါ် သမီးလှ ရည်ရ ပင်ထွက်"ဟု ရှင်မဟာသီလ၀ံသ ရေးသားတော်မူခဲ့သည်။
« ထိ »
ထိခြင်း ၅-ဖြာ၊ ၀န္ဒနာ၊ ပြုကာရှိခိုးကြ။ ။ ကိုယ်ဖြင့် ရှိခိုးမှုပြုသောအခါ ပုဆစ်ဒူးနှစ်ဖက် အခင်းကျမ်းပြင်၌ ထိရခြင်း၊ တစ်တောင်နှစ်ဖက် လက်ဖ၀ါးပါ အခင်းကြမ်းပြင်၌ ထိရခြင်း၊ နဖူး အခင်းကြမ်းပြင်၌ ထိရခြင်း ဟူ၏။ ၎င်းင်းကို
"ပဉ္စ ပတိဋ္ဌိတ ၀န္ဒနာ" 'တည်ခြင်း ၅-ပါး'ဟုလည်း ခေါ်ဆိုကြသေးသည်။
ထိမ်းမြားအပ်ငြား၊ လ ၆-ပါး၊ ညွှန်ကြားကျမ်းဗေဒင်။ ။ မင်္ဂလာဆောင်ကောင်းသော လ ၆-ပါးကို မေးလိုရင်းဖြစ်သည်။ ၎င်းင်းသရုပ်များကား (မင်္ဂလာဆောင်ရိုး၊ လ ၆-မျိုး၊ ကျိုးပြစ်မည်သို့ ရှိသနည်း)ဟူသော ပုစ္ဆာ၏ အဖြေနှင့် တူ၏။
ထိမ်းမြားမင်္ဂလာပြုခြင်း အမျိုးအစား ၃-ပါး။ ။ ၀ိနည်းပါရာဇိက အဋ္ဌကထာ၊ ဒုအုပ်၊ ၁၃၉-နှင့် အခြားသော ပိဋိကတ်တော်များမှ အာဝါဟနှင့် ၀ိဝါဟ ၂-ပါးကို ဖွင့်ပြထားကြသည်။ ထို့ပြင် ပညာရှိကြီးများက 'စရ' မင်္ဂလာတစ်ပါးထည့်၍ ၃-ပါးပြကြကုန်၏။
(၁) အာဝါဟ- ယောက်ျားအိမ်ယာသို့ မိန်းမကိုခေါ်ဆောင်လာပြီး ပြုသောမင်္ဂလာ၊
(၂) ၀ိဝါဟ- မိန်းကလေးနေရာ အိမ်ဂေဟာသို့ သတို့သားကိုခေါ်ဆောင်ကာ ပြုပေးသော မင်္ဂလာ၊
(၃) စရမင်္ဂလာ- မိမိနေရာအိမ်မှတစ်ပါး ကြီးကျယ်ခမ်းနားသော အဆောက်အဦးကြီးများ၌ ဆင်နွှဲပေးသောမင်္ဂလာ။
ထိမ်းမြားမင်္ဂလာမျိုး ၈-ပါး၊ တစ်နည်း။ ။ မနုဓမ္မသတ်မှ၊
(၁) ဗြဟ္မာ- ရာထူးဂုဏ်သိရ် ဓနရှိန် အမျိုးမြတ်တို့အား လေးစားပူဇော်သောအားဖြင့် သမီးပေးမင်္ဂလာပြုခြင်းမျိုး၊
(၂) ဒဒေယျ- လုပ်ရေးကိုင်တာ၌ ဖျတ်လတ်သေချာ၍ သဘောကျကာ သမီးနှင့်ပေးစားသောမင်္ဂလာ၊
(၃) ကိရိယာ- သူ၏ပစ္စည်း ဘဏ္ဍာ ရတနာ ရွှေငွေစသည်ကို ယူထားမိ၍ သမီးပေးခြင်းမျိုး၊
(၄) ပညာ- လူလိမ္မာပညာရှိအား မိမိသမီးကို လိမ္မာအောင်သွန်သင်ရန်ရည်မှန်း၍ ပေါင်းသင်းဖို့ ပေးစားလိုက်ခြင်းမျိုး၊
(၅) အသုတ- သူ၏လက်ဆောင်ဘဏ္ဍာတွေကို မရအရချူယူပြီး ဆွေမျိုးညာတိမျှမသိရအောင် သမီးကိုလက်သိပ်ထိုးလိုက်ခြင်းမျိုး၊
(၆) ဂန္တဗ္ဗာ- မိဘ ၂-ဦး ၂-ဘက် သဘောတူ၍ ကြည်ဖြူစွာပေးစားလက်ထပ်ခြင်း မင်္ဂလာမျိုး၊
(၇) အဗ္ဘာဟိတ- နိုင်ထက်ကလူ ဇွတ်အတင်းယူရမည်ဟု ညှဉ်းဆဲရိုက်နှိပ်၍ပေးစားခြင်းမျိုး၊
(၈) သာမဿာ- လူငယ်ချင်းချင်း မှောက်မှောက်မှားမှား ချစ်မီးပွား၍နေသည်ကို တွေ့ရ၍ ပေးစားခြင်း။
« ထီ »
ထီးဆောင်းမင်း ၁၀၁-ပါး။ ။ ၎င်းင်းသရုပ်ကို (မင်းတစ်ရာ့တစ်ပါး)၌ ကြည့်ပါလေ။
ထီးတော်ထိပ်ဖျား၊ ငှက်မြတ်နား၊ ၄-ပါး ငှက်မျိုးထင်။ ။ ၎င်းင်း၏သရုပ်ကို (ငှက်မြတ်နားတွင် ထုံးတမ်းဝင်၊ ၄-အင်ငှက်မျိုးသိ)ဟူသော စကားရပ်၌ ပြခဲ့ပြီ။
ထီးဖြူတော်မျိုး ၄-စင်း။ ။ မင်းမြောက်တန်ဆာငါးပါး အ၀င်ဖြစ်သည်။ ရာဇဘိသေက ကျမ်းမှ။
(၁) ထီးရွက်ကိုးဆင့် ထီးရိုး ဆယ်တောင်ရှိသော 'န၀ဒဏ္ဍထီး'၊
(၂) ထီးရွက် အမှတ်မရှိ ထီးရိုးခြောက်တောင်ရှိသော 'မနောဟရထီး'၊
(၃) ထီးရွက်အမှတ်မရှိ ထီးရိုးငါးတောင်ရှိသော 'အာတပတြထီး'၊
(၄) ထီးရွက်အမှတ်မရှိ ထီးရိုးလေးတောင်ရှိသော '၀ိဇယတြထီး'။
မှတ်ချက်။ ။ ရှေ့သုံးစင်းကား ရာဇပလ’င်မှာဆောင်းသော ထီးတော်များဖြစ်၏။ ၀ိဇယတြထီးကား ယွန်းကြွ စက်ချီတော်မူရာစသည်တို့၌ အမြဲဆောင်ဆောင်းသော ထီးတော်ဖြစ်၏။
ထီးဖြူတော် ၄-စင်း၊ တစ်နည်း။ ။ မင်းခဏ်းလင်္ကာ ကဗျာစာတမ်းတို့၌
'ကနကဒဏ်၊ ထီးမွန် ၂ စင်း၊ ၀င်းဝင်းလျှံပတ်၊ တမွတ်နှစ်ဆူ၊ ရောင်မူညီးညီး၊ ယာဉ်ထီးလေးပါး'ဟု စပ်ဆိုလာကြ၏။
မှတ်ချက်။ ။ ယာဉ်ထီးဟူရာ၌ ဧကရာဇ်မင်းမြတ်တို့စီးသော ဆင်ယာဉ် ရထားယာဉ် လှေယာဉ် သုံးပါး၌ ထီးဖြူတော်များ စိုက်ဆောင်ရသည်ကိုစွဲ၍ 'ယာဉ်ထီး' ခေါ်တွင်စေသည်။
ထီးဖြူတော် ၈-စင်း။ ။ ဒိသာဇေယျကျမ်းလာ ထီးဖြူတော် ရှစ်ဖြာဟူ၏။
(၁) ကနက္ကဒဏ် ထီး၊
(၂) သူရိယထီး၊
(၃) ပဒုမာထီး၊
(၄) သမုတိထီး၊ ဟူ၍ လက်ဝဲထီးလေးစင်း၊
(၅) ကမ္ဗုထီး၊
(၆) စန္ဒထီး၊
(၇) ကုမုဒထီး၊
(၈) ၀ိသကြုံထီးဟူ၍ လက်ယာထီး ၄-စင်းအားဖြင့် ရှစ်စင်းထီးဖြူ မှတ်ယူရာ၏။
« ထု၊ ထူ »
ထုံးမြိတ် ၅-ပါး၊ ဥခေါင်းဖျား၊ ထားငြားဆံပင်ရှည်။ ။ ၎င်းင်းသရုပ်ကို (မြန်မာ့ဦးစွန်း၊ ၅-မျိုးထွန်း)ဟူသော ပုစ္ဆာ၌ ရှုပါ။
ထူပါရုံတည်ထားထိုက်သော ပုဂ္ဂိုလ် ၄-မျိုး။ ။ ထူပါရဟ ပုဂ္ဂလ ၀ဏ္ဏနာသုတ် မဟာဝါ။ ပါ။ ၁၁၇ ။ဋ္ဌ။ ၁၇၅။ ၎င်းင်းသရုပ်ကို (စေတီထိုက်သော ပုဂ္ဂိုလ် ၄-ဦး)၌ ရှုပါ။
« ထေ »
ထေယျာသံဝါသကမျိုး ၃-ပါး။ ။ ရဟန်းပြုမပေးကောင်းသော ထေယ်ခိုး ၃-ယောက်ဟူလို။
(၁) လိင်္ဂ ထေနက-ဆရာ ဥပဇ္ဈာယ်မရှာ၊ ကိုယ့်ဟာကိုယ် သင်္ကန်းဝတ်စည်း၍ ရဟန်း ကိုရင် အသွင်ခိုးဆောင်နေသောသူ၊
(၂) သံဝါသ ထေနက- ရဟန်းဟုဝန်ခံ၍ ရဟန်းကောင်းတို့နှင့် ပေါင်းဖေါ်နေထိုင်သော သာမဏေ၊
(၃) ဥဘယ ထေကန- အထက်ပါ ၂-မျိုးလုံးကို ခိုးသောသူ။
ထေယျာဝဟာရာ၊ ခိုးနည်းလာ၊ ၅-ဖြာအဘယ်နည်း။ ။ ၎င်းင်းသရုပ်ကို (ခိုးခြင်း ၂၅-ပါး)၌ ရှုပါကုန်။
ထေရ်ပြုခံထိုက်ခြင်း အင်္ဂါ ၄-ပါး။ ။ ရိုသေလေးစား ကြီးသူအရာ၌ တင်ထားထိုက်သူ၏အင်္ဂါ ၄-ပါး ဟူ၏၊ စတုကင်္ဂုတ္တရ။ ပါ။ ၃၃၁၊ ဋ္ဌ။ ၂၆၆။
(၁) သီလ၀ါ- ကိုယ်ကျင့်သီလရှိခြင်း၊
(၂) ဗဟုဿုတ- ပရိယတ် အကြားအမြင်များရခြင်း၊
(၃) ဈာနလာဘီ- ဈာန်အဘိညာဉ် ရရှိရခြင်း၊
(၄) ခီဏာသ၀- အာသ၀ကုန်ခန်း ရဟန္တာဖြစ်ရခြင်း။
ဤ ၄-ပါးတွင် အနည်းဆုံး (၁) (၂) - အင်္ဂါရှိထားရမည်။
ထေရ်မျိုး ၃-ပါး။ ။ ရဟန်းတော် အမျိုးအတန်းစား ၃-ပါး။
(၁) အနုထေရ်- ပဉ္စင်းခံသည်မှစ၍ ဆယ်ဝါအထိ ထေရ်ငယ်၊
(၂) မဇ္ဈိမထေရ်- ဆယ်ဝါမှ ၀ါနှစ်ဆယ်ထိ ထေလတ်၊
(၃) မဟာထေရ်- ၀ါနှစ်ဆယ်မှစ၍ အထက်သည်ကား ထေရ်ကြီး၊ မဟာထေရ် မည်၏။
ထေရ်မျိုး ၃-ပါး၊ တစ်နည်း။ ။ သုတ်ပါထေယျ။ ပါ။ ၁၈၂။ ဋ္ဌ။ ၁၈၁။ ကြီးမြတ်သောသူမျိုး ၃-ပါး။
(၁) ဇာတိထေရော- ဇာတ်အားဖြင့်ကြီးမြတ်သူ၊
(၂) ဓမ္မထေရော- တရားဓမ္မ ဂုဏ်အားဖြင့် ကြီးမြတ်သူ၊
(၃) သမုတိထေရော- အကြီးအကဲဟု သမုတ်ခြင်းအားဖြင့် ကြီးမြတ်သူ။
ထေရာဝါဒ ၅-နိုင်ငံ။ ။ ပိဋကတ်သုံးပုံ- အဋ္ဌကထာ၌လာသော တိပိဋက စူဠနာဂထေရ်၊ မဟာသုမထေရ်၊ မဟာပဒုမထေရ် စသော မထေရ်မြတ်တို့၏ ပိဋကတ်တော်လာ အယူဝါဒ၊ ထိုထေရ်တို့၏အယူဝါဒကို သံဂါယနာ(ဆဋ္ဌ)အထိ ခံယူအတည်ပြု လေးစားရိုသေကြကုန်သော နိုင်ငံတော်များ။
(၁) မြန်မာနိုင်ငံတော်၊
(၂) သီဟိုဠ် (သီရိလင်္ကာ) နိုင်ငံတော်၊
(၃) ယိုးဒယား (ထိုင်းလင်း)နိုင်ငံတော်၊
(၄) ကမ္ဗောဒီးယားနိုင်ငံတော်၊
(၅) လာအို(လော) နိုင်ငံတော်။
« ထွ »
ထွက်လေ၀င်လေမရှိသူ ၈-ယောက်။ ။ ၎င်းင်းသရုပ် (အသက်မရှူသူ ၈-ယောက်)၌ ရှုပါ။
တို-တိုက်-တိုင်-တိုင်း-တြ---တိုးတက်.. မှ တြိ
« တို »
တိုးတက်ကြီးပွား၊ အကြောင်းတရား၊ လိုက်စား ၇-ဖြာ။ ။ ၎င်းင်းသရုပ်ကို (ကြီးပွားတိုးတက်ကြောင်းတရား ၇-ပါး)ဟူသော သုတေသန၌ ဆိုခဲ့ပြီ။
« တိုက် »
တိုက်ကြီး ၇-တိုက်။ ။ ကမ္ဘာပေါ်ရှိ အကြီးဆုံးသော ကုန်းမြေအပိုင်းအခြားကြီးများ ဟူ၏။ လောကဓာတ်နည်း။
(၁) အာရှတိုက်၊
(၂) ဥရောပတိုက်၊
(၃) အာဖရိကတိုက်၊
(၄) သြစတြေးလိယတိုက်၊
၎င်းင်းတိုက်ကြီး ၄-တိုက် တို့သည် ကမ္ဘာဟောင်းခေါ် ကမ္ဘာလုံး၏အရှေ့ခြမ်း၌ ရှိကြသည်။
(၅) မြောက်အမေရိကတိုက်၊
(၆) တောင် အမေရိကတိုက်၊
ကမ္ဘာသစ်ခေါ် ကမ္ဘာလုံး၏ အနောက်ခြမ်း၌ ရှိကြသည်။
(၇) အန္တာတိတ်ကာတိုက်၊
တောင်ဝင်ရိုးဖျားအနီး အန္တာတိတ်သမုဒ္ဒရာတွင် ရှိသည်ဟူ၏။
« တိုင် »
တိုင်သံ ၁၀-ပါး၊ ကဗျားများ၊ ဆိုငြားအဘယ်နည်း။ ။ ကဗျာလင်္ကာရွတ်ဖတ်သီဆိုရာ၌ "တက်သံ နိမ့်သံ" နှစ်ပါးတို့၏အကြားမှ မှန်မှန် ရပ်ဖြတ်ရွတ်ဆိုရသော အသံတစ်မျိုး၊ ၎င်းင်းကိုပင် "သံလတ် သံမှန်"ဟုလည်း ခေါ်ကြသေး၏။
အကျယ်ကို ကဗျားဖွဲ့နည်း နိသျှည်းကျမ်း၌ ရှုလေ၊
အက် အစ် အတ် အပ် အိတ် အိပ် အုတ် အုပ် အောက် အိုက် တို့ ဖြစ်၏။
တိုင်ကြီး ၁၀-ပါး။ ။ ဗေဒင်ကျမ်းလာ ဇာတာဖွဲ့ရာ စသည်တို့၌ အသုံးပြုသည်။
(၁) မူလတိုင်၊
(၂) ဓာတ်တိုင်၊
(၃) စုတ်တိုင်၊
(၄) ပုညတိုင်၊
(၅) ဣဿရိယတိုင်၊
(၆) ပဋိသန္ဓေတိုင်၊
(၇) ပ၀တ္တိတိုင်၊
(၈) ထီးဖြူတိုင်၊
(၉) သီရိတိုင်၊
(၁၀) ဆင်ဖြူတိုင်။
တိုင်ပင်ခြင်းမျိုး ၃-ပါး။ ။ အတိုင်ပင်ခံဝင်သူတို့ သတိပြုဖွယ်ရာဖြစ်၏။ မိလိန္ဒပဥှာနှင့် စူဠနိဒ္ဒေသပါဠိတော်။
(၁) က၀ိ မန္တန- ပညာရှိတို့၏ တိုင်ပင်ခြင်း၊ ကောင်းမြတ်သင့်လျော်သော် နာယူ၍၊ မကောင်းထင်သော်ကား ဆိတ်ဆိတ်နေခြင်းမျိုး၊ ကောင်းသော်အားပေး၊ မကောင်းတားမြစ်၊
(၂) ရာဇ မန္တာ- မင်း၏တိုင်ပင်ခြင်း၊ အကျိုး ရှိမဲ့ကိုကား ပမာဏမထား၊ မင်းအလိုလိုက်ခါလျှောက်မှ ချီးမြှောက်ခြင်းပြုမည်ဖြစ်၍ မင်းအကြိုက်ချည်းလိုက်၍ ပြောဆိုရခြင်းမျိုး၊ သို့မဟုတ်က ရာဇဒဏ်ပေး ခံရတတ်သည်၊
(၃) ဒါသ မန္တန- ကျွန်၏တိုင်ပင်ခြင်း၊ သခင့်အလိုသို့လိုက်ခါ သခင့်အကြိုက်ချည်းဖြစ်အောင် ပြောဆိုရခြင်းမျိုး၊ မျက်နှာသာပေးရန်ဖြစ်သည်။
မှတ်ချက်။ ။ ပညာရှိတို့ကား က၀ိမန္တနမျိုးဖြင့်သာ တိုင်ပင်ခံကြ၏။
« တိုင်း »
တိုင်းကြီး ၉-မျိုး၊ မော်ကွန်းထိုး၊ အုပ်စိုးမြန်မာပြည်။ ။ ၎င်းင်း၏သုတေသနရပ်တို့ကို (မြန်မာ့တိုင်းကြီး ၉-တိုင်း) ၌ ရှုပါ။
တိုင်းကြီး ၁၀-တိုင်း။ ။ မြန်မာနိုင်ငံတော် ဘုရင်မင်းတို့ခေတ် ရာဇ၀င်မှ၊
(၁) သုနာပရန္တတိုင်း- လယ်ကိုင်း၊ ဖေါင်းလင်း၊ ကလေး၊ သောင်သွပ်၊ စသောပြည်တို့တည်ရာ၊
(၂) တမ္ပဒီပတိုင်း- ပုဂံ၊ ပင်းယ၊ အင်းဝ၊ မြင်စိုင်းစသော ပြည်တို့တည်ရာ၊
(၃) ကမ္ဗောဇတိုင်း- သီပေါ၊ ညောင်ရွှေ၊ မိုးနဲစသော ပြည်တို့တည်ရာ၊
(၄) ဇိန်တိုင်း- ဗမ်၊ ခွေးလုံ၊ စန္ဒာစသော ပြည်တို့တည်ရာ၊
(၅) သီရိခေတ္တရာမတိုင်း၊ သရေခေတ္တရာ၊ ဥဒေတရစ်၊ ပန်းတောင်းစသော ပြည်တို့တည်ရာ၊
(၆) ဇယ၀ဒ္ဓနတိုင်း- ကေတုမတီ၊ ဇယ၀တီ စသောပြည်တို့ တည်ရာ၊
(၇) ရာမညတိုင်း- ဟံသာဝတီ၊ ဒဂုံ၊ ဒလ၊ ကုသိမ်၊ ရောင်ပြ(မြောင်းမြ)၊ မုတ္တမ စသောပြည်တို့တည်ရာ၊
(၈) ဟရိဘုဉ္ဇတိုင်း- ဇင်းမယ်၊ ကျိုင်းသည် စသောပြည်တို့တည်ရာ၊
(၉) ခေမ၀ရတိုင်း-ကျိုင်းတုံ စသောပြည်တို့တည်ရာ၊
(၁၀) မဟာနဂရတိုင်း-ကျိုးရုံး၊ မိုင်းစည်စသော ပြည်ကြီးတို့၏တည်ရာဟူ၏။
တိုင်းကြီး ၁၆-တိုင်း။ ။ အင်္ဂုတ္တရ ပါဠိတော်လာ တိုင်းကြီးသောဠသ၏အမည်များ။
၁ အင်္ဂတိုင်း၊
၂ မဂဓတိုင်း၊
၃ ကာသိတိုင်း၊
၎ ကောသလတိုင်း၊
၅ ၀ဇ္ဇိတိုင်း၊
၆ မလ္လတိုင်း၊
၇ စေတိတိုင်း၊
၈ ၀ံသတိုင်း၊
၉ ကုရုတိုင်း၊
၁၀ ပဉ္စာလတိုင်း၊
၁၁ မဇ္ဈတိုင်း၊
၁၂ သူရသေနတိုင်း၊
၁၃ အဿကတိုင်း၊
၁၄ အ၀န္တိတိုင်း၊
၁၅ ဂန္ဓာရတိုင်း၊
၁၆ ကမ္ဗောဇတိုင်း။
တိုင်းကြီး ၁၇-တိုင်း။ ။ ၀ိသုဒ္ဓိမဂ် ဒု-အုပ် ၄၆။ မဇ္ဈိမပဏ္ဏာသ။ ဋ္ဌ။ ၂၅-တို့၌ အကျယ်ရှုပါ။
တိုင်းကြီး ၁၇-တိုင်း၊ တစ်နည်း။ ။ တိကင်္ဂုတ္တရ၊ ပါ။ ၂၃၁။ အဋ္ဌင်္ဂုတ္တရ။ ပါ။ ၈၁-၈၅။ စူဠနိဒ္ဒေသ။ ပါ။ ၁၅၀။ ဋ္ဌ။ ၄၂-တို့၌ ရှုပါ။
အင်္ဂ၊ မာဂဓ၊ ကလိင်္ဂ၊ ကာသိယ၊ ကောသလ၊ ၀ဇ္ဇီ၊ မလ္လ၊ စေတီယ၊ ၀ံသ၊ ကုရု၊
ပဉ္ဇာလ၊ မစ္ဆ၊ သူရသေန၊ အဿက၊ အ၀န္တိယ၊ ယောနက၊ ကမ္ဗောဇတိုင်း။
တိုင်းကြီး ၂၁-တိုင်း။ ။ ဗုဒ္ဓ ပိဋကတ်တော်၌ထင်ရှားသော တိုင်းကြီး ၂၁-တိုင်း။ 'မဂဓ' အဘိဓာန်မှ။
ကုရုတိုင်း၊ သက္ကတိုင်း၊ ကောသလတိုင်း၊ မဂဓတိုင်း၊ သိဝိတိုင်း၊
ကလိင်္ဂတိုင်း၊ အ၀န္တိတိုင်း၊ ပဉ္စလတိုင်း၊ ၀ဇ္ဇီတိုင်း၊ ဂန္ဓာရတိုင်း၊ (၁၀)
စေတီယတိုင်း၊ ၀င်္ကတိုင်း၊ ၀ိဒေဟတိုင်း၊ ကမ္ဗောဇတိုင်း၊ မဒ္ဒတိုင်း၊
ဘဂ္ဂတိုင်း၊ အင်္ဂတိုင်း၊ သီဟတိုင်း၊ ကသ္မိရတိုင်း၊ ကာသိတိုင်း၊ (၂၀) ပဏ္ဍ၀တိုင်း၊ (၂၁)။
တိုင်းပြည်အင်္ဂါ ၇-ဖြာ၊ ကျမ်းလာမည်သို့နည်း။ ။ သုကရသာရနီတိကျမ်း၊ အမရကောသ အဘိဓာန်ဋီကာ ကျမ်းတို့ ၌ကား ဤသို့လာ၏။
(၁) ပြည့်ရှင်မင်း, သမ္မတမင်းရှိစေရမည်၊
(၂) ၀န်ကြီး သံကြီး မင်းတိုင်ပင်အမတ်များ၊
(၃) စစ်မက်ကူညီရေး မဟာမိတ်မင်းများ၊
(၄) စားနပ်ရိက္ခာ ရွှေ ငွေ ဘဏ္ဍာများ၊
(၅) ကျုံးမြောင်းခံတပ် နယ်စပ်တံတိုင်း တောင်တော၊
(၆) ကျယ်ပြန့်သောတိုင်းနိုင်ငံတော်ဖြစ်ရခြင်း၊
(၇) စစ်သည်ဗိုလ်ပါ စစ်အင်္ဂါစုံ ကြည်း ရေ လေ တပ်စုရှိစေရမည်။
တိုင်းပြည်အေးမှု ကြောင်း ၁၀-ခု။ ။ ၎င်းင်း၏သရုပ်ကို မဃဒေ၀လင်္ကာ၌
"နေလ ဂြိုဟ်သွား၊ ဖြောင့်သားတဖြာ၊ မိုးမှန်စွာနှင့်၊ သြဇာတက်ဖြိုး၊ သီးမျိုးပေါယယ်၊ အန္တရာယ်ကင်းငြိမ်း၊
မုဒိမ်း မထွက်၊ စစ်မက်လည်းကင်း၊ ချင်းချင်းညီညွတ်၊ ဖြောင့်မတ်တရား၊ သုံးပါးရတနာ၊ ရိုသေစွာလျက်၊ သံဃာရဟန်း၊ စောင့်မှန်းအကျင့်၊ ဤဆယ်ဆင့်ကား၊ လင်းပွင့်တိုင်းပြည် သာကြောင်းတည်း"ဟု ဆိုထား၏။
တိုင်းပြည်တိုးတက် ကြီးပွားကြောင်းတရား ၇-ပါး။ ။ ၎င်းင်းသရုပ်ကို (အပရိဟာနိယတရား ၇-ပါး၊ ၈-နည်း) ဟူသော ပြဿနာရပ်၌ ဆိုခဲ့ပြီ။
တိုင်းပြည်ပျက်မှု၊ ကြောင်းဆယ်ခု။ ။ ၎င်းင်း၏သရုပ်အဓိပ္ပာယ်ကို (ပြည်ရွာပျက်မှု ကြောင်းဆယ်ခု)ဟူသော သုတေသန၌ ရှုပါ။
တိုင်းပြည်မြို့ရွာ အပြား ၆-ပါး။ ။ ၎င်းင်းသရုပ် အဓိပ္ပာယ်ကို (ပြည်ရွာအပြားမျိုး ၆-ပါး)၌ ပြမည်။
တိုင်းပြည်ရတနာ၊ ၉-ပါးလာ၊ စုံစွာဖြည့်၍ထား။ ။ မင်းအစိုးရတို့သည် တိုင်းပြည်၌
ပြည့်စုံစွာထားရှိကြရမည့် 'ပြည့်န၀ရတ်ခေါ်' ရတနာကိုးပါး၊ ကာမဏ္ဍကီကျမ်းမှ ၎င်းင်းတို့ကို မနှိပ်စက်မညှင်းပန်းရာဟူ၏။
(၁) ပြည့်ဦးကင်း-တိုင်းရေးပြည်မှုကို ဆောင်ရွက်စီမံပေးနိုင်သော မှူးကြီးမတ်ရာများ၊
(၂) ပြည့်တန်ခွန်- သီလ၀န္တ ပညာဝန္တ ရဟန်းတော်များ၊
(၃) ပြည့်မျက်စိ- လိမ္မာကျွမ်းကျင်ကုန်သောဆေးဆရာ ဟူးရားဗေဒင်ဆရာ စက်ယန္တယားဆရာများ၊
(၄) ပြည်၏နား- သစ္စာရှိသော သူလျှိုများ၊
(၅) ပြည့်အစွယ်- သူရသတ္တိရှိကြသည့် မင်းညီမင်းသား မင်းဆွေမျိုးများ၊
(၆) ပြည်ကြီး မျက်နှာ- ရုပ်ရည်ချောသည့် လှမျိုးမယ်များ၊
(၇) ပြည်၏ ၀မ်းဗိုက်- စားနပ်ရိက္ခာနှင့် ဥစ္စာပေါများသော သူဌေးသူကြွယ်တုိ့၊
(၈) ပြည်၏ခြေ- စစ်သည်ဗိုလ်ပါအပေါင်းနှင့်ယာဉ်မျိုးစုံ၊
(၉) ပြည်၏လက်- ခဲယမ်းမီးကျောက် အမြောက် သေနတ်စသော လက်နက်စုံ။
« တြ »
တြင်းအပြား ၃၆-ပါး။ ။ ဗေဒင်အလို တစ်ရာသီ၌ တြင်းသုံးခုရှိလေရာ ၁၂-ရာသီ၌ ၃၆-တြင်း ဖြစ်လေသည်။ ၎င်းင်းကိုပင် 'ဆတ္တိံ တြင်း' ခေါ်ကြ၏။
တြိကဋုက် ၃-ပါး။ ။ ပူစပ်သော အရာဝတ္ထု ၃-ပါးဟူလို၊ ငြုပ်၊ ပိတ်ချင်း၊ ဂျင်းကိုခေါ်သည်။
တြိဂုဏ်း ဂြိုဟ်နေ ရာသီ ၈-မျိုး။ ။ ၁၂-ရာသီအိမ်တို့တွင်
(၁) မိဿ၌ အင်္ဂါ၊
(၂) ပြိဿ၌ တနင်းလာ၊
(၃) သိဟ်၌ တနင်္ဂနွေ၊
(၄) ကန်၌ ဗုဒ္ဓဟူး၊
(၅) တူ၌ သောကြာ၊
(၆) ဗြိစ္ဆာ၌ ကြာသပတေး၊
(၇) မကာရ၌ ရာဟု၊
(၈) ကုမ်၌ စနေဂြိုဟ်၊
တို့ တွေ့ရှိမူ ဌာနဗလကိုစွဲ၍ ၃-ဆအားရှိသော တြိဂုဏ်းဂြိုဟ်များဟု သိရာ၏။
တြိဒေါသမျိုး ၃-ပါး။ ။ ၎င်းင်းသရုပ် (ဒေါသ ၃-ပါး)၌ ရှုပါ။
တြိဖလမျိုး ၃-ပါး၊ ၂-နည်း။ ။ ချို ချဉ် ဖန်၊ တစ်နည်း။ ခါး ဖန် ချို၊ ရသာ ၃-ပါးရှိသောအသီး၊ ဆေးကျမ်းဝေါဟာရ။ ၁ သစ်ရှားသီး၊ ရှစ်ရှားသီး၊
၂ သစ်ဆိမ့်သီး၊
၃ သဖန်းခါးသီး၊
တစ်နည်း။
၁ ဆီးဖြူသီး၊
၂ သစ်ဆိမ့်သီး၊
၃ ကြာဇုသီး။
တြိသုဂန္ဓိမျိုး ၃-ပါး။ ။ ၎င်းင်းသုံးပါးကို အမရိတ ဘေသဇ္ဇကျမ်း၌ မအို မနာဆေးဟု အလွန်ချီးမွမ်းထားလေသည်။ ပျားရည်နှင့်စားရာ၏၊
(၁) မုတ္တာ- နွားမြက်ရင်း၊
(၂) ပိပ္ပလ မူလ- ပိပ္ပလိမြစ်၊
(၃) ဂန္ဓ တိဏ- မြက်မွှေး။
တြိ သုဇာတ မျိုး ၃-ပါး။ ။ ဘယဆေးဖေါ်စပ်ရာ၌ အပေါင်းစကား။
(၁) ဖာလာသီး၊
(၂) ကရဝေးရွက်၊
(၃) ကရဝေးခေါက် ခေါ် သစ်ကြံပိုး၊
၎င်းင်းကို အချို့ဆေးကျမ်းတို့၌ "တြိဇာတ"ဟု ရေးသုံးသေး၏။
Saturday, December 20, 2008
တိ-တု-တူ-တေ-တော-တော်--တိတ္ထိ မှ တော်ဝင်သူ
တိတ္ထိဂိုဏ်း ဆရာကြီး ၆-ယောက်။ ။ မူလပဏ္ဏာသ ပါဠိတော်။ ၂၅၈။ ဋ္ဌ။ ဒု-အုပ်။ ၁၃၆။ သာသနာဝင်၌ ထင်ရှား၍ ဘုရားနှင့်ပြိုင်ဖက် တိတ္ထိဆရာကြီး ၆-ယောက်။
(၁) ပူရဏကဿပ၊
(၂) မက္ခလိ ဂေါသာလ
(၃) နိဂဏ္ဍ နာဋပုတ္တ၊
(၄) သဉ္ဇယ ဗေလဋ္ဌ ပုတ္တ သိဉ္ဇည်း၊
(၅) ဗကုဓ ကစ္စာယန၊
(၆) အဇိတ ကေသ ကမ္ဗလ။
တိတ္ထိတို့ ရဟန်းပြုလိုသော် ပေးရမည့် ၀တ်အကျင့် ၈-ပါး။ ။ အကျယ်ကို ၀ိနည်းမဟာဝါ။ ပါ။ ၁၀၀။ ၎င်းင်း၊ ဋ္ဌ၊ ၂၇၅။ တို့၌ကြည့်ပါ။
(၁) အလွန်စောစွာ ရွာတွင်းသို့မ၀င်ရ၊ အလွန်နေမမြင့်မီ ကျောင်းသို့အရောက် ပြန်လာရမည်၊
(၂) မကျက်စား အရောတ၀င်မပြုရသော ပြည့်တန်ဆာမ၊ မုဆိုးမ၊ အပျိုဟိုင်းကြီး၊ ပဏ္ဍုတ်၊ ရဟန်းမတို့နှင့် ရောနှောစွာ မဆက်ဆံရခြင်း၊ (၃) သီတင်းသုံးဖေါ်တို့၏ ကိစ္စကြီးငယ်တို့ကို အလိုက်သိစွာ ပြုလုပ်ဆောင်ရွက်ပေးရခြင်း၊
(၄) သီလ သမာဓိ ပညာကို လိုလားဆန္ဒကြီးစွာဖြင့် ပါဠိ အနက်အဓိပ္ပါယ်တို့ကို သင်ယူမေးမြန်း ဆွေးနွေးရခြင်း၊
(၅) တိတ္ထိတို့၏ အမှား ဂုဏ်ကျေးဇူးမဲ့ ကဲ့ရဲ့စကားကို နှစ်သက်စွာလက်ခံပြောကြားရခြင်း၊
(၆) တိတ္ထိတို့၏ ဂုဏ်ကျေးဇူးကို ပြောဆိုစကား၌ မနှစ်သက် လက်မခံရခြင်း၊
(၇) ဘုရားတရား သံဃာတော်တို့၏ ကျေးဇူးမဲ့ကို ကဲ့ရဲ့ပြေားကြားစကား၌ မနှစ်သက် လက်မခံရခြင်း၊
(၈) ရတနာသုံးပါး၏ ဂုဏ်ကျေးဇူးစကားတို့ကို ချီးမွမ်းပြောကြားရခြင်း၊ နှစ်သက်စွာ နာယူလက်ခံရခြင်း။
တိထီ ၅-ဖြာ၊ မင်္ဂလာ၊ အခါတော်ကိုရွေး။ ။ ၎င်းင်း တိထီငါးပါးကို အခါပေးကျမ်းမှယူသည်။
(၁) နန္ဒာ တိထီ- မည်သည့်လမဆို လဆန်း လဆုတ် ၁-ရက် ၆-ရက် ၁၁-ရက်နေ့တို့၌ တနင်္ဂနွေç သောကြာနှင့်ကြိမ်မူ နန္ဒာတိထီမည်၏၊ ထိုနေ့၌ ဇရပ် အိမ် ကျောင်း အုဌ်ရိုး၊ ပုထိုးစေတီနှင့်တကွရေကန် ရေတွင်း တံခွန် မဏ္ဍပ် တံတားစသည်တို့ကိုလည်းကောင်း၊ မင်းထံခစားခြင်း ခရီးသွားခြင်းတို့ကို လည်းကောင်း၊ ပြုရသော နေ့ကောင်းနေ့မြတ်ဖြစ်၏။
(၂) ဘဒြာ တိထီ- မည်သည့်လမဆို လဆန်း လဆုတ် ၂-ရက် ၇-ရက် ၁၂-ရက်နေ့၌ တနင်္လာ ဗုဒ္ဓဟူးနှင့်ကြိမ်မူ ဘဒြာတိထီမည်၏၊ ထိုနေ့၌ မင်းထံခစားခြင်း၊ မိတ်ဖွဲ့ခြင်း၊ ကာယသိဒ္ဓိစီရင်ခြင်း၊ အမည်မင်္ဂလာမှည့်ခြင်း၊ ရောင်းဝယ်ခြင်းတို့ကိုပြုရာသော နေ့ကောင်းနေ့မြတ်ဖြစ်၏။
(၃) ဇေယျာ တိထီ- မည်သည့်လမဆို လဆန်း လဆုတ် ၃-ရက်၊ ဂ-ရက်၊ ၁၃-ရက်တို့၌ အင်္ဂါနေ့နှင့်ကြိမ်မူ ဇေယျာတိထီမည်၏၊ ထိုနေ့၌ မြို့ရွာနန်းတော်တည်ဆောက်ခြင်း၊ ကျုံးမြောင်းတံတားပြုလုပ်ခြင်း၊ ဓားလှံ သေနတ် အမြောက် စိန်ဗုံး အဲမောင်း ချပ် မိန်ညို ကာ လွှား ဆင် မြင်းတန်ဆာ ဆင်ယင်ပြုလုပ်ခြင်း၊ ရန်သူရှိရာ တပ်တည်ခြင်း၊ ကင်းတိုကင်းရှည်
ထားခြင်း၊ အောင်တမန်သံတော်များ စေခန့်ခြင်း၊ မင်းမြောက်တန်ဆာ စီရင်လုပ်ဆောင်ခြင်း၊ ပြာသာဒ်ရထား ဆောက်လုပ်ခြင်း၊ ဘုရားထီးတင်ခြင်း၊ ဘိသိက် ခံယူခြင်း၊ တိုင်းတပါးနှင့် စာချုပ်ဆိုခြင်း၊ ယတြာယာယီ ခရီးမူခြင်းတို့ကို ပြုလုပ်ရာ၌ အကောင်းဆုံးသော အခါဖြစ်၏။
(၄) ရိတ္တာ တိထီ၊ မည်သည့်လမဆို လဆန်း လဆုတ် ၄-ရက်၊ ၉-ရက်၊ ၁၄-ရက်တို့၌ စနေနေ့ကြိမ်သော် ရိတ္တာ တိထီမည်၏၊ ထိုနေ့၌ အမှုခပ်သိမ်းမဆောင်ကောင်း၊ အကျိုးမဲ့ အချီးအနှီးဖြစ်တတ်၏။
(၅) ပုဏ္ဏာ တိထီ၊ မည်သည့်လမဆို လဆန်း လဆုတ် ၅-ရက်၊ ၁၀-ရက်၊ ၁၅-ရက်တို့၌ ကြာသပတေးနေ့ နှင့်ကြိမ်မူ ပုဏ္ဏာတိထီမည်၏၊ ထိုနေ့၌ အတတ်သင်ခြင်း၊ မော်ကွန်းတည်ခြင်း၊ မန္တန်ရွတ်ခြင်း၊ ကမ္ဗည်း ကျောက်စာထိုးစိုက်ခြင်း၊ ဥယျာဉ်လယ်ယာစိုက်ပျိုးခြင်း၊ သဘင်ခံခြင်း၊ ယာဉ် ရထား လှည်းလှေသင်္ဘော အသစ်တို့ကိုစ၍စီးနင်းခြင်း၊ ကျီကြတိုက်တာ ဂိုထောင်တို့၌ ဥစ္စာသွင်းခြင်း၊ ထိမ်းမြားမင်္ဂလာပြုခြင်း၊ သားမြေးတို့ကို အ၀တ်တန်ဆာပေးခြင်း၊ ၀တ်စားဆင်ယင်ခြင်း၊ ရတနာအမျိုးမျိုးတို့ကို ရောင်းဝယ်ခြင်း၊ စသည်ပြုရာ၌ အကောင်းဆုံးသောအခါများဖြစ်၏။
တိထီ ၅-ပါး ဇယားပုံ
----------လစဉ် ----------- ရက်များ ------------ နေ့---------- တိထီအမည်
----လဆန်း လဆုတ် ---------၁-၆-၁၁ ---------၁-နွေ၊ ၆-ကြာ--- ----- နန္ဒာတိထီ
---------------- ။ ။ ------------ ၂-၇-၁၂---------- ၂-လာ၊ ၄-ဟူး---------- ဘဒြာတိထီ
----------------။ ။ ----------- ၃-၈-၁၃-------------- အင်္ဂါ---------------- ဇေယျာတိထီ
---------------- ။ ။ ----------- ၄-၉-၁၄--------------- စနေ------------- ရိတ္တာတိထီ
---------------- ။ ။------------- ၅-၁၀-၁၅---------- ကြာသပတေး --------- ပုဏ္ဏာတိထီ
တိထီ ၅-ပါး တစ်နည်း။ ။ စန်းကိုခေါ်သော ဗေဒင်သုံးစကားတစ်မျိုးဟု အကျဉ်းမှတ်လေ။
လဆန်း ၁ ၂ ၃ ၄ ရက်သည် စန်းအားနည်းသောကြောင့် ဟိနစန်း၊ တိန တိထီ မည်၏။
လဆန်း ၅ ၆ ၇ ၈ ၉ ၁၀ ရက်သည် စန်းအားကြီးသောကြောင့် ဗလ၀စန်း၊ ဗလ၀ တိထီမည်၏။
လဆန်း ၁၂ ၁၃ ၁၄ ၁၅ ရက်သည် စန်းအားအလွန်ကြီးသောကြောင့် အတိဗလ၀စန်း၊ အတိဗလ၀ တိထီမည်၏။
ထို့အတူ လဆုတ် ၁ ၂ ၃ ၄ ၅ ၆ ၇ ၈ ၉ ၁၀ ရက်သည် စန်းအားကြီးသောကြောင့် ဗလ၀ စန်း။ ဗလ၀ တိထီမည်၏။
လဆုတ် ၁၂ ၁၃ ၁၄ ၁၅ ရက်သည် စန်းအားနည်းသောကြောင့် ဟိနစန်း၊ ဟိန တိထီမည်၏။
ထိုတိထီတို့တွင် ဟိနစန်း ဟိနတိထီကိုကား မဆောင်အပ် မကောင်းကျိုးကိုပေးတတ်သည်၊
ဗလ၀ စန်း ဗလ၀ တိထီတို့ကား ကောင်းကျိုးကိုပေးတတ်၏၊
အတိဗလ၀ စန်း၊ အတိဗလ၀တိထီတို့ကား အလွန်သောအကျိုးကိုပေးတတ်၏ဟု ရာဇတ္တဏ်ဆရာ ဒီပိကာဆရာတို့ ဆိုကုန်၏။
တိထီ ၅-ပါး တစ်နည်း။ ။
ဆောင်အပ်သော တိထီကိုတည်၊ ၅-ခုစား ။
တစ်ကြွင်းမူ 'နန္ဒာတိထီ' လူနတ်တို့ နှစ်သက်၏၊
၂ ကြွင်းမူ 'ဘဒြာတိထီ' ကောင်းကျိုးကိုဖြစ်စေတတ်၏၊
၃ ကြွင်းမူ 'ဇေယျာတိထီ' အောင်မြင် ထမြောက်တတ်၏၊
၎ ကြွင်းမူ 'ရိတ္တာတိထီ' အချည်းအနှီးဖြစ်တတ်၏၊ အမှုခပ်သိမ်း မဆောင်ကောင်း၊
သုဉ်းမူ 'ပုဏ္ဏာတိထီ' ပြည့်စုံတတ်၏။
တိရစ္ဆာန်အပြား မျိုး ၄-ပါး။ ။ တိရစ္ဆာန် အနန္တပင်ရှိသော်လည်း အမျိုးအားဖြင့်ကား ဤလေးပါးသာရ၏။
(၁) အပါဒကမျိုး- ခြေမရှိသော တိရိစ္ဆာန်မျိုး၊
(၂) ဒွိပါဒကမျိုး- ခြေနှစ်ချောင်းရှိ တိရစ္ဆာန်မျိုး၊
(၃) စတုပါဒမျိုး-ခြေလေးချောင်းရှိတိရိစ္ဆာန်မျိုး၊
(၄) ဗဟုပ္ပဒမျိုး- ခြေလေးချောင်းထက်များသော တိရိစ္ဆာန်မျိုး။
တိရစ္ဆာန ကထာ ၃၂-ပါး။ ။ မဟာဝဂ္ဂသံယုတ် ပါဠိတော် ၃၆၈။ ဋ္ဌ။ ၃၂၅ ၌ အကျယ်ရှုပါ။ မဂ်ဖိုလ်မှ ဖီလာကန့်လန့်စကားရပ်ဟူသမျှသည် တိရစ္ဆာနကထာချည်းမည်၏၊ အနေက ၀ိဟိတံ တိရစ္ဆာန ကထံဟု သီလက္ခန်ပေါဋ္ဌပါဒသုတ်၌ လာရှိသောကြောင့်လည်း တိရစ္ဆာနကထာကို ၃၂ ပါးဟု အတိအကျ သင်္ချာတပ်ရန်မလိုဟု ထင်သည်။ သို့သော် 'အမေးရှိက အဖြေရမြဲ' သဘောတရားအတိုင်း ထို ပေါဋ္ဌပါဒသုတ် ပါဠိတော်မှပင် ၂၈-ပါးယူ၍ အခြားကျမ်းမှ ၄-ပါးနှင့် ဖြေလိုက်အံ့။
(၁) ရာဇကထံ- မင်းနှင့်စပ်သောစကား၊
(၂) စောရကထံ-သူခိုးနှင့်လည်းကောင်း၊
(၃) မဟာမတ္ထကထံ- အမတ်ကြီး နှင့်လည်းကောင်း၊
(၄) သေနာကထံ- စစ်သည်နှင့်လည်းကောင်း၊
(၅) ဘယကထံ- ကြောက်မက်ဖွယ် နှင့်လည်းကောင်း၊
(၆) ယုဒ္ဓကထံ- စစ်တိုက်ခြင်းနှင့်လည်းကောင်း ၊
(၇) အန္နကထံ- စားဖွယ်နှင့်လည်းကောင်း၊
(၈) ပါနကထံ-သောက်ဖွယ် နှင့်လည်းကောင်း၊
(၉) ၀တ္ထကထံ- အ၀တ် နှင့်လည်းကောင်း၊
(၁၀) သယနကထံ-အိပ်ရာနှင့် လည်းကောင်း၊
(၁၁) မာလာကထံ- ပန်း နှင့်လည်းကောင်း၊
(၁၂) ဂန္ဓကထံ- နံ့သာမွှေးထုံနှင့် လည်းကောင်း၊
(၁၃) ဥာတိကထံ-ဆွေမျိုးနှင့်လည်းကောင်း၊
(၁၄) ယာနကထံ- ယာဉ်နှင့်လည်းကောင်း၊
(၁၅) ဂါမကထံ- ရွာနှင့်လည်းကောင်း၊
(၁၆) နိဂမကထံ- နိဂုံးနှင့်လည်းကောင်း၊
(၁၇) နဂရကထံ- မြို့နှင့်လည်းကောင်း၊
(၁၈) ဇနပဒကထံ- နယ်နှင့် လည်းကောင်း၊
(၁၉) ဣတ္ထိကထံ- မိန်းမနှင့် လည်းကောင်း၊
(၂၀) ပုရိသကထံ- ယောက်ျားနှင့် လည်းကောင်း၊
(၂၁) သူရကထံ- သူရဲကောင်းနှင့် လည်းကောင်း၊
(၂၂) ၀ိသိခါကထံ- မြို့တွင်းလမ်းနှင့်လည်းကောင်း၊
(၂၃) ကုမ္ဘဌာနကထံ- ရေခပ်ဆိပ်နှင့်လည်းကောင်း၊
(၂၄) ပုပ္ဗေတကထံ- သေလွန်သူနှင့်လည်းကောင်း၊
(၂၅) နာနတ္တကထံ- အထွေထွေနှင့်လည်းကောင်း၊
(၂၆) လောကက္ခာယိကံ- လောကကြောင့်နှင့် လည်းကောင်း၊
(၂၇) သမုဒ္ဒက္ခာယိကံ- သမုဒ္ဒရာပင်လယ်နှင့်လည်းကောင်း၊
(၂၈) ဣတိဘ၀ါဘ၀ကထံ- ကြီးပွားဆုတ်ယုတ်ခြင်းနှင့်လည်းကောင်း၊
(၂၉) ဂမိကကထံ- ခရီးသည် နှင့်လည်းကောင်း၊
(၃၀) ကုမာရကထံ- လူပျိုနှင့် လည်းကောင်း၊
(၃၁) ကုမာရီကထံ- အပျို နှင့်လည်းကောင်း၊
(၃၂) ကုမ္ဘဒါသီကထံ- ရေရွက်ကျွန်မနှင့် စပ်သောစကား။
တိလင်္ကာသာမျိုး ၃-ပါး။ ။ လင်းလေ, ဆေးသူငယ်ချက်, ပညာလင်္ကာ ၎င်းင်းသုံးပါးကိုခေါ်ဆိုသည်။ ဆေးကျမ်း ဝေါဟာရ။
« တု »
တုတ္ထာမျိုး ၄-ပါး။ ။ သဗ္ဗဓာတု ၀ိတ္ထာရ ပကာသနီကျမ်းမှ ဖြစ်ရာဌာနနှင့်တကွ အကျယ်ကို ၎င်းင်းကျမ်း လောဟပါစက အခဏ်းတွင်ရှုလေ။
(၁) ဟာဋက တုတ္ထကံ- ရွှေစားတုတ္ထာ၊ ရှစ်မူးရွှေနှင့် ညီမျှ၏။ ရွှေထွက်သည်၊ လက်ယာ လမ်းမှာအသုံးပြုရသည်၊
(၂) ရူပ တုတ္ထကံ- ငွေစား တုတ္ထာ၊ ဖြူသောစရံရှိ၏၊ ငွေထွက်သည်၊ လက်ဝဲလမ်း၌ စီရင်ရသည်၊
(၃) ဗိသ နာသန တုတ္ထကံ- ကြေးစားတုတ္ထာ၊ စိမ်းပြာပြာအရောင်ရှိ၍ ယခုဘယဆေးဆိုင်များ၌ ရသော တုတ္ထာမျိုး၊ ကြေးထွက်သည်၊ ဆေးဝါးကုခြင်း၌သုံးရသည်၊
(၄) ပါရဒတုတ္ထကံ- ပြဒါးစား တုတ္ထာ၊ ဖြူစိမ်းစိမ်းနှင့် ပွပွရှိ၏၊ ပြဒါးထွက်သည်၊ ထွက်ရပ်သိဒ္ဓိလမ်းတို့၌ စီရင်ရသည်ဟူ၏၊ ၎င်းင်းကိုပင် 'ရ'ကျေ၍ (ပါဒ တုတ္ထာ)ဟု ခေါ်ဆိုကြလေသည်။
« တူ »
တူရိယာမျိုး ၅-ပါး။ ။ ဗုဒ္ဓ၀င်။ ပါ။ ၃၁၃။ ဋ္ဌ။ ၁၂၅။ ၀ိမာန၀တ္ထု။ ဋ္ဌ။ ၃၂။ ၈၆။ သံယုတ်။ ဋ္ဌ။ ပ-အုပ်။၁၇၆။ အင်္ဂုတ္တရ။ ဋ္ဌ။ တတိယအုပ်။ ၂၃၃-တို့၌ ကြည့်ပါ။ တီးမှုတ်ရန်တန်ဆာဖြစ်သော တူရိယာမျိုး ၅-ပါး။
(၁) အာတတ- အိုးစည်စသော သားရေတစ်ဖက်ပိတ်၍ကြက်အပ်သောစည်၊
(၂) ၀ိတတ- သားရေ နှစ်ဖက် ပိတ်အပ်သော မုရိုးစည် စသည်၊
(၃) အာတတ ၀ိတတ- အလုံးစုံ သားရေဖြင့်ကြက်အပ်သော ထက်စည် စသည်၊
(၄) သုသိရ- အခေါင်းရှိသော နှဲ ပြွေ ခရုသင်း ကော့နက် ခရာ ၀ီစီ စသည်၊
(၅) ဃန တစ်ခဲနက် တီးခတ်အပ်သော လင်းကွင်း, မောင်း, တရုတ်လင်ပန်း စသည်။
တူရိယာမျိုး ၅-ပါး၊ တစ်နည်း။ ။
(၁) ကြေးဖြင့်ပြုလုပ်၍ တီးအပ်သော မောင်း ကြေးနင်းစသော တူရိယာ၊
(၂) ကြိုးဖြင့် ပြီးစေအပ်ပြုလုပ်၍တီးအပ်သော စန္ဒရား စောင်းကောက် ဟွန်းတရော မယ်ဒလင် စသောတူရိယာ၊
(၃) သားရေ၏မျက်နှာပြင်၌ တီးခပ်အပ်သော ပတ်မကြီးဗုံရှည်စသော တူရိယာ၊
(၄) လေဖြင့်မှုတ်၍ မြည်စေအပ်သော နှဲ ပြွေစသော တူရိယာ၊
(၅) အချင်းချင်းရိုက်ခတ်၍ တီးအပ်သော ၀ါးလက်ခုပ် ချပ် စသောတူရိယာ၊
၎င်းင်းတို့ကိုပင် မဃဒေ၀လင်္ကာ၌ 'အာဝိအစ၊ တတသုံးထွေ၊ နှဲ ပြွေ ခံသ၊ သူသိရနှင့်၊ ဃနဘော်ထည့်၊
ပြည့်၏ ငါးဖြာ၊ ကျမ်း၌လာသား' ဟူ၍လည်းကောင်း၊
ဥတေနပျို့၌လည်း "ကြေးကြိုး သားရေ၊ လေနှင့် လက်ခုပ်၊ သရုပ်ပိုင်းခြား၊ ငါးပါးမှန်စွာ၊ သံဝါ သံမြင့်၊ ကျူးအေးရင့်လျက်" ဟူ၍
လည်းကောင်း စပ်ဆိုထားကြ၏။
တူရိယာမျိုး ၃၇-ပါး။ ။ ပြည်ထောင်စုမြန်မာနိုင်ငံတော်သားတို့၏ ရှေးဟောင်းယဉ်ကျေးမှုမှ သမိုင်းဝင်တူရိယာများ။
(၁) စည်မျိုး ၁၃-ပါး၊
(၂) ကြေးမျိုး ၁၀-ပါး၊
(၃) တံပိုးမျိုး ၈-ပါး၊
(၄) အငြိမ့်မျိုး ၆-ပါး၊
ပေါင်း ၃၇-ပါးဖြစ်၏။
တူရိယာသံ ၇-တန်။ ။ ၎င်းင်းသရုပ် (ဂီတအသံ ၇ တန်) နှင့် တူ၏။
« တေ »
တေဇောဓာတ်ကြီး ၄-ပါး။ ။ မူလပဏ္ဏာသ။ ပါ။ ၈၉၇။ ဋ္ဌ။ ဒု-အုပ်။ ၃၇ ၌ ရှုပါ၊
(၁) သန္တပ္ပန တေဇော-ကိုယ်အလုံးကို ပူပန်စေတတ်၊ အိုက်ခြင်း ပူခြင်း အငွေ့ထွက်ခြင်းများကိုဖြစ်စေတတ်သော အပူဓာတ်၊
(၂) ဒဟ တေဇော- မခံမရပ်နိုင်အောင် အလွန်ပူလောင်၍ ရေလောင်းပါ ယပ်ခပ်ပါဟု ငိုကြွေးဟစ်အော်နေသော အပူဓာတ်၊
(၃) သီတတေဇော- ကိုယ်အလုံး အလွန်အေး၍ ကြက်သီးတဖြန်းဖြန်းထနေသော အအေးဓာတ်၊
(၄) ပါစက တေဇော- စားမျိုသော အစာအာဟာရတို့ကို ခြေတတ် ချက်တတ် ကြေကျက်အောင်ပြုတတ်သောဓာတ်။
တေးသီဆိုသံ ၇-တန်။ ။ ၎င်းင်းသရုပ် (ဂီတသံ ၇-တန်)၌ ရှုပါ။
« တော »
တော ၄၀။ ။ ပဋိသမ္ဘိဒါမဂ်။ ပါ။ ၄၁၁။ ဋ္ဌ။ ဒု-အုပ်။ ၃၁၆ ၌ဖွင့်ဆိုသည်။ အနိစ္စတော၊ ဒုက္ခတော၊ စသောဘာဝနာ ၄၀-ကို အချို့ဆရာတို့က "တော လေးဆယ်"ဟု ရေးသားခေါ်ဝေါ်ကြကုန်၏။ ၎င်းင်းအကျယ် (ဘာဝနာ ၄၀)မှာ ပြမည်။
တောထွက်ရဟန်းကြီးတို့ ရနိုင်ခက်သောတရား ၅-ပါး။ ။ ပဉ္စင်္ဂုတ္တိုရ်။ နိဝရဏ၀ဂ်၌၊ ဤ၌ 'စုဍ္ဎုပဗ္ဗဇ္ဇိတ'ကို တောထွက်ရဟန်းကြီးဟု အသိများကြ၏။
(၁) ဒုလ္လဘော နိပုဏော- နူးညံ့သိမ်မွေ့ ယဉ်ကျေးရိုသေမှု ပြုနိုင်ခက်ခြင်း၊
(၂) ဒုလ္လဘော အာကပ္ပ သမ္ပန္နော- ရဟန်းတို့၏ ဟန်ပန်သွင်ပြင် ၀တ်ရုံစားသောက်ပုံကို ပြုနိုင်ခက်ခြင်း၊
(၃) ဒုလ္လဘော ဗဟုဿုတော- ပိဋကစာပေ အကြားအမြင် ရနိုင်ခက်ခြင်း၊
(၄) ဒုလ္လဘော ဓမ္မကထိကော- တရားဟောဆရာကြီး ဖြစ်နိုင်ခက်ခြင်း၊
(၅) ဒုလ္လဘော ၀ိနယဓရော- ၀ိနည်းဓိုရ်ကြီး ဖြစ်ရန်ခက်ခြင်း။
တောထွက်ရဟန်းကြီးတို့ ရနိုင်ခက်သောတရား ၅-ပါး၊ တစ်နည်း။ ။
(၁) ဒုလ္လဘော သုဝစော ဆိုဆုမ္မရ ခက်၏၊
(၂) ဒုလ္လဘော သုဂ္ဂဟိ တဂ္ဂါတီ- အယူဝါဒကောင်းကို အကောင်းယူနိုင်ခဲ၏၊
(၃) ဒုလ္လဘော ပဒေက္ခိဏဂ္ဂါဟီ- ရိုသေလိုက်နာကျင့်ကြံရမည့် သြ၀ါဒစည်းမျဉ်းကို ရိုသေလိုက်နာခဲ၏။
(၄) ဒုလ္လဘော ဓမ္မကထိကော-တရားဟောဆရာကြီးဖြစ်ရန် ခဲယဉ်း၏။
(၅) ဒုလ္လဘော ၀ိနယဓရော- ၀ိနည်းဓိုရ်ကြီးဖြစ်ရန် ခဲယဉ်း၏။
တောမြိုင်ပရိယာယ်၊ မျိုး ၈-သွယ်၊ ဖွယ်ဖွယ်ရာရာသိ။ ။ ၎င်းင်း၏သရုပ်ကို
(မြိုင်ကြီး ၈-သွယ်၊ ကဗျာဝယ်၊ဆန်းကြယ်အမည်များ)ဟူသော သုတေသနစကားရပ်၌ ကြည့်ပါ။
တောင်ကျွန်း၏ထူးမြတ်ခြင်းကြီး ၅-ပါး။ ။ တခြားကျွန်တို့ထက် ထူးမြတ်ပုံကို ဆိုသည်၊
(၁) ယူဇနာတစ်သောင်းကျယ်၍ အခြားကျွန်းတို့ထက် ကျယ်ဝန်းခြင်း၊
(၂) မဟောဗောဓိပင်မင်းနှင့် အပရာဇိတ ပလ္လင်တော်ပေါက်ရာဖြစ်ခြင်း၊
(၃) ဘုရားပစ္စေကဗုဒ္ဓါတို့၏ ပွင့်ထွန်းပေါ်ပေါက်ရာဖြစ်ခြင်း၊
(၄) စကြာ မန္ဓာတ်မင်းမြတ်တို့၏ဖြစ်ပေါ်ရာဖြစ်ခြင်း၊
(၅) နိဗ္ဗာန်သို့ ဖြောင့်တန်းစွာကူးနိုင်ရာကျွန်းမြတ် ဖြစ်ခြင်း။
တောင် ၅-လုံးခို ရာဇဂြိုဟ်။ ။
ဝေဘာရတောင်၊
ဝေပုလ္လတောင်၊
ပဏ္ဍ၀တောင်၊
ဂိဇ္ဈကုဋတောင်၊
ဣသိဂိလိတောင်၊
၅-လုံးဝိုင်းရံထားသော မြို့တော်ဟူ၏။
တောင်စဉ် ၇-ထပ်။ ။ ဟိမ၀န္တာ ဆဒ္ဒန်အိုင်၏ အရံများဖြစ်သော တောင်ဝန်း တောင်ထပ်တို့မှာ ၇-ဖြာရှိ၏။ ဇိနလင်္ကာရဋီကာ။
၁ သုဝဏ္ဏပဿတောင်၊
၂ မဏိပဿတောင်၊
၃ သုရိယပဿတောင်၊
၎ စန္ဒပဿတောင်၊
၅ ဥဒကပဗ္ဗတောင်၊
၆ မဟာကာဠတောင်၊
၇ စူလကာဠတောင်။
တောင်စဉ် ၇-ထပ်၊ တစ်နည်း။ ။ ၀ိသုဒ္ဓိမဂ်၊ ပ-အုပ်။ ၉၀-နှင့် ၂၀၀။ စူလနိဒ္ဒေသ၊ ဋ္ဌ။ ၃၈-တို့၌ အကျယ်ရှု။ မြင့်မိုရ်တောင်ကြီးကို ၀န်းဝိုင်းပတ်ခွေလျက် တည်နေကြသော တောင်ရံခုနစ်ထပ်ဟူလို။
(၁) ယုဂန္ဓရတောင်-၎င်းင်းတောင်၏ ရေမြှုပ်ရေပေါ် အထုအနံတို့ကား ယူဇနာပေါင်း ၄၂၀၀၀ စီ ရှိ၏။
(၂) ဤသန္ဓရတောင်-၎င်းင်းတောင်၏ ရေမြှုပ်ရေပေါ် အထုအနံတို့ကား ယူဇနာပေါင်း ၂၁၀၀၀ စီရှီ၏။
(၃) ကရ၀ိကတောင်-၎င်းင်းတောင်၏ ရေမြှုပ်ရေပေါ် အထုအနံတို့ကား ယူဇနာပေါင်း ၁၀၅၀၀ စီရှိ၏။
(၄) သုဒဿနတောင်-၎င်းင်းတောင်၏ ရေမြှုပ်ရေပေါ် အထုအနံတို့ကား ယူဇနာပေါင်း ၅၂၅၀ စီရှိ၏။
(၅) နေမိန္ဒရတောင်-၎င်းင်းတောင်၏ ရေမြှုပ်ရေပေါ် အထုအနံတို့ကား ယူဇနာပေါင်း ၂၆၂၅ စီရှိ၏။
(၆) ၀ိနတ္တကတောင်-၎င်းင်းတောင်၏ ရေမြှုပ်ရေပေါ် အထုအနံတို့ကား ယူဇနာပေါင်း ၁၃၁၂ ခွဲစီရှိ၏။
(၇) အဿကဏ်တောင်-၎င်းင်းတောင်၏ ရေအောက်မြှုပ် ရေထက်ပေါ် အထုအနံတို့ကား ၆၅၆ ယူဇနာ၊ တစ်တိုင်နှင့် တာ ၆၀၀စီ ရှိ၏။
တောင့်တ၍ မရကောင်းသောအရားမျိုး ၅-ပါး။ ။
(၁) ဇရာ- အိုခြင်းမှ၊
(၂) ဗျာဓိ- နာခြင်းမှ၊
(၃) မရဏ-သေခြင်းမှ၊
(၄) ခယဓမ္မ- ကုန်ခန်းဆုတ်ယုတ်ခြင်းမှ၊
(၅) နဿနဓမ္မ- ပျက်စီးခြင်းမှလွတ်ကင်းစေရန် တောင့်တ၍မရနိုင်ပေ။
ပဉ္စင်္ဂုတ္တရ၊ ပါ၊ ၄၇၊ ဋ္ဌ။ ၂၄-၌ အကျယ်ရှုပါ။
« တော် »
တော်ဖြောင့်ရခြင်း ၆-ပါး။ ။ လူတိုင်း အစဉ်လိုက်နာပြုကျင့်ရခြင်းအကြောင်း ၆-ပါးဟူလို။
(၁) ကတညူ- သူပြုဘူးသောကျေးဇူးကို သိရ ဆပ်ရခြင်း၊
(၂) ကတ ဝေဒိ- သူ့ကျေးဇူးကို ဖေါ်ထုတ်>မက်ဆို ချီးကျူးရခြင်း၊
(၃) ဒဠှတ္ထိ မိမိဆိုသောစကားကို မြဲမြံတည်ကြည်စွာရှိအောင် ပြုရခြင်း၊
(၄) ဒုက္ခံ- သူ့ဆင်းရဲမှုကို ကိုယ့်ဆင်းရဲကဲ့သို့ မှတ်ထင်ရခြင်း၊
(၅) ကလျာဏမိတ္တ ဗန္ဓ- အဆွေခင်ပွန်းကောင်းနှင့် မိတ်ဆက်ပြုဖွဲ့ရခြင်း၊
(၆) မိတ္တသံသဂ္ဂ ပေါင်းသင်းဆက်ဆံပြီးမိတ်ဆွေကောင်းတို့အား မပြစ်မှားရခြင်း၊ အစဉ်ပေါင်းရခြင်း။
တော်ဝင်သူ ၄-ယောက်။ ။ သာသနာဝင်ကျမ်းစာတို့၌ တော်တည့်မွန်မြတ်သည်ဟု ချီးကျူးထောပနာပြုခံရသော မိန်းမမြတ် ၄-ယောက်။
(၁) အမရာဒေ၀ီ- မဟော်သဓာ၏ဇနီး၊
(၂) စန္ဒ ကိန္နရီ- စန္ဒ ကိန္နရာ၏ဇနီး၊
(၃) မဒ္ဒီဒေ၀ီ- ဝေဿန္တရာမင်း၏ မိဖုရား၊
(၄) သမ္ဗူလဒေ၀ီ- သောတ္ထိသေနမင်း၏ မိဖုရား။